EZEKELA 42:1 - Jinghpaw Hanson Version Bible

¹ Dai hpang shi gaw, dingdung lam hku shinggan wang de ngai hpe woi jashawn nna, nta dingdung maga, man ai shara ndaw e, nga ai gawk nhku de, ngai hpe woi wa nngai.

Jinghpaw Common Language Bible 2009

¹ Dai hpang, dai masha wa gaw ngai hpe shinggan wang kata de woi wa nna Nawku Htingnu a dingdung maga de nga ai nta de mung, grai wa n tsan ai Nawku Htingnu a sinna jahtum na nta de mung woi sa wa wu ai.

EZEKELA 42:1 ပူးပေါင်းရင်းမြစ်များ

EZEKELA 40:20

Dai hpang shi gaw dingdung maga de ang ai, shinggan wang chyinghka lam a galu de hte nda de, shadawn wu ai.

EZEKELA 40:17

Dai hpang shi gaw shinggan wang kata de ngai hpe woi jashawn nna, yu u, de a grup yin e gawk ni rai nga nna, nlung nep nga ai: dai lung nep ntsa e gawk sumshi rai nga ai.

EZEKELA 42:13

Shaloi shi gaw, “Man ai shara de yawng ai, dingdung hte dingda gawk ni gaw, chyoi pra ai gawk rai nga nna, Yehowa man e daw jau ai hkinjawng ni gaw, chyoi pra ai shahpa hpe, dai gawk ni hta sha na mara ai: dai yang e chyoi pra htum ai arai ni hpe mung, shadung hkungga, mara raw hkungga hte htingrai htingrat hkungga hpe mung, shanhte tawn da na mara ai: dai shara gaw chyoi pra ai shara rai nga ai.

EZEKELA 42:4

Dai gawk ni a ndaw e dawng mi gang ai lam hte, nda de dawng shi re ai jan rai nga ai: de a chyinghka ni gaw, dingdung maga de man yawng nga ai.

EZEKELA 41:1

Dai hpang shi gaw nawku Htingnu de ngai hpe woi wa nna, chyinghka jut madin yan hpe shadawn yang, de a htat de gaw, nta a htat ai hte maren, dawng kru kru rai nga ai.

SHINGRAN 11:2

Dai Htingnu a shinggan wang hpe chyawm gaw, shinggan kau da u, dai hpe hkum shadawn et; dai gaw maigan amyu ni hpe ap ya kau ngut sai rai nna, shanhte gaw dai chyoi pra ai mare hpe shata mali shi lahkawng tup kabye dip na mara ai.

EZEKELA 42:10

Bai, sinpraw maga de ang nna, man ai shara hte sinna nta tawtap e nga ai wang shakum hta mung, gawk ni rai nga ai.

EZEKELA 41:9

Shakum gawk shinggan maga kum ai shakum gaw, dawng manga htat nga ai; naw man nga ai shara gaw, shakum gawk ni hte seng nga ai.

EZEKELA 40:24

Shaloi shi gaw dingda maga de ngai hpe woi wa nna, yu u, dingda chyinghka hpe ngai mu nngai: shadaw ni hte dingbat ni hpe shadawn yang, shawng na kasi hte maren rai nga ai.

EZEKELA 40:14

Shi gaw chyinghka grup yin wang kata a njut shadaw du hkra, dawng kru shi gang hkra, shadaw ni hpe tawn da mu ai.

EZEKELA 40:28

Bai shi gaw dingda chyinghka hku e, kata wang de ngai hpe jashawn nna, shawng na kasi hte maren dai dingda chyinghka hpe shadawn wu ai.

EZEKELA 41:10

Shakum gawk ni kaw nna, nta grup yin e, dawng hkun gang ai wang rai nga ai.