EZEKELA 5:10 - Jinghpaw Hanson Version Bible

¹⁰ “Dai re ai majaw na a ka-ang e, kawa ni gaw kasha ni hpe, kasha ni gaw kawa ni hpe, sha na mara ai; ngai nang hpe dawdan nna, naw ngam nga ai ni mahkra hpe, nbung bung shagu de shapoi kau na nngai.

Jinghpaw Common Language Bible 2009

¹⁰ Dai lam ni a majaw, Yerusalem na kanu kawa ni gaw shanhte a kashu kasha ni hpe sha na mara ai, kashu kasha ni gaw shanhte a kanu kawa ni hpe sha na mara ai. Ngai gaw nang hpe ari jaw nna naw hkrung nga ai ni kadai hpe mung man ang ai shara shagu de shabra kau na nngai.

EZEKELA 5:10 ပူးပေါင်းရင်းမြစ်များ

2 HKAWHKAM 6:29

nga nna tsun ai majaw, ngai sha hpe shadu sha sagaw ai: hpang shani e ngai gaw, ‘Sha na matu na nsha hpe ya shapraw u,’ ngu nna shi hpe tsun we yang, shi gaw shi a kasha hpe makoi kau wu ai,” ngu nna hkawhkam wa hpe htan wu ai.

NEHEMIA 1:8

Nang mahtang, nanhte shut hpyit nga myit yang gaw, ngai nanhte hpe maigan amyu ni hta shabra kau na rai timung,

SHAKAWN KUNGDAWN 44:11

Sat na maw ai sagu hpe zawn nang anhte hpe ap kau nna, Amyu baw ni hta anhte hpe shabra kau mi ai.

ESAIA 49:26

Nang hpe adip arip ai ni hpe, tinang a hkum shan ngai sha shangun na nngai: dwi ai tsabyi jahku zawn tinang a asai hpe nang hkra lu shangun na nngai; shing rai, ngai Yehowa gaw, nang hpe Hkye hkrang la ai Madu, Yaku a Daru Magam rawng ai wa gaw, nang hpe Shaw Mawai la ai wa rai nga ai hpe, hkrung mahkrung chye lu na mara ai,” nga ai.

ESAIA 9:20

Manashe amyu gaw Ehprim amyu hpe, Ehprim amyu gaw Manashe amyu hpe kawa sha na mara ai; shan lahkawng gaw rau, Yuda amyu hpe gumlau na mara ai: rai timung, shi a pawt sindawng ai gaw sim wa sai n rai; shi a lata naw a ladawn nga ai.

YEREMIA 13:14

shaloi kahpu kanau shada mung, kawa hte kasha ni hpe mung, shada ahkawk hkat shangun na nngai: ngai matsan dum na n rai, lahpawt lama na n rai, karum la na n rai; shanhte yawng hpe shamyit kau na nngai, ngu u, nga nna Yehowa tsun ai.

YEREMIA 19:9

Hpyen ni hte shanhte a asak tam ai ni wang tawn nna, shanhte hpe kyin dut jahkrum ai majaw, shanhte gaw tinang a shayi shadang sha ni a hkum shan hpe pyi sha nna, langai hte langai tinang manang wa a hkum shan sha na mara ai, ngu nna tsun nhtawm, nang hte rau sa wa ai ni a man e, dai namtau hpe ga kau nna, Zaw nawng zaw wa up ai Yehowa ning nga ai, Di bu sama a namtau hpe, bai n lajang lu hkra, ga kau ai hte maren, ndai mare masha ni hte, ndai mare hpe, ngai ga kau na nngai: shanhte gaw, Tohpet shara hta man ai ga n nga hkra, mang lup kau na mara ai.

YEREMIA 44:12

Egutu mung hta shingbyi nga na matu, myi man yawng ai, naw ngam nga ai Yuda amyu hpe ngai woi la nna, shanhte yawng htum mat na mara ai; shanhte gaw Egutu mung hta e kadawng mat na mara ai; ri nhtu, kawsi hpang gara hte za mat na mara ai; kaji htum ai wa kaw nna kaba htum ai wa du hkra, ri nhtu, kawsi hpang gara hte si na mara ai; shanhte gaw matsa mawa, mauhpa shara, dagam dala hte shatan nhkan shara, tai na mara ai.

