EZEKELA 40:3 - Jinghpaw Hanson Version Bible

³ Shi ngai hpe dai de woi wa nngai; shaloi, yu u, magri nsan ai wa langai mi dai yang e nga nga nna, shadawn na matu, shi a lata hta lachyit sumri hte mai-aw nren lang let, chyinghka lam makau e tsap nga ai.

Jinghpaw Common Language Bible 2009

³ Shi gaw ngai hpe grau ni htep hkra woi wa ai rai nna, dai yang e magri mang zawn htoi gala ai masha langai mi hpe ngai mu nngai. Dai wa gaw lachyit sumri hte shadawn ningren lang nna, chyinghka lam makau e tsap nga ai.

EZEKELA 40:3 ပူးပေါင်းရင်းမြစ်များ

ESAIA 28:17

Dai hta kaga ngai gaw, tara ding ai hpe mahkret sumri, dinghpring ai hpe shadawn chyu shatai nna, sin laru gaw masu matsa ga a shingbyi shara jahkoi kau ai hte, hka hpungla ni gaw makoi shara hpe lim kau na ra ai.

ESAIA 8:20

Tara hte sakse ga hpe madat mara mu; shanhte tsun ai lam ndai ga hte nbung yang, gaja wa, shanhte a matu jahpawt manap n nga ai.

EZEKELA 1:27

Dai tingnyang kata e mung, grup yin e mung, dai wa a nshang kaw nna baw daw de, byawng mat ai kung zawn tu ala ai wan hpe, ngai mu nngai: bai, shi a nshang kaw nna lagaw daw de, wan nsan ai ngai mu nna, shi a grup yin e htoi kabrim nga ai.

EZEKELA 1:7

Shanhte a lagaw ni gaw, malang ai lagaw rai nga ai; de a lahpan ni gaw, dumsu kasha a lahkru zawn rai nna, htoi kabrim ai magri zawn tu ala nga ai.

EZEKELA 41:1

Dai hpang shi gaw nawku Htingnu de ngai hpe woi wa nna, chyinghka jut madin yan hpe shadawn yang, de a htat de gaw, nta a htat ai hte maren, dawng kru kru rai nga ai.

EZEKELA 42:16

sinpraw de mai-aw nren manga tsa,

EZEKELA 43:6

Marai langai mi, nta kata de na ngai hpe ga tsun ai, ngai na nngai; masha langai mi mung nye a makau e tsap nga ai.

EZEKELA 47:3

Shaloi sumri lang ai wa gaw, sinpraw maga de sa nhtawm, dawng hkying mi du hkra shadawn nna, ngai hpe rap shangun ai: hka gaw hkarutum du nga ai.

EZEKELA 8:2

Shaloi ngai mada yu nna, yu u, wan nsan ai hkrang dan pru nga ai; nshang kaw nna lagaw daw de wan nsan ai mung, nshang kaw nna baw daw de, byawng mat ai kung zawn htoi kabrim nga ai.

SHINGRAN 1:15

shi a lagaw yan gaw, wan htung hta jen kau sai magri jet zawn san nga ai; shi a nsen gaw, hka law law kadu ai nsen zawn wu nga ai.

SHINGRAN 11:1

Bai, ri lan zawn re ai mai-aw nren langai mi ngai hpe ya nna, marai langai mi, “Rawt u, Karai Kasang a nawku Htingnu hpe mung, tawn hkungri hpe mung, dai yang e nawku ai ni hpe mung, shadawn yu u.

SHINGRAN 21:15

Ngai hte ga tsun ai wa gaw, mare hpe mung, mare chyinghka ni hpe mung, de a bunghku hpe mung, shadawn na matu aja mai-aw nren lang nga ai.