EZEKELA 5:11 - Jinghpaw Hanson Version Bible

¹¹ Dai re ai majaw, Madu Yehowa ning nga ai: Nang gaw na a n san n seng ai, matsat shabat amu mahkra hte nye a Chyoi pra ai shara hpe awu asin di kau ai majaw, ngai hkrung nga ai hte maren, ngai nang hpe shayawm na de ai: nye a myi lahpawt dum na n rai; ngai mung matsan dum na n rai.

Jinghpaw Common Language Bible 2009

¹¹ “Dai re ai majaw, Ngai gaw ahkrung nga ai Karai Kasang rai nga nngai, dai re ai majaw, ndai gaw Tsaw Htum ai dai Madu a mungga rai nga ai. Nang gaw nye a Nawku Htingnu hpe nang galaw ai n hkru ai amu yawng, matsat shabat re ai amu ni hte awu asin di kau nit dai majaw ngai gaw matsan dum ai myit n rawng ai sha nang hpe kran kadang kau na nngai.

EZEKELA 5:11 ပူးပေါင်းရင်းမြစ်များ

2 HKAWHKAM 21:4

Yehowa gaw, Yerusalem mare hta e nye a amying ningsang tawn da na we ai, nga timung, shi gaw Yehowa a nta hta tawn hkungri shaje galaw da wu ai.

2 HKAWHKAM 21:7

Israela amyu ni yawng hta na ngai lata la ai, ndai nta hta mung, Yerusalem mare hta mung, nye a amying hpe ngai tutnawng e tawn da nga ai rai nna,

2 HKAWHKAM 23:12

Ahaza a ntsa gawk a ntsa e Yuda hkawhkam ni galaw tawn ai tawn hkungri ni hte, Yehowa nta na wang lahkawng hta manashe galaw da ai tawn hkungri ni hpe mung, hkawhkam wa run kau nna, ayun ayaw agrawp kau nhtawm, Kedron hkaraw hta kabai ayai kau wu ai.

2 HKAWHKAM LABAU 33:4

Yehowa gaw, Yerusalem mare hta e nye a amying ningsang tawn da na we ai, nga timung, shi gaw Yehowa a nta hta tawn hkungri shaje galaw da wu ai.

2 HKAWHKAM LABAU 33:7

“Israela amyu ni yawng hta na ngai lata la ai, ndai nta hta mung, Yerusalem mare hta mung, nye a amying hpe ngai tutnawng e tawn da nga ai rai nna,

2 HKAWHKAM LABAU 36:14

Dai hta kaga hkinjawng ni hte mung masha ni a agyi ni mung, maigan amyu ni a matsat shabat lam shagu hpe hkan nna grai wa shut hpyit nga ma ai; Yerusalem mare hta e Yehowa shachyoi shapra da ai, shi a nta hpe mung, shanhte awu asin di kau mu ai.

YOBA 27:22

Karai Wa gaw matsan n dum ai hte shi hpe jinghkyen nga ai; shi a lata na shi hprawng gale mayu na ra ai.

SHAKAWN KUNGDAWN 107:39

Dai hpang zingri ai, ru tsang ai hte yawn hkyen hkrum ai majaw, shanhte yawm wa nna, grit mat wa ma ai.

SHAKAWN KUNGDAWN 95:11

Dai majaw, “Nye a ban sa ai hta shanhte n shang lu mu ga,” nga nna masin pawt let, ngai dagam da nngai.

YEREMIA 10:24

Yehowa e, ngai hpe sharin e; rai timung, ngai n htum mat hkra, na a pawt sindawng ai hte n rai; shadawn sharam hte sha, sharin e.

YEREMIA 16:18

Shanhte gaw nye a mung hpe, tinang a n san n seng ai si mang ni hte awu asin di kau nna, nye a sali wunli ga hpe, matsat shabat hte jahpring ai majaw, ngai shanhte hpe ari htam lahkawng, shawng jaw na nngai.

YEREMIA 32:34

Nye a amying mying ai nta hpe, awu asin di kau na matu, shanhte gaw tinang a matsat shabat re ai arai ni hpe, dai hta jashawn ma ai.

YEREMIA 44:4

Ngai chyawm gaw, jau jau rawt nna, nye a shangun ma myihtoi ni mahkra hpe nanhte hpang de shangun dat yang, Ngai n dawng n yawt ai, ndai matsat shabat amu ni hpe hkum galaw myit, ngu nna tsun timung,

SHARUNG SHAYAWT 2:17

Yehowa gaw, shi maw ai hku shabyin nu ai; moi kaw nna shi tsun ai ga hpe shadik nu ai; N lahpawt ai shi agrawp kau nu ai: Shi gaw hpyen wa hpe, na ntsa e kabu shangun nu ai; nang hpe hpyen gasat ai ni a nrung hpe, shatsaw nu ai.

