EZEKELA 4:9 - Jinghpaw Hanson Version Bible

⁹ Bai, nang gaw, hkaulan mam, muk-yaw mam, shapre, nawkyu, hkauya hte shagyi ni hpe la nna, dibu langai mi hta kayau bang da nhtawm, muk tawng galaw u; nang hkrawn taw nga ai nhtoi, masum tsa jahku shi ya tup, dai hta na nang sha lu na ndai.

Jinghpaw Common Language Bible 2009

⁹ Ya chyawm gaw, hkaulan mam, muk-yaw mam, shapre, nawkyu, hkauya hte shagyi nkau mi la u. Dai ni yawng hpe kayau nna muk tawng galaw u. Dai gaw na a pai maga de nhkrem hku nang hkrawn taw nga ai nhtoi masum tsa jahku shi ya laman nang sha na matu rai nga ai.

EZEKELA 4:9 ပူးပေါင်းရင်းမြစ်များ

NINGPAWT NINGHPANG 25:34

Shaloi Yaku gaw Esaw hpe muk hte shapre shat mai jaw wu ai rai nna, dai lu sha nhtawm, shi bai rawt hkawm mat wa ai: shing rai Esaw gaw shi a hpu lat aya hpe n gawn n sawn di wu ai.

PRU MAT 9:32

Hkaulan mam hte nbaw mam chyawm gaw, garai n tu ma ai majaw, n hten ma ai.

ESAIA 28:25

Dai hpe masit shara kau nhtawm, hpakgyi hte shingtawn pan, hkaulan mam hpe lam mi hte lam mi, muk-yaw mam hpe tinang hte ang ai shara e, shingnawm hkan e manggawng si gat hkai ga ai, n rai ni?

EZEKELA 4:13

Shing rai, Israela kashu kasha ni gaw, ngai shanhte hpe shaden kau dat ai maigan amyu ni a ka-ang e awu asin re ai muk hpe sha na mara ai,” nga nna Yehowa tsun ai.

EZEKELA 4:16

Bai shi gaw, “Masha kasha e, yu u, Yerusalem mare hta, muk ngu ai dawhkrawng hpe, ngai daw kau na nngai: mare masha ni gaw muk hpe shen nna, myit hkrit let sha na ma ai; ntsin hpe shadang nna, mak mat let lu na ma ai: