EZEKELA 4:10 - Jinghpaw Hanson Version Bible

¹⁰ Na a shahpa ni hpe nang lani hte lani hkan lahkawng hkawng shen nna sha u: madat da ai aten e dai hpe sha u:

Jinghpaw Common Language Bible 2009

¹⁰ Lani mi hta aung za matsat rawng ai muk nang sha na ahkang lu na rai ndai, dai gaw hpang shani du hkra na matu rai nga ai.

EZEKELA 4:10 ပူးပေါင်းရင်းမြစ်များ

ESAIA 3:1

Kaning rai nme law, yu mu, Zaw nawng zaw wa up ai Madu Yehowa gaw, Yerusalem mare hte Yuda mung na, myit manoi shara hte shamyet shanat shara hpe dawm kau na ra ai: lusha jarit yawng hpe mung, hka lu yawng hpe mung,

YEREMIA 32:9

Dai rai nna ngai gaw, Anahtot e nga ai ga dachyawk hpe, wa di a kasha Hanamela kaw na mari la nna, gumhpraw shekela shi sanit, shi a matu shen ya we ai.

EZEKELA 4:11

ntsin mung shadang nna, htinggap mi sha lu u: madat da ai aten e dai hpe lu u.

EZEKELA 4:16

Bai shi gaw, “Masha kasha e, yu u, Yerusalem mare hta, muk ngu ai dawhkrawng hpe, ngai daw kau na nngai: mare masha ni gaw muk hpe shen nna, myit hkrit let sha na ma ai; ntsin hpe shadang nna, mak mat let lu na ma ai:

EZEKELA 45:12

Shekela langai mi gaw gera hkun rai nga ai: bai manah ngu ai gaw, shekela hkun, hkun manga, shing n rai shi manga, rawng nga ai.

JAW JAU 26:26

Nanhte hpe shadaw ai shat lusha ngai dawm kau ya made yang, numsha marai shi ting wan mang langai mi hta sha nanhte a muk kabaw nhtawm, joi hte shen nna nanhte hpe karan jaw na ra ai: nanhte sha timung kan du na n rai.