EZEKELA 38:4 - Jinghpaw Hanson Version Bible

⁴ ngai nang hpe kayin shangun nna, na a shakap hpe hpri chyinghkyi hte mahkai na nngai; na a luksuk laba ni yawng hpe, gumra ni hte gumra jawn ai ni hpe, hpyen hpun palawng bu hpun ai ni hte n-gang kaji n-gang kaba lang nna, nhtu shaw ai wunawng wuwa kaba hpe, nang hte hpawn ngai shapraw na nngai:

Jinghpaw Common Language Bible 2009

⁴ Ngai gaw shi hpe kayin la nhtawm shi a shakap hta hpri chyinghkyi hte mahkai nna shi hpe mung, shi a hpyenla ni yawng hpe mung garawt shapraw kau na nngai. Shi a hpyen luksuk hte de a gumra ni hte hpyen hking sumraw da ai gumra jawn ai ni gaw grai law htam nga ai; dai sha n-ga, share shagan hpyenla shagu mung nhtu hte ninggang langai hpra lang da nga ma ai.

EZEKELA 38:4 ပူးပေါင်းရင်းမြစ်များ

2 HKAWHKAM 19:28

Nang ngai hpe n-yun bu ai hte na a gumrawng gumtawng ga nye na hta e shang sai majaw, ngai nang hpe lashoi shoi nna runghtung dat nhtawm, nang du sa ai lam hku bai nhtang wa shangun na de ai.

1 HKAWHKAM LABAU 12:8

Bai Dawi nga ai nam mali na hpyen dap ni hta, hprawng shingbyi nga ai, nden ja ai share ni, hpyen majan amu chye galaw nna, ri n-gang chye lang ai Gad masha ni mung lawm ma ai: shanhte a myi man gaw hkanghkyi myi man hte bung nna, bum lang ga hkan na tsu aya zawn gat laram chye ma ai.

2 HKAWHKAM LABAU 25:5

Dai hta kaga Amazia gaw Yuda mung masha ni hpe jahpawng da nhtawm, kawa ni a dap lakung hkan nna, Yuda hte Ben-yamin masha ni hpe, hpyen hkying mi up ai bu, hpyen latsa up ai bu ni a npu e tawn da mu ai: asak hkun ning lai nna, ri hte n-gang lang lu ai, hpyen majan hta shang ram ai ni, marai sen masum rai nga ma ai.

ESAIA 37:29

Nang ngai hpe n-yun bu ai hte na a gumrawng gumtawng ga nye na hta e shang sai majaw, ngai nang hpe lashoi shoi nna runghtung dat nhtawm, nang du sa ai lam hku bai nhtang wa shangun na de ai.

ESAIA 43:17

hpyen leng ni, gumra ni hte hpawn, hpyen luksuk ni hte share ninghkrin ni hpe shapraw ai wa; shanhte n rawt lu hkra lang lata shayup kau ai hte, htum nna si mat ai wan shat zawn, shanhte hpe jasim kau ai wa Yehowa ning nga ai:

YEREMIA 46:9

Gumra ni e, lung mu; hpyen leng ni e, wu kadu mu; share ninghkrin ni ngu ai, n-gang lang ai Hkusha hte Put amyu, ndan chye shachyen ai Ludi amyu masha ni, pru wa mu ga.

EZEKELA 23:12

Shi mung reng htum ai hpun palawng bu hpun ai, htingbu wa ngu ai, Asuri masha ni a munggyi ni, du salang ni, gumra jawn ai ni hpe ra nga ai: shanhte nlang shing-yan tsawm ai shabrang ni hkrai rai nga ma ai.

EZEKELA 29:4

Ngai gaw na a shinggyeng hpe hpri chyinghkyi hte mahkai nna, na a hka hta rawng ai nga ni hpe, na a sep hta kap mat shangun na nngai; na a sep hta kap ai nga ni yawng hte hpawn, ngai nang hpe na a hka ka-ang na karawt shapraw kau na nngai.

EZEKELA 38:15

Shaloi nang gaw, gumra jawn ai luksuk laba, wunawng wuwa, amyu myu hte rau dingdung maga de na lung wa nna,

EZEKELA 38:3

‘Madu Yehowa ning nga ai: Rosha, Meshek, Tubala du Goga e, ngai nang hpe hkap daw na nngai:

EZEKELA 39:2

ngai nang hpe kayin shangun nna, nang hpe woi awn ai hte, dingdung maga htum de na lung wa shangun na nngai: Israela bum ni a ntsa de, nang hpe woi shalun na nngai:

EZEKELA 39:20

Nanhte gaw nye a sha ku makau e, gumra ni, leng jawn ai ni, share ninghkrin ni hte hpyen masha amyu myu hpe hkru kat hkra sha lu na marin dai,’ nga nna Madu Yehowa tsun ai.

Daniela 11:40

“Ya de a ladaw htum wa mahka e, dingda hkawhkam wa gaw, shi hpe htim gasat na ra ai: dingdung hkawhkam wa chyawm gaw, hpyen leng, hpyen gumra, sanghpaw li law law hte hpawn, bungsha zawn ru lung wa let, dai mung ni hta shang nna, lim kabye ga lai kau na ra ai.

AMO LAIKA (AMOS) 4:2

yu mu, Nanhte hpe chyinghkyi hte, naw ngam nga ai ni hpe, nga myit hte, woi dun wa na nhtoi du na ra ai, nga nna