EZEKELA 45:3 - Jinghpaw Hanson Version Bible

³ Shing rai nang gaw, galu de mun lahkawng hkying manga, nda de mun mi rawng ai ga dachyawk hpe shadawn nhtawm, de a ka-ang e chyoi pra htum ai shara hte chyoi pra ai shara, tai na ra ai.

Jinghpaw Common Language Bible 2009

³ Galu de deng 10, nda de deng 4 dam ai shara hpe shadawn nhtawm dai shara a ka-ang hta Nawku Htingnu ngu ai yawng hta chyoi pra htum ai shara tai na ra ai.

EZEKELA 45:3 ပူးပေါင်းရင်းမြစ်များ

1 HKAWHKAM 6:16

Chyoi pra htum ai shara ngu ai shingran gawk a matu, mali maga maren dawng hkun hkun gang nna, nta nbang matut ai gawk a nhku maga de mung, arit hpunpyen hte shangut wu ai.

EZEKELA 45:2

Dai ga dachyawk ka-ang e, galu de dawng manga tsa, nda de dawng manga tsa, jut mali maren rai nga ai ga dachyawk gaw, chyoi pra ai shara matu rai na ra ai: de a grup yin e dawng manga shi dam ai htingwan rai na ra ai.

EZEKELA 45:4

Dai gaw mungdan a chyoi pra ai shara rai nga nna, Yehowa hpe daw jau na matu sit sa ai hte, chyoi pra ai shara hta amu galaw ai hkinjawng ni a matu, tai na ra ai; dai shara gaw shanhte a nta htingra hte, chyoi pra ai nta matu chyoi pra ai wang, tai na ra ai.

EZEKELA 48:10

Dai chyoi pra ai ga dachyawk gaw, hkinjawng ni a matu rai nga nna, dingdung maga galu de mun lahkawng hkying manga; sinna maga nda de mun mi, sinpraw maga nda de mun mi, dingda maga galu de mun lahkawng hkying manga dam nna, Yehowa a chyoi pra ai nta gaw de a ka-ang e rai na ra ai.

EZEKELA 48:8

Yuda mungdaw makau, sinpraw kaw nna sinna du hkra, nanhte nawng ya na ga dachyawk rai nga ai: de a nda de nren mun lahkawng hkying manga, galu de gaw, sinpraw kaw nna sinna du hkra mungdaw hte maren rai nga ai: dai chyoi pra ai nta gaw, de a ka-ang e rai na ra ai.