EZEKELA 41:2 - Jinghpaw Hanson Version Bible

² Nta chyinghka lam gaw dawng shi gang nga ai: chyinghka lam gade de dawng manga nga gang nga ai: nta hpe shadawn yang, de a galu de dawng mali shi, nda de dawng hkun rai nga ai.

Jinghpaw Common Language Bible 2009

² dam maga de pe 18 rai nga ai; dai hta kade nde pe 8 htat ai shakum mung rawng nga ai. Shi gaw gawk nu shadawn yu wu yang, dai gaw galu de pe 68, nda de pe 34 rai nga ai.

EZEKELA 41:2 ပူးပေါင်းရင်းမြစ်များ

1 HKAWHKAM 6:17

Shingran gawk n lawm ai sha, nawku htingnu gawk ngu ai nta a galu de dawng mali shi rai nga ai.

1 HKAWHKAM 6:2

Hkawhkam Shawlumon gaw Yehowa a matu gaw da ai nta gaw, de a galu de dawng kru shi, nda de dawng hkun, tsaw de dawng sumshi rai nga ai.

2 HKAWHKAM LABAU 29:7

Shanhte gaw Yehowa nta ndaw chyinghka ni hpe la da nna, pyengdin ni sat kau nhtawm, chyoi pra ai shara hta Israela Karai Kasang hpe manam pyaw ai baw hkungga mung n nat, wan nat hkungga mung n nawng ya manu ai.

2 HKAWHKAM LABAU 3:3

Da ndai gaw Karai Kasang a nta matu Shawlumon gaw da ai npawt nhpang ni rai nga ai: galu de, shadawn yu ai hte maren, dawng kru shi, nda de dawng hkun rai nga ai.

2 HKAWHKAM LABAU 3:7

Dai hta kaga shi gaw, nta hpe, ngau ni, chyinghka hkinbawng ni, shakum ni hte de a chyinghka ni hpe ja hte sup wu ai: shakum ni hta hkerubim sumla hpe tawk ka wu ai.

PRU MAT 26:36

Bai dai sum a chyinghka a matu sawm tsit ai, hkyen mang ai, hkyeng tsawm ai hte kaboi ngut sai lachyit ri a ka chye ai masha da ai chyinghka grang langai mi mung, nang galaw na rai ndai.

PRU MAT 36:37

Bai, dai sum chyinghka a matu, sawm tsit ai, hkyeng mang ai, hkyeng tsawm ai hte kaboi ngut sai mani ai lachyit ri a ka chye ai masha da ai hku chyinghka grang langai mi mung, shi galaw wu ai:

EZEKELA 47:1

Dai hpang shi gaw nta chyinghka de ngai hpe bai woi wa nna, chyinghka hkinbawng npu e, sinpraw maga de lwi ai hka hpe, ngai mu nngai: nta npan gaw sinpraw maga de yawng nna, hka gaw nta a hkra maga npu na hpaw pru nna, tawn hkungri dingda maga de lwi wa ai.

YAWHAN 10:7

Dai re ai majaw Yesu shanhte hpe bai tsun mu ai gaw, “Ngai nanhte hpe gaja wa teng teng tsun dan made ga, Ngai gaw sagu ni shang ai chyinghka hku rai nga nngai.

YAWHAN 10:9

Ngai gaw chyinghka hku rai nga nngai: ngai hta shang ai wa gaw, hkye hkrang la hkrum na wu ai rai nna, shang wa pru wa rai lu ai hte, udat shara mu na wu ai.