EZEKELA 40:6 - Jinghpaw Hanson Version Bible

⁶ Dai hpang sinpraw maga chyinghka de shi sa du nna, lakang lung nhtawm, chyinghka hkinbawng hpe shadawn yu ai; de a htat de nren mi; bai de a manang nren mi rai nga ai.

Jinghpaw Common Language Bible 2009

⁶ Dai hpang, sinpraw maga de myi man yawng ai chyinghka de shi sa du nga ai. Shi gaw ntsa de lahkam lung wa nhtawm ntsa htap na shang wa chyinghka lam hpe shadawn nga ai; dai gaw pe 10 sung nga ai.

EZEKELA 40:6 ပူးပေါင်းရင်းမြစ်များ

1 HKAWHKAM 6:8

Nta ajan ka-ang gawk ni a matu shang wa ai chyinghka lam gaw nta a hkra maga de waw nga ai; bai manai ai lakang hte lapran htap ngu na de shanhte lung wa nna, lapran htap kaw nna ntsa htap de bai lung wa ma ai.

1 HKAWHKAM LABAU 9:18

Shanhte gaw ya du hkra, sinpraw maga na hkawhkam chyinghka sin ai ni rai nga ma ai: Lewi a kashu kasha ni a dap na chyinghka sin ai ni shanhte rai nga ma ai.

1 HKAWHKAM LABAU 9:24

Chyinghka sin ai ni gaw, sinpraw, sinna, dingdung, dingda, man mali sin nga ma ai.

NEHEMIA 3:29

Shanhte a hpang e Imera a kasha Zadok gaw shi nta tawtap e lajang nga ai. Shi a hpang e, sinpraw chyinghka sin ai wa, Shehkania kasha, Shemaia lajang nga ai.

SHAKAWN KUNGDAWN 84:10

Na a wang kata e lani mi sha nga lu ai gaw, nhtoi kaga hkying mi hta grau kaja nga ai. Tara n lang ai wa a sum hta nga lu ai hta, Karai Kasang a chyinghka hkinbawng sin na, ngai grau tsaw nga nngai.

EZEKELA 10:18

Bai Yehowa a hpung shingkang gaw, Nta chyinghka hkinbawng na sit nna, Hkerubim ni a ntsa e jung nga ai.

EZEKELA 11:1

Dai hpang wenyi gaw ngai hpe pawn let, sinpraw maga de man yawng ai, Yehowa nta sinpraw chyinghka lam de ngai hpe woi wa nngai: shaloi, yu u, dai chyinghka lam e marai hkun manga rai nga nna, shanhte hta Azura kasha Yazania hte Benaia kasha Pelatia lawm nga ma ai: shan gaw mung du rai nga ma ai.

EZEKELA 40:20

Dai hpang shi gaw dingdung maga de ang ai, shinggan wang chyinghka lam a galu de hte nda de, shadawn wu ai.

EZEKELA 40:22

Hkuwawt ni, dingbat ni, namhtan hpun sumla ni, sinpraw chyinghka a kasi hte maren rai nga ai; lakang n-gam sanit hte chyinghka de lung wa ai; dingbat ni gaw lakang hte yan sha rai nga ai.

EZEKELA 40:24

Shaloi shi gaw dingda maga de ngai hpe woi wa nna, yu u, dingda chyinghka hpe ngai mu nngai: shadaw ni hte dingbat ni hpe shadawn yang, shawng na kasi hte maren rai nga ai.

EZEKELA 40:26

Lakang n-gam sanit hte chyinghka de lung wa ai; dingbat ni gaw lakang hte yan sha rai nga ai: gade de shadaw ni hta namhtan hpun sumla tawk ka nga ai.

EZEKELA 40:5

Ya, yu u, nta grup yin e bunghku nga nga ai; dai wa a lata hta dawng kru galu ai mai-aw nren lang nga ai; (dai dawng mi gaw lahkam masum hpe ngu ai rai nga ai;) shaloi shi gaw bunghku hpe shadawn nna, de a htat de nren mi, tsaw de nren mi rai nga ai.

EZEKELA 40:7

Sin langa gawk ni langai hte langai galu de nren mi, nda de nren mi rai nga ai; gawk ni a lapran e dawng manga gang ai lam din nga ai; ajan makau na kata chyinghka hkinbawng mung nren mi rai nga ai.

EZEKELA 41:16

chyinghka hkinbawng ni hte la da na matu hkuwawt chyinghka ni, chyinghka hkinbawng a tawtap e ang nna, grup yin e nga ai shakum gawk a htap masum hpe shadawn yu ai: dai gaw ga kaw nna hkuwawt chyinghka du hkra hpunpyen hte magap nga ai; hkuwawt chyinghka ni mung magap nga ai;

EZEKELA 42:15

Ya kata nta hpe shadawn ngut jang, sinpraw chyinghka shinggan de shi ngai hpe shapraw nna, grup yin shadawn yu yang,

EZEKELA 43:1

Dai hpang shi gaw, sinpraw maga de yawng ai chyinghka lam de, ngai hpe woi wa nna,

EZEKELA 43:17

Npawt mung jut mali maren rai nga nna, galu de dawng shi mali, nda de dawng shi mali rai nga ai; makau grup yin mung lahkam mi tsaw nga ai; madang gaw tawn hkungri grup yin e dawng mi kra nna, de a lakang gaw sinpraw maga de yawng nga ai,” nga ai.

EZEKELA 43:8

shanhte gaw tinang a chyinghka hkinbawng, nye a chyinghka hkinbawng makau e, tinang a hkadun daw, nye hkadun daw makau e jung da nna, ngai hte shanhte a lapran e shakum sha din nga ai; shing rai, shanhte galaw ai matsat shabat amu hte, nye a chyoi pra ai amying ningsang hpe awu asin di kau ma ai: dai re ai majaw, ngai pawt bu nna, shanhte hpe shamyit kau ni ai.

EZEKELA 44:1

Dai hpang shi gaw, chyoi pra ai shara a, sinpraw de yawng ai, shinggan chyinghka lam de, ngai hpe nhtang wa shangun nna, dai chyinghka gaw la da nga ai.

EZEKELA 46:12

Du wa gaw, mayu kumhpa, wan nat hkungga hte mahku hkungga hpe dingsa myit hte Yehowa matu shapraw ya yang, sinpraw de yawng ai chyinghka shi a matu hpaw na ra ai; shi gaw laban nhtoi e shapraw ai zawn, wan nat hkungga hte mahku hkungga hpe shapraw ya nhtawm, pru wa na ra ai: shi pru ai hpang chyinghka hpe la kau na ra ai.

EZEKELA 47:1

Dai hpang shi gaw nta chyinghka de ngai hpe bai woi wa nna, chyinghka hkinbawng npu e, sinpraw maga de lwi ai hka hpe, ngai mu nngai: nta npan gaw sinpraw maga de yawng nna, hka gaw nta a hkra maga npu na hpaw pru nna, tawn hkungri dingda maga de lwi wa ai.

EZEKELA 8:16

Bai shi gaw, Yehowa nta kata wang de ngai hpe woi wa nna, “yu u, Yehowa a nawku Htingnu chyinghka lam, ajan hte tawn hkungri lapran e, marai hkun manga daram rai nga nna, shanhte gaw Yehowa a nawku Htingnu hpe shingdu dat kau nna, sinpraw maga de yawng let, jan hpe nawku ma ai.”