EZEKELA 40:5 - Jinghpaw Hanson Version Bible

⁵ Ya, yu u, nta grup yin e bunghku nga nga ai; dai wa a lata hta dawng kru galu ai mai-aw nren lang nga ai; (dai dawng mi gaw lahkam masum hpe ngu ai rai nga ai;) shaloi shi gaw bunghku hpe shadawn nna, de a htat de nren mi, tsaw de nren mi rai nga ai.

Jinghpaw Common Language Bible 2009

⁵ Ngai mu mada ai gaw Nawku Htingnu rai nga ai, de a grup yin hta bunghku langai nga nga ai. Shaloi masha langai mi gaw pe 10 galu ai shadawn ningren la nna bunghku shadawn nga ai. Dai bunghku gaw tsaw de pe 10 rai nna htat ai maga de pe 10 rai nga ai.

EZEKELA 40:5 ပူးပေါင်းရင်းမြစ်များ

SHAKAWN KUNGDAWN 125:2

Bum ni gaw Yerusalem hpe grup di da mu ai hte maren, Yehowa mung, ya kaw nna prat dingsa e, Shi a amyu hpe grup di da mu ai.

ESAIA 26:1

Dai shani e, ndai mahkawn mangoi ga, Yuda mung hta e mahkawn mangoi na ra ai: Anhte gaw ngang ai mare lu ga ai; shi gaw bunghku hte langchyi a malai, hkye hkrang la ai chyeju san da wu ai.

ESAIA 60:18

Na a mung hta kashun kashe, nang shanu ai shara hta, katsi katsang hte hten byak ai htawm hpang de n nga na sai; nang gaw na a bunghku ni hpe Hkye hkrang la ai lam, na a chyinghka ni hpe Shakawn Kungdawn ai shara, nga nna shamying na wu ai.

EZEKELA 41:8

Shing rai, nta a grup yin tsaw ai madang hpe ngai mu nngai. Shakum gawk ni a npawt gaw, dawng kru tup galu ai nren mi dam nga ai.

EZEKELA 42:15

Ya kata nta hpe shadawn ngut jang, sinpraw chyinghka shinggan de shi ngai hpe shapraw nna, grup yin shadawn yu yang,

EZEKELA 42:20

Shing rai shi gaw dai man mali hpe shadawn yu ai: chyoi pra ai shara hte n chyoi n pra ai shara na, ginhka na matu, grup yin e bunghku kum nga nna, de a galu de manga tsa, nda de manga tsa rai nga ai.

EZEKELA 43:13

Da ndai gaw tawn hkungri a shadawn ai lam rai nga ai: lahkam masum hpe dawng ngu ai rai nga ai: tawn hkungri a npawt dawng mi tsaw nna, dawng mi gang nga ai; grup yin makau e lahkam mi gang na rai nga ai; dai gaw tawn hkungri a npawt rai na ra ai.

ZEHKARIA 2:5

Kaning rai nme law, Ngai gaw dai mare a grup yin e wan bunghku tai nna, de a ka-ang na hpung shingkang tai na nngai,” nga nna Yehowa tsun ai.

TARA JAHPRANG 3:11

(Kaning rai nme law, Rehpim ngu ai amyu hta na hkrat ai, Bashan hkawhkam Oga chyu sha ngam nga sai; yu u, shi a yup ku gaw hpri yup ku rai nga ai: dai gaw Amon kashu kasha ni a mung na Raba mare hta nga nga lu ai n rai ni? masha a dawng hku sawn yang, dai gaw galu de dawng jahku, nda de dawng mali rai nga ai.)

SHINGRAN 21:12

de a bunghku gaw galu kaba ai hte tsaw la nga ai: mare chyinghka shi lahkawng hpaw nga ai rai nna, dai chyinghka ni a ntsa e lamu kasa shi lahkawng sin nga ma ai: dai hta n-ga, Israela a kashu kasha amyu shi lahkawng ni a amying mung dai hta ka kap nga ai.