EZEKELA 39:4 - Jinghpaw Hanson Version Bible

⁴ Nang hte na a hpyen masha ni mahkra mung, nang hte rau nga ai amyu baw ni mung, Israela bum ni a ntsa e kadawng si na mara ai: u matse amyu myu hte, pa ga na matse labye ni a shahpa matu, ngai nang hpe ap kau na nngai;

Jinghpaw Common Language Bible 2009

⁴ Goga hte shi a luksuk ni mung, shi a jinghku hpyen hpung ni mung, Israela bum ni a ntsa e kadawng si na mara ai; shanhte a moi mang ni hpe mung, ntsa malen u ni hte matse labye dusat dumyeng ni yawng a shahpa shatai kau na we ai.

EZEKELA 39:4 ပူးပေါင်းရင်းမြစ်များ

ESAIA 14:24

Gaja wa, ngai myit aru yu ai hte maren byin na ra ai; ngai myit shatawng da ai hte maren tai na ra ai:

ESAIA 14:25

ngai gaw nye a mungdan hta Asuri wa hpe agrawp kau nna, nye a bum ni a ntsa e shi hpe kabye kau na we ai: shaloi jang, shi shanhte hpe hpai shangun ai kandang shanhte kaw na, shanhte hpe gun hpai shangun ai lit shanhte a lahpa hta na, yu kau na ra ai, nga nna Zaw nawng zaw wa up ai Yehowa dagam nga ai.

YEREMIA 15:3

Shanhte hpe sat kau na matu nhtu, karawt sha na matu gwi, sha kau nna shaza kau na matu ntsa malen u ni hte pa ga na matse labye ngu ai tsin-yam amyu mali, ngai shanhte a ntsa e tawn da nna, Yuda hkawhkam, Hezekia a kasha Manashe gaw, Yerusalem mare galaw ai amu majaw, ga ntsa mungdan ni mahkra hta, ngai shanhte hpe hkrithpa kumla shatai na nngai, nga nna Yehowa tsun ai.

YEREMIA 25:33

Dai shani e, Yehowa lata hte sat kau hkrum ai ni gaw, lamu ga maga mi kaw nna maga mi du hkra, jawng na mara ai; shanhte hpe sharung shayawt na n rai; hta na mung n rai, lup makoi na mung n rai; ga ntsa e namhpun tai na mara ai.

EZEKELA 29:5

Nang hte na a hka hta rawng ai nga ni mahkra hpe, zaibru jang e ngai kabai tawn kau na nngai: pa ga e nang taw nga nna, kadai mung sa lahkawn shinggyin la na n rai: ga ntsa na matse labye ni hte ntsa malen u ni a shahpa matu, ngai nang hpe ap kau na nngai.

EZEKELA 33:27

Shanhte hpe ning ngu tsun u, ‘Madu Yehowa ning nga ai: Ngai hkrung nga ai hte maren, marawng marang tai wa ai shara ni hta naw shanu nga ai ni gaw, nhtu hte teng teng si na mara ai; pa ga e shanu nga ai wa hpe, matse labye hkrum na matu, ap kau nu ai; hpyen dap hte ginlawng hku ni hta rawng nga ai ni gaw, ana zinli hte si na mara ai.

EZEKELA 35:8

De a bum ni hpe si mang hte ngai jahpring na nngai; na a kawng ni, na a kadit ni, na a hkaraw ni yawng hte hta, nhtu hte sat kau hkrum ai ni kadawng taw na mara ai.

EZEKELA 38:21

Madu Yehowa ning nga ai: Nye a bum ni yawng hta na, shi hpe gasat na nhtu ngai htet da nna, langai hte langai tinang manang wa hpe pyi, kahtam na mara ai.

EZEKELA 39:5

nang gaw pa ga e kadawng si na rin dai: ngai dai ga tsun ni ai,’ nga nna Madu Yehowa tsun ai.

NAHUM 3:3

gumra jawn ai ni htim nna, tu gala ai nhtu hte, kabrim ala ai ri tu majaw sat kau hkrum ai ni law nga nna, si mang ni sumpum nga ma ai: si mang ni mana maga law nga ai majaw, lai wa ai ni dai hta ahtu kataw nga ma ai: