EZEKELA 4:7 - Jinghpaw Hanson Version Bible

⁷ Bai, Yerusalem mare hpe wang tawn ai lam lahpum shada let shaja nna, dai mare hten wa na lam myihtoi htoi u.

Jinghpaw Common Language Bible 2009

⁷ “Yerusalem hpe wang tawn da ai hpe azi yu u, dai mare de na a lata lahpum shada nna, dai mare hten wa na lam, myihtoi htoi u.

EZEKELA 4:7 ပူးပေါင်းရင်းမြစ်များ

ESAIA 52:10

Yehowa gaw masha amyu baw ni mahkra a man e shi a chyoi pra ai lahpum shadawng dan nna, anhte a Karai Kasang a hkye hkrang la ai lam gaw, lamu ga htum hkra dan leng wa sai.

EZEKELA 21:2

“Masha kasha e, dingda maga de myi man yawng let, dingda maga de ang ang ga tsun nna, Dingda maga na pa ga maling hpe hkap daw let, myihtoi htoi u:

EZEKELA 4:3

Dai hta kaga hpri pa la nna, nang hte mare a lapran e hpri bunghku tai na matu shadun da u: dai mare maga de nang myi man yawng u; shing rai mare gaw wang da ai hkrum nna, nang dai hpe wang tawn da na ndai. Dai gaw Israela amyu a matu kumla tai na ra ai.

EZEKELA 5:2

Mare hpe gasat la lu ai shani e, majaw masum hta na majaw mi, dai mare ka-ang e nat kau u; majaw mi hpe nhtu hte marat dut kau u; majaw mi hpe nbung hta shapoi kau u: dai hta kaga ngai gaw, shanhte a hpang e nhtu naw shaw na nngai.

Daniela 11:17

Shi gaw, shi a mungdan a n-gun mahkra hte sa du nna, mye lu na lam shapraw na matu, shakut sharang nga ai hte, dai lam mung galaw nga ai: dai mung hpe jahten na matu, shi gaw dingda hkawhkam wa hpe shayi sha mung ya sha na ra ai: rai timung shi daw ai lam n byin nna, shi a matu akyu n pru nga ai.