EZEKELA 42:3 - Jinghpaw Hanson Version Bible

³ Kata wang hte seng ai dawng hkun, shinggan wang hte seng ai lung nep tawtap e, gade de, shakum gawk htap masum rai nga ai.

Jinghpaw Common Language Bible 2009

³ Maga mi hta Nawku Htingnu dingyang man yawng nna nda de pe 34 gang ai shara rai nga ai; kaga maga mi gaw shinggan wang lung nep maga de man yawng nga ai. Dai nta hpe htap masum hku gap nna, ntsa htap gaw lawu na hta loi kaji ai hku gap da nga ai.

EZEKELA 42:3 ပူးပေါင်းရင်းမြစ်များ

2 HKAWHKAM LABAU 7:3

Shing rai wan yu hkrat wa nna, Yehowa hpung shingkang gaw dai nta ntsa e, ka-up nga yang, Israela masha ni yawng mada yu nna, nlung nep ai shara e tinang hkum ga de myi man gum dagup let, nawku nna, Yehowa mai kaja nga ai hte, shi a chyeju htani htana anga nga ai majaw, shi hpe shakawn kungdawn ma ai.

Shawlumon A Mahkawn Ga 1:17

An a yup ku mung, tsit lali ai shara rai nga ai: An a nta ngau gum ni arit hpun, Lapa ni gaw, marau hpun, rai nga ai.

Shawlumon A Mahkawn Ga 7:5

Na a baw gaw, Hkarmela bum hte, Na kara gaw, hkyeng mang ai ari hte, bung nga ai: Hkawhkam wa pyi de a kara hkri hta gyit hkang ai hkrum nga ai.

EZEKELA 41:10

Shakum gawk ni kaw nna, nta grup yin e, dawng hkun gang ai wang rai nga ai.

EZEKELA 42:5

Ntsa gawk ni gaw gyip nga ma ai; de a htingnep ni gaw, lawu htingnep hte lapran htingnep hta grau chyum mat wa ai.