EZEKELA 5:12 - Jinghpaw Hanson Version Bible

¹² Na a htam masum hta htammi ana zinli hte si wa nna, na a ka-ang e kawsi ai hte htum mat na mara ai; htammi gaw, na a grup yin e kahtam ai nhtu hte si wa na mara ai; htammi hpe nbung bung shagu de ngai shapoi kau na nngai: shanhte a hpang e nhtu hpe mung ngai naw shaw na nngai.

Jinghpaw Common Language Bible 2009

¹² Na a amyu masha ni htam masum kaw na htam mi gaw ndai mare kata hta machyi makaw hte kawsi kyet ai hta si htum mat na mara ai. Htam mi gaw mare shinggan de kahtam sat kau hkrum na mara ai; jahtum na htam mi gaw nbung bung ai de shapoi kau dat nna shanhte hpe nhtu hte hkan shachyut na nngai.

EZEKELA 5:12 ပူးပေါင်းရင်းမြစ်များ

ESAIA 1:24

Dai re ai majaw, Israela amyu hta Daru Magam rawng ai, Zaw nawng zaw wa up ai, Madu Yehowa gaw, Gaja wa, ngai e hpyen ai ni hpe ngai yeng kau nna, ngai e n dawng ai ni hpe, matai dawp na nngai.

YEREMIA 13:24

Dai re ai majaw poi mat ai mahkaw zawn, ngai shanhte hpe zaibru jang na nbung hte ahpawt shabra kau na nngai.

YEREMIA 14:12

shanhte lusha gam yang, shanhte a hpyi jahtau ai hpe ngai madat na n rai; shanhte a wan nat hkungga hte lusha hkungga hpe, ngai hkap la na n rai; ngai gaw, nhtu tsin-yam, kawsi hpang gara ai, ana zinli hte shanhte hpe shamyit kau na nngai.

YEREMIA 15:2

Shaloi shanhte gaw, Anhte gade pru wa na rai ta? nga nna nang hpe san yang, nang gaw, Yehowa ning nga ai: Si ang ai ni gaw si ai de, sat kau hkrum ang ai ni, sat kau ai de, kawsi hpang gara hkrum ang ai ni, kawsi hpang gara ai de, bawng dung hkrum ang ai ni, bawng dung ai de pru wa mu ga, ngu nna shanhte hpe htawn tsun mu.

YEREMIA 15:9

Kasha sanit shangai ai num gaw, gawng kya nga ai; shi nsa hti mat sai; shana garai n du yang, shi a jan shang wa sai; shi gaw kaya kahpa hte myi man sum ai hkrum nu ai: naw ngam nga ai ni hpe mung, hpyen ni a man e nhtu hta ngai ap kau ni ai, nga nna Yehowa tsun ai.

YEREMIA 21:9

Ndai mare hta anga nga ai wa gaw, ri nhtu, kawsi hpang gara ai, ana zinli hte si na ra ai; pru wa nna, nanhte hpe wang tawn ai Hkalde masha ni kaw sa shang ai wa chyawm gaw, hkrung nga lu nna, shi a asak lanep zawn, shi a matu tai na ra ai.

YEREMIA 24:10

Shanhte hte kaji kawa ni hpe ngai jaw da ai mungdan hta na, shamyit kau ai du hkra, ngai shanhte hpang de, ri nhtu, kawsi hpang gara ai hte ana zinli shangun dat na nngai, nga nna Yehowa tsun ai.

YEREMIA 42:22

Dai re ai majaw, nanhte sa shingbyi mayu ai shara hta, ri nhtu, kawsi hpang gara, ana zinli hte nanhte si na myit dai, teng teng chye nga mu, ngu nna htan mu ai.

YEREMIA 44:27

Yu mu, chyeju myit madun na n rai, yubak jahkrum na she, ngai shanhte hpe ala nga nna, Egutu mung hta sa shingbyi nga ai Yuda masha ni yawng, htum mat ai du hkra, ri nhtu kawsi hpang gara ai hkrum na mara ai.