SHARUNG SHAYAWT 2:21

Dingla ni hte ma ni gaw, mare lam ni hta kadawng taw ma ai; Nye a shabrang ni hte mahkawn ni gaw, nhtu hte si ma masai; Nang pawt bu ai shani hta, nang shanhte hpe matsan n dum ai, kahtam sat kau manu ai.

EZEKELA 11:18

Shanhte gaw dai de du nna, awu asin re ai hte matsat shabat amu mahkra hpe dai hta na htawm kau na mara ai.

EZEKELA 11:21

Rai timung, shanhte a awu asin re ai matsat shabat nyan hpe, myit masin hte hkan sharau ai ni a yubak, shanhte a baw ntsa e ngai shapraw na nngai,” nga nna Madu Yehowa tsun ai.

EZEKELA 23:28

Kaning rai nme law, Madu Yehowa ning nga ai: Yu u, nang n dawng n yawt nna, nang matsat kau ai ni a lata de, ngai nang hpe ap kau na de ai;

EZEKELA 23:38

Dai hta n-ga, shanhte ngai hpe naw galaw ai gaw da ndai rai nga ai: shanhte gaw, dai shani jang nye a chyoi pra ai shara hpe n san n seng di kau nna, nye a laban nhtoi ni hpe awu asin di kau mu ai.

EZEKELA 23:39

Kaning rai nme law, shanhte gaw tinang a kasha ni hpe hpara sumla ni a man e sat nhtawm, dai shani jang, nye chyoi pra ai shara hpe awu asin di kau na matu, shanhte shang wa ma ai; gaja wa, dai amu hpe nye nta ka-ang e nan, shanhte galaw masai.

EZEKELA 24:14

Ngai Yehowa nan dai ga tsun ni ai: ngai dai lam shabyin nna, shadik na nngai: ngai nye a ga shabai na, n rai; lahpawt dum na, n rai; myit malai mung lu na, n rai: na a lam hte, na a arawn alai hte maren, ngai nang hpe dawdan na nngai,” nga nna Madu Yehowa tsun ai.

EZEKELA 29:15

Dai gaw mungdan ni hta n-gun grau kya ai mungdan tai na ra ai; amyu baw ni a ntsa e, htawm hpang e grau kaba wa lu na n rai: shanhte gaw htawm hpang e grau kaba wa lu na n rai: shanhte gaw htawm hpang e maigan amyu ni ntsa e n up lu hkra, ngai shanhte hpe shayawm na nngai.

EZEKELA 33:11

Shanhte hpe htawn tsun mu, Madu Yehowa ning nga ai: ‘Ngai hkrung nga ai hte maren, tara n lang ai wa a si na lam hta ngai sharawng awng nga ai, n rai; tara n lang ai wa gaw, shi a arawn alai hpe kau da nna, hkrung nga na hpe, ngai sharawng awng nga nngai: kayin wa marit, nanhte a n hkru ai arawn alai hta na kayin wa marit; Israela dap e, hpa majaw si mayu myit ta?”

EZEKELA 43:8

shanhte gaw tinang a chyinghka hkinbawng, nye a chyinghka hkinbawng makau e, tinang a hkadun daw, nye hkadun daw makau e jung da nna, ngai hte shanhte a lapran e shakum sha din nga ai; shing rai, shanhte galaw ai matsat shabat amu hte, nye a chyoi pra ai amying ningsang hpe awu asin di kau ma ai: dai re ai majaw, ngai pawt bu nna, shanhte hpe shamyit kau ni ai.

EZEKELA 44:7

nanhte gaw nye a shahpa ngu ai sau man hte asai hpe nawng ya yang, nye a nta hpe awu asin di kau na matu, myit masin mung, ashan mung, matu gadoi n hkam ai tsasam masha ni hpe, nye a chyoi pra ai shara de nanhte jashawn nna, nanhte a matsat shabat lam mahkra hta naw kahtap jat hkra, shanhte gaw nye ga shaka hpe run kau manu ai.

EZEKELA 5:7

Dai re ai majaw Madu Yehowa ning nga ai: Nanhte gaw grup yin na amyu baw ni hta grau nna kabring kabrawng rai let, nye a matsun maroi ga hpe mung, ngai hkang da ai ga hpe mung, grup yin na amyu baw ni a htung hking daram pyi n hkan nang ai majaw, yu u, ngai hkum nan nang hpe hkap daw na nngai: ngai gaw maigan amyu ni a man e na a ka-ang e tara dara na nngai:

EZEKELA 7:20

Shanhte a tsawm htap ai gali lakai ni hta shanhte gumrawng nna, shanhte a n san n seng ai hpara sumla ni hte, matsat shabat arai ni hpe, dai hte galaw ma ai majaw, ngai shanhte a aja gumhpraw hpe awu asin re ai arai zawn shatai na nngai.

