EZEKELA 4:2 - Jinghpaw Hanson Version Bible

² dai mare hpe wang tawn u; de a man e dap jung u, kaduk htu mu; hpyen masha ni de a man e but nga nna, grup yin e bunghku sharun ai gawng tawn da mu.

Jinghpaw Common Language Bible 2009

² Dai hpang, dai mare hpe wang da ai kumla shapraw na matu, kaduk ni hpe tawn u, ga kaduk ni galaw u, dap ni jung u, dai mare a grup grup yawng hta bunghku sharun ai gawng ni hpe tawn u.

EZEKELA 4:2 ပူးပေါင်းရင်းမြစ်များ

2 SAMUELA 20:15

Sheba shingbyi nga ai Bet-mahka ginwang na Abela mare hpe wang tawn nna, shinggan na bunghku hte tawtap e kaduk htu ma ai; Yoab a masha ni nlang hte mung, mare bunghku hpe sharun na nga, bunghku npawt htu gawt ma ai.

ESAIA 22:7

Shing rai, na a pyaw htum ai kadit ni hta hpyen leng hte hpring chyat nga nna, gumra jawn ai ni gaw, mare chyinghka lam e dap jung nga ma ai.

YEREMIA 32:24

Kaduk ni hpe yu u, mare daju hpe gasat la na matu shanhte du masai; ri nhtu, kawsi hpang gara, ana zinli hte, hkap gasat ai Hkalde masha ni a lata de, ndai mare hpe ap kau nu ai: nang tsun ai hte maren dik wa sai; nang nan dai hpe mu ndai.

YEREMIA 33:4

Kaning rai nme law, hpyen kaduk ni hte ri nhtu ni hpe hkap gang na matu, run kau hkrum ai, ndai mare a nta ni hte Yuda hkawhkam a nta ni a lam lakap nna, Israela Karai Kasang Yehowa ning nga ai;

YEREMIA 52:4

Dai rai nna Babelon hkawhkam Nebuhkadneza gaw, Zedekia hkaw dung ai jahku ning na, shata shi a, nhtoi shi ya hta e, shi a hpyen luksuk ni hte rau, Yerusalem mare hpe lung gasat nna, de a grup yin e dap jung let, kaduk htu nhtawm,

YEREMIA 6:6

Kaning rai nme law, Zaw nawng zaw wa up ai Yehowa ning nga ai: Hpun ni hpe kran kau mu; Yerusalem makau e kaduk htu mu; ndai mare gaw shari mai ai mare rai nga ai: de a kata de zingri zingrat ai hkrai rai nga ai.

EZEKELA 21:22

Ngai mung lata kahpret nna, nye a myit kahtet ai hpe jasim kau na nngai: ngai Yehowa nan dai ga tsun ni ai,” nga ai.

EZEKELA 21:27

Bunghku sharun ai gawng hpe tawn da na mung, hpyen gasat na matu garu jahtau nna, marawn ai nsen sharawt let, mare chyinghka ni hpe sharun ai gawng tawn da nna, kaduk htu na hte dap jung na matu, shi a hkra lata hta Yerusalem mare hpe hpru ai pala rawng nga ai:

EZEKELA 5:2

Mare hpe gasat la lu ai shani e, majaw masum hta na majaw mi, dai mare ka-ang e nat kau u; majaw mi hpe nhtu hte marat dut kau u; majaw mi hpe nbung hta shapoi kau u: dai hta kaga ngai gaw, shanhte a hpang e nhtu naw shaw na nngai.

Daniela 11:15

Shing rai dingdung hkawhkam sa wa nna, kaduk htu nhtawm, bunghku kaba kum ai mare hpe gasat la na ra ai: dingda luksuk ni n tsap lu ai hte, shi san da ai masha ni hta, hkap gasat na n-gun n rawng nga ai.