EZEKELA 38:8 - Jinghpaw Hanson Version Bible

⁸ Nhtoi tsawmra na wa yang, nang ahkang aya lu la na ndai: shing rai, nhtu tsin-yam lawt nna, amyu baw ni hta na shaw la hkrum ai hte, nhtoi na na wa katsi katsang rai nga ai, Israela bum ni a ntsa e dè nga ai amyu hpang de, hpang jahtum ai aten e, nang lung gasat na ndai; rai timung, dai mung masha ni gaw maigan amyu ni hta na shaw la ai hkrum nna, yawng hte gaw apyaw sha shanu nga na mara ai.

Jinghpaw Common Language Bible 2009

⁸ Shaning law law lai mat wa ai hpang, masha amyu baw ni law law a lata kaw na rau sha woi nhtang wa nna hpyen majan hpa mung n hkrit n tsang ra sai hte amyu masha ni shanu nga ai mungdan hpe shang gasat na matu ngai shi hpe ahkang jaw ya na nngai. Shi gaw aten na na katsi katsang tai mat nna jahkam da sai rai ti mung, ya, dai mungdan hta amyu masha ni yawng shim lum ai hte shanu nga sai Israela bum ni hpe shang gasat na ra ai.

EZEKELA 38:8 ပူးပေါင်းရင်းမြစ်များ

NINGPAWT NINGHPANG 49:1

Dai hpawa e Yaku gaw shi a shadang sha ni hpe shaga nna, Htawm hpang e nanhte hta byin pru na ra ai lam, ngai nanhte hpe tsun da made ga, nang e wa hpawng marit:

PRU MAT 20:5

dai hpe hkum naw hkum ku, hkum jaw hkum jau et: kaning rai nme law, ngai, na a Karai Kasang Yehowa gaw, nsu nnawn loi ai Karai Kasang rai nga nngai rai nna, ngai hpe n dawng n yawt ai ni a amyu lakung hpe gaw kawa ni a yubak kasha ni hta prat masum prat mali du hkra jaw nga nngai;

ESAIA 24:22

Bawng dung ai ni hpe htawng hta sharawng da ai hte maren, shanhte hpe shinggyin la nna, htawng hta sharawng da nhtawm, nhtoi law law lai jang, shi shanhte hpe ari jaw na ra ai.

ESAIA 29:6

Zaw nawng zaw wa up ai Yehowa gaw, mu ngoi ai, nnang nawn nawn ai, wu kadu ai nsen hte rau, nbung laru, marang mawru, hkru kau ai wan shinglet hte, dai mare hpe kawan katsan yu na ra ai.

ESAIA 8:9

Amyu baw ni e, kabring kabrawng nga timung, agrawp kau ai hkrum mu; sumtsan mung na ni e, madat mara nga mu; shingkyit kyit timung, agrawp kau ai hkrum mu;

YEREMIA 23:6

Shi a prat hta Yuda mung hkye hkrang la ai hkrum nna, Israela gaw asim sha nga lu na ra ai: da ndai gaw, Anhte a dinghpring Madu Yehowa, ngu nna shi hpe shamying ai amying rai nga ai.

YEREMIA 30:18

Yehowa ning nga ai: bawng dung hkrum ai Yaku a sum ni hpe, ngai bai wa shangun nna, shi a buga hpe matsan dum na nngai: mare mung tinang kawng ntsa e dè nga nna, htingnu ni hta, htung hte maren, nga nga na mara ai.

YEREMIA 30:3

Kaning rai nme law, yu mu, bawng dung hkrum ai nye a amyu Israela hte Yuda masha ni hpe, ngai nhtang wa shangun ai aten du na ra ai; shanhte a kaji kawa ni hpe ngai jaw da ai mung de, ngai shanhte hpe nhtang wa shangun nna, shanhte gaw dai hpe madu sha lu na mara ai, nga nna Yehowa tsun ai.