YEREMIA 9:15

Israela Karai Kasang Zaw nawng zaw wa up ai Yehowa ning nga ai: “Yu u, ngai gaw ndai amyu masha ni hpe lashi pila sha shangun nna, gung hte kayau ai ntsin lu shangun na nngai:

YEREMIA 9:16

Shanhte mung, shanhte a kaji kawa ni mung, n mu yu ai amyu ni a ka-ang e, ngai shanhte hpe shabra kau nna, atsai awai htum mat hkra, shanhte hpang de nhtu shangun dat na nngai.”

EZEKELA 12:14

Shi hpe karum na matu, shi a grup yin e nga ai yawng hte hte, shi a hpyen masha ni mahkra hpe, nbung bung shagu de ngai ayai kau nna, shanhte a hpang e nhtu shaw na nngai.

EZEKELA 14:17

“Bai ngai gaw, dai mungdan ntsa e ri nhtu shangun nna, ‘Ntawng nhtu e, ndai mungdan hta masha hte yamnga n nga lu hkra, dai hpe shaza kau u,’ nga nna ngai tsun yang,

EZEKELA 14:19

“Bai ngai gaw ndai mungdan hta e ana zinli shangun dat nna, masha hte yamnga n nga lu hkra, nye pawt sindawng ai sai, de a ntsa e ru dat yang;

EZEKELA 14:21

“Dai majaw Madu Yehowa ning nga ai: ‘Yerusalem mare hta na masha hte yamnga hpe shamyit kau na matu, ri nhtu hku wa, matse labye hte ana zinli ngu ai, yak la ai ari mali hpe de a ntsa e ngai shangun dat yang, dai hta grau nna yak wa na, n rai ni?

EZEKELA 16:42

Shing rai, nang hpe kahtet ai myit ngai shakawp na nngai; nang hpe n-yun bu ai myit ngai dawm la ai hte, atsin sha nga nna, htawm hpang e pawt bu na n rai.

EZEKELA 21:22

Ngai mung lata kahpret nna, nye a myit kahtet ai hpe jasim kau na nngai: ngai Yehowa nan dai ga tsun ni ai,” nga ai.

EZEKELA 24:13

Nang hta kap ai agang chyalang hta n se n sa ai mung lawm nga ai; ngai nang hpe kashin timung, nang n tsai hkraw ndai majaw, nye pawt kahtet ai na a ntsa e garai n dik dingsa, na a agang chyalang tsai mat lu na n rai.

EZEKELA 33:27

Shanhte hpe ning ngu tsun u, ‘Madu Yehowa ning nga ai: Ngai hkrung nga ai hte maren, marawng marang tai wa ai shara ni hta naw shanu nga ai ni gaw, nhtu hte teng teng si na mara ai; pa ga e shanu nga ai wa hpe, matse labye hkrum na matu, ap kau nu ai; hpyen dap hte ginlawng hku ni hta rawng nga ai ni gaw, ana zinli hte si na mara ai.

EZEKELA 36:19

maigan amyu ni hta, ngai shanhte hpe shabra kau nna, shanhte gaw mungdan ni hta ayai kau ai hkrum masai: tinang hkan galaw ai arawn alai hte maren ngai shanhte hpe dawdan ni ai.

EZEKELA 43:8

shanhte gaw tinang a chyinghka hkinbawng, nye a chyinghka hkinbawng makau e, tinang a hkadun daw, nye hkadun daw makau e jung da nna, ngai hte shanhte a lapran e shakum sha din nga ai; shing rai, shanhte galaw ai matsat shabat amu hte, nye a chyoi pra ai amying ningsang hpe awu asin di kau ma ai: dai re ai majaw, ngai pawt bu nna, shanhte hpe shamyit kau ni ai.

EZEKELA 5:10

“Dai re ai majaw na a ka-ang e, kawa ni gaw kasha ni hpe, kasha ni gaw kawa ni hpe, sha na mara ai; ngai nang hpe dawdan nna, naw ngam nga ai ni mahkra hpe, nbung bung shagu de shapoi kau na nngai.

EZEKELA 5:17

ngai nanhte a ntsa de, hku wa hte matse labye shangun dat nna, matu mara htum mat na ra ai: ana zinli hte sai jahkaw ai gaw, nang hta ga lai wa na ra ai: ngai na a ntsa e nhtu shapraw na nngai: ngai Yehowa nan dai ga tsun ni ai.”

EZEKELA 5:2

Mare hpe gasat la lu ai shani e, majaw masum hta na majaw mi, dai mare ka-ang e nat kau u; majaw mi hpe nhtu hte marat dut kau u; majaw mi hpe nbung hta shapoi kau u: dai hta kaga ngai gaw, shanhte a hpang e nhtu naw shaw na nngai.

EZEKELA 6:8

Rai timung, nanhte gaw mungdan shagu hta bra nga yang, masha amyu baw ni a nhtu hte lawt lu ai ni nkau mi nga lu hkra, naw ngam nga ai ni hpe ngai tawn da na nngai.

EZEKELA 7:15

Shinggan de ri nhtu, kata de ana zinli hte hku wa, rai nga ai; pa e nga ai wa gaw nhtu hte si na ra ai; mare kata e nga ai wa gaw, hku wa hte ana zinli e htum mat na ra ai.

EZEKELA 7:3

Ya nang htum mat nit dai; ngai gaw na ntsa e nye a pawt bu ai shangun dat nna, na a arawn alai hte maren dawdan na nngai: nang galaw ai matsat shabat amu mahkra hpe, ngai na ntsa e nhtang dat na nngai.

JAW JAU 26:33

Maigan amyu ni hta ngai nanhte hpe shabra kau nna, nhtu shada lang let hkan shachyut na made ai: nanhte a mung gaw akrin atsai rai mat nna, nanhte a mare ni mung nam tai mat na ra ai.

AMO LAIKA (AMOS) 9:4

Hpyen ni shanhte hpe bawng rim mat wa timung, shanhte hpe sat kau na nhtu, dai shara e ngai hkang da na nngai: chyeju madun na n rai, ari jaw na matu, ngai shanhte hpe mada yu na nngai.

AMO LAIKA (AMOS) 9:9

Kaning rai nme law, yu mu, ngai htet da nna, n-gu hpe hking hta hking ai zawn, maigan amyu ni hta Israela amyu hpe ngai hking na nngai: rai timung, shingrun tum mi pyi, ga de hkrat na n rai.

ZEHKARIA 7:14

Shanhte n chye ai maigan amyu ni yawng hta, ngai shanhte hpe bungsha hte ayai kau na nngai. Shing rai dai mungdan gaw, shanhte pru wa ai hpang, shingran katsi ai shara tai nna, kadai mung sa sa wa wa nga ai n rai: kaning rai nme law, shanhte gaw dai ngwipyaw ai mungdan hpe katsi katsang shara shatai kau manu hka,” nga ai.

TARA JAHPRANG 28:65

Dai amyu ni hta nang ngamu lu na n rai, kan zaw chying lu na n rai; Yehowa gaw nang hpe masin kahpra ai, myi man sum na hte minla byaw mat ai, jahkrum na ndai rai nna;

SHINGRAN 6:8

Shaloi ngai yu yang, yu u, atsit nsan ai gumra nga nga ai rai nna, dai hta jawn ai wa a amying gaw, Si du rai nga ai; katsan ga mung dai wa kaw hkan nang nga ai. Ri nhtu hte, hku hku ai hte, ana ahkya hte ga ntsa na matse labye zingri ai hte sat kau na matu, lamu ga daw mali hta na daw mi a ntsa e up ai ahkang, shanhte lu la ma ai.