EZEKELA 7:4

Nye a myi nang hpe lahpawt dum na n rai; ngai matsan dum na n rai; na arawn alai hte maren ngai nang hpe nhtang jaw nna, nang galaw ai matsat shabat amu, na a ka-ang e jung nga na ra ai: shaloi, ngai Yehowa rai nga ai hpe, nanhte chye lu na marin dai.”

EZEKELA 7:9

Nye a myi lahpawt dum na n rai, ngai matsan dum na n rai: na a arawn alai hte maren, ngai nang hpe ari jaw na nngai; nang galaw ai matsat shabat amu, na a ka-ang e jung nga na ra ai: shing rai, ngai Yehowa ari jaw ai hpe, nanhte chye lu na marin dai.

EZEKELA 8:15

Dai rai nna shi gaw, “Masha kasha e, ndai amu hpe nang mu nu ni? dai hta grau kaba ai matsat shabat amu hpe, nang naw mu na rin dai,” nga nna ngai hpe tsun ai.

EZEKELA 8:16

Bai shi gaw, Yehowa nta kata wang de ngai hpe woi wa nna, “yu u, Yehowa a nawku Htingnu chyinghka lam, ajan hte tawn hkungri lapran e, marai hkun manga daram rai nga nna, shanhte gaw Yehowa a nawku Htingnu hpe shingdu dat kau nna, sinpraw maga de yawng let, jan hpe nawku ma ai.”

EZEKELA 8:18

Dai re ai majaw, ngai pawt bu let ari jaw na nngai; nye a myi lahpawt dum na n rai, ngai matsan n dum na nngai; shanhte aja awa jahtau timung, ngai n madat na nngai,” nga ai.

EZEKELA 9:10

“Dai rai nna ngai mung, yu lahpawt dum na n rai; shanhte galaw ai hte maren ngai matsan mung dum na n rai; shanhte a baw ntsa de shapraw na nngai,” nga nna ngai hpe tsun ai.

EZEKELA 9:5

“Dai marai kru hte hpe mung, Ndai wa hpang e mare hku ga wa let, kahtam sat kau mu; nanhte a myi lahpawt dum na n rai; matsan mung hkum dum myit:

JAW JAU 15:31

Ning rai, Israela kashu kasha ni, shanhte a ka-ang na nye a sum hpe awu asin rai nna, tinang a n san n seng ai hta si ai n hkrum mu ga, shanhte hpe tinang a n san n seng ai lam hta na nanhte jahka la na rai myit dai, ngu wu ai.

AMO LAIKA (AMOS) 8:7

Yehowa gaw, Yaku a gumrawng gumtawng ai hpe dum let, Gaja wa, shanhte amu bungli hpe ngai galoi mung malap mali kau na n rai, ngu nna dagam da nu ai.

ZEHKARIA 11:6

Dai rai nna ngai mung, htawm hpang de, ndai mung na masha ni hpe matsan dum na n rai; yu mu, masha langai hte langai hpe, tinang a htingbu wa a lata hte, tinang a hkawhkam wa a lata hta, ngai ap kau na nngai: shanhte gaw dai mungdan hpe shaza kau nna, ngai shanhte a lata na, mung masha ni hpe, mawai la na n rai,” nga nna Yehowa tsun ai.

MALAHKI 3:17

Dai hta n-ga, Dai amu hpe ngai shabyin ai shani hta, shanhte gaw nye a masha ni hte nye a sutgan tai na mara ai; kawa a amu gun hpai ai kasha hpe kawa lahpawt ai zawn, ngai shanhte hpe lahpawt na nngai.

ROMA 11:12

Dai hta kaga shanhte a ahtu kataw ai gaw mungkan ga a sutgan, shanhte a sum mat ai gaw maigan amyu ni a sutgan tai wa a yang gaw, shanhte a hkum sumhpa gaw grau nna, akyu shabyin na n rai ni?

ROMA 11:21

kaning rai nme law, Karai Kasang gaw lakung lakying majing hte hpe n lahpawt yang gaw, nang hpe mung lahpawt lama di na ndai n rai.

ROMA 8:32

Shi kasha lala hpe lahpawt lama n di ai sha, anhte mahkra a matu mara shi hpe ap ya ai wa gaw, shi hte nawng yawng mayawng anhte hpe jaw na, n rai ni?

TARA JAHPRANG 29:20

Yehowa mung, ndai tara laika hta ka da ai ga shaka dingnye nlang hte hte maren, dai wa hpe Israela amyu matu hta na lat kau nna arai jaw na matu jahku tawn na wu ai.

HEBRE 6:13

Kaning rai nme law, Karai Kasang gaw Abraham hpe ga ndat da ai shaloi e, shi hta grau ai wa hpe gang nna dagam na n nga ai majaw, tinang hkum hpe gang let,