YEREMIA 32:37

Yu mu, nye pawt bu ai, myit kahtet nna n-yun bu ai hte, ngai shanhte hpe shaden shabra kau ai mungdan ni yawng hta na, ngai shanhte hpe shinggyin la nna, ndai shara de bai woi wa nhtawm, asim sha nga nga shangun na nngai:

YEREMIA 32:5

shi gaw Zedekia hpe Babelon de woi wa nna, Yehowa shi hpe kawan yu ai nhtoi du hkra, dai yang e shi nga nga na ra ai: nanhte gaw Hkalde masha ni hpe hkap gasat timung, awng wa lu na n rai, nga nna Yehowa tsun ai lam nang hpa majaw myihtoi htoi nga n ta? ngu nna shi hpe htawng hta sharawng da wu ai.

YEREMIA 33:16

Ndai aprat e Yuda mung hkye hkrang la ai hkrum nna, Yerusalem mare gaw asim sha nga lu na ra ai; da ndai gaw, Anhte a dinghpring Madu Yehowa, nga nna ndai mare hpe shamying ai amying rai nga ai.

YEREMIA 48:47

Rai timung, hpang jahtum ai aten e ngai gaw, Moba bawng dung ai ni hpe, bai nhtang wa shangun na nngai, nga nna Yehowa tsun ai. Ndai yang du hkra, Moba dawdan hkrum ai ga rai nga ai.

YEREMIA 49:39

Rai timung, bawng dung hkrum ai Elam masha ni hpe, hpang jahtum ai aten e ngai bai nhtang wa shangun na nngai,” nga nna Yehowa tsun ai.

SHARUNG SHAYAWT 4:22

Ziun shayi sha e, na yubak majaw nang hkrum ging ai ari ahpri htum sai; htawm hpang de shi nang hpe bawng dung shangun sa na, n rai. Edom shayi sha e, na a shut hpyit ai hpe shi sawk yu nna, na a yubak hpe shadawng dan na ra ai.

EZEKELA 28:26

Dai yang e shanhte pyaw pyaw nga lu na mara ai; gaja wa, shanhte a grup yin e nga nna, shanhte hpe n kaw n law di kau ai ni e, ngai dawdan ngut jang, shanhte gaw nta galaw ai hte tsabyi sun hkai nna, ngai shanhte a Karai Kasang Yehowa rai nga ai hpe, shanhte chye lu na mara ai,” nga ai.

EZEKELA 34:13

Amyu baw ni hta na, ngai shanhte hpe shapraw la nna, mungdan ni hta na shinggyin la nhtawm, tinang a buga de woi wa na nngai; Israela bum ga ntsa e mung, hka kau hkan e mung, masha shanu ai shara shagu hkan e mung, ngai shanhte hpe rem na nngai.

EZEKELA 38:14

“Dai rai nna, masha kasha e, myihtoi htoi let, Goga hpe tsun u, ‘Madu Yehowa ning nga ai: Nye a amyu Israela gaw apyaw alaw shanu nga ai shani e, nang chye lu na, n rai ni?

EZEKELA 38:16

mungdan hpe sumwi ka-up ai zawn, nye a amyu Israela hpe lung gasat na ndai; shing rai, Goga e, maigan amyu ni a man e na a jaw e ngai shagrau sha-a ai hkrum ai shaloi, shanhte ngai hpe chye lu hkra, hpang jahtum ai aten e ngai nang hpe nye a mungdan de woi jashawn na nngai.”

EZEKELA 39:26

Ngai shanhte hpe amyu baw ni kata na shapraw la nna, hpyen ni a mungdan hta na shinggyin la ai hte, shanhte a jaw e maigan amyu law law a man e ngai shagrau shatsaw ai hkrum nna,

HABAKU 2:3

Kaning rai nme law, ndai shingran gaw, ndat da ai aten hte seng nna. dik wa na matu, lawan nga ai hte, masu na n rai: ganung nga yang rai timung, ala nga u; dai gaw teng teng du na ra ai; hpang hkrat na, n rai.

BU HKAWM 24:14

Ya chyawm gaw nye a amyu hpang de ngai wa na ni ai; madat la, ndai amyu masha ni htawm hpang de na a amyu hpe kaning di na maru ai gaw ngai madun de ga,” ngu nna Balak hpe htan wu ai.

TARA JAHPRANG 4:30

Htawm hpang prat e ndai lam yawng mayawng hte katut nna ruyak kyin dut ai hkrum sha ai shaloi, na a Karai Kasang Yehowa hpang de bai wa nna, shi a nsen madat lu na marin dai:

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.