YEREMIA 49:32

Shanhte a gawla-uk ni hte dumsu hpung ni gaw lanep tai na mara ai; tinang a na labying kara doi ai amyu hpe, shara shagu shabra kau na nngai; shara magup hkan na shanhte a ntsa e shoihpa shoirang ngai shapraw na nngai.

YEREMIA 49:36

Ngai gaw lamu ga man mali maga na nbung amyu mali hpe, Elam mung de woi wa nna, dai nbung mali a man e shanhte hpe ahpawt shabra kau na nngai: shing rai shabra kau dat ai Elam masha ni, n du ai mungdan langai mi muk n nga na sai.

YEREMIA 50:17

Israela gaw bra mat ai sagu rai nga ai, “hkanghkyi ni gaw, shi hpe jahtaw kau mu ai; moi shawng e Asuri hkawhkam shi hpe kawa sha nu ai; ya htawm hpang e Babelon hkawhkam Nebuhkadneza gaw, shi a nrut nra ni hpe daw kau nu ai.

YEREMIA 9:16

Shanhte mung, shanhte a kaji kawa ni mung, n mu yu ai amyu ni a ka-ang e, ngai shanhte hpe shabra kau nna, atsai awai htum mat hkra, shanhte hpang de nhtu shangun dat na nngai.”

SHARUNG SHAYAWT 2:20

Yehowa e, yu u; nang kadai hpe ningrai galaw yu ga ai, sumru yu u; Num gaw, tinang nshang na hkrat nna, tinang pawn ai kasha hpe sha lu na rai ni? Hkinjawng hte myihtoi wa gaw, Madu a chyoi pra ai nta hta sat kau ai hkrum mai na rai ni?

SHARUNG SHAYAWT 4:10

Matsan grai chye dum ai num ni a lata gaw, tinang a kasha ni hpe pyi shadu ma ai; Nye amyu shayi sha hten byak hkrum ai shani e, tinang kasha ni hpe pyi sha ma ai.

SHARUNG SHAYAWT 4:16

Yehowa a myi man shanhte hpe shabra kau manu ai; shi shanhte hpe bai yu na n rai; Shanhte gaw hkinjawng ni hpe n kaw n law di nna, salang ni hpe hkungga ma ai n rai,” nga nna masha amyu baw ni hta tsun shajang nga ma ai.

SHARUNG SHAYAWT 4:3

Nam gwi ni pyi, tinang a hkalung ni hpe chyu shachyu chye ma ai; Nye a amyu shayi sha chyawm gaw, zaibru jang na u gawla-uk zawn gumshem nga ai.

EZEKELA 12:14

Shi hpe karum na matu, shi a grup yin e nga ai yawng hte hte, shi a hpyen masha ni mahkra hpe, nbung bung shagu de ngai ayai kau nna, shanhte a hpang e nhtu shaw na nngai.

EZEKELA 12:15

Shing rai ngai gaw shanhte hpe masha amyu ni hta shabra kau nna, mungdan shagu de ayai kau yang, ngai Yehowa rai nga ai hpe, shanhte chye lu na mara ai.

EZEKELA 17:21

Shi hte rau hprawng mat wa ai ni hte, shi a hpyen masha ni yawng, nhtu hte si nna, naw ngam nga ai ni gaw, nbung bung shagu de bra mat na mara ai: shaloi, ngai Yehowa nan dai lam tsun nga ai hpe, nanhte chye lu na marin dai, nga ai.

EZEKELA 20:23

dai hta kaga, masha amyu ni hta shanhte hpe shabra kau nna, mungdan ni hta ayai kau na matu, nam mali e ngai shanhte hpe dagam nngai:

EZEKELA 22:15

Ngai gaw maigan amyu ni hta nang hpe shabra kau nna, mungdan ni hta ayai kau na nngai: nang hta kap ai agang chyalang hpe mung, ngai shatsai kau na nngai.

EZEKELA 36:19

maigan amyu ni hta, ngai shanhte hpe shabra kau nna, shanhte gaw mungdan ni hta ayai kau ai hkrum masai: tinang hkan galaw ai arawn alai hte maren ngai shanhte hpe dawdan ni ai.

EZEKELA 5:12

Na a htam masum hta htammi ana zinli hte si wa nna, na a ka-ang e kawsi ai hte htum mat na mara ai; htammi gaw, na a grup yin e kahtam ai nhtu hte si wa na mara ai; htammi hpe nbung bung shagu de ngai shapoi kau na nngai: shanhte a hpang e nhtu hpe mung ngai naw shaw na nngai.

EZEKELA 5:2

Mare hpe gasat la lu ai shani e, majaw masum hta na majaw mi, dai mare ka-ang e nat kau u; majaw mi hpe nhtu hte marat dut kau u; majaw mi hpe nbung hta shapoi kau u: dai hta kaga ngai gaw, shanhte a hpang e nhtu naw shaw na nngai.

EZEKELA 6:8

Rai timung, nanhte gaw mungdan shagu hta bra nga yang, masha amyu baw ni a nhtu hte lawt lu ai ni nkau mi nga lu hkra, naw ngam nga ai ni hpe ngai tawn da na nngai.

Daniela 9:7

Madu e, dinghpring ai gaw nang hte seng nga ai: nang hpe shut hpyit ai yubak majaw, shapraw kau ai hkrum nna, ni ai, tsan ai, mung shagu hta bra nga ai, Yuda mung na ni, Yerusalem mare na ni hte, Israela masha ni yawng ngu ai, anhte hte, dai ni rai nga ai hte maren, myi man sum ai hkrai seng nga ai.

JAW JAU 26:29

Nanhte gaw tinang a kasha ni a shan sha ai kaw du na marin dai.

JAW JAU 26:33

Maigan amyu ni hta ngai nanhte hpe shabra kau nna, nhtu shada lang let hkan shachyut na made ai: nanhte a mung gaw akrin atsai rai mat nna, nanhte a mare ni mung nam tai mat na ra ai.

AMO LAIKA (AMOS) 9:9

Kaning rai nme law, yu mu, ngai htet da nna, n-gu hpe hking hta hking ai zawn, maigan amyu ni hta Israela amyu hpe ngai hking na nngai: rai timung, shingrun tum mi pyi, ga de hkrat na n rai.

ZEHKARIA 2:6

“He, he, dingdung maga de na hprawng wa marit, nga nna Yehowa tsun ai; kaning rai nme law, sumsing lamu na nbung mali zawn, ngai nanhte hpe shabra dat nngai,” nga nna Yehowa tsun ai.

ZEHKARIA 7:14

Shanhte n chye ai maigan amyu ni yawng hta, ngai shanhte hpe bungsha hte ayai kau na nngai. Shing rai dai mungdan gaw, shanhte pru wa ai hpang, shingran katsi ai shara tai nna, kadai mung sa sa wa wa nga ai n rai: kaning rai nme law, shanhte gaw dai ngwipyaw ai mungdan hpe katsi katsang shara shatai kau manu hka,” nga ai.

LUKA 21:24

Shanhte gaw ri nhtu e sat kau hkrum ai hte, amyu shagu ni e rim woi mat wa ai hkrum na mara ai: maigan amyu ni a nhtoi dik wa ai du hkra, Yerusalem gaw maigan amyu ni e kabye dip da ai hkrum na ra ai.

TARA JAHPRANG 28:64

Yehowa gaw lamu htum maga mi kaw nna lamu htum maga mi du hkra masha amyu nlang hte hta shara magup de nanhte hpe shabra kau nna, nang mung n chye ai, nji nwa ni pyi n na yu ai hpun hpra, nlung hpara re ai Hpara shaje ni hpe nawku lu na rin dai.

TARA JAHPRANG 32:26

Bai, ngai gaw, Masha hpyen wa myit tsaw wa na hpe, n tsang, Rawt gumlau ai ni gumrawng wa nna, Ndai amu nlang Yehowa di lu ai n rai, Anhte a lata nsam hte di sagaw ai, nga nna tsun na hpe n dang taw,

TARA JAHPRANG 4:27

Yehowa nanhte hpe tsasam amyu ni hta shabra kau dat nna, nanhte hpe woi mat wa ai amyu ni a hpawng kata e, nanhte gaw kachyi sha rai mat hkra kaji mat na myit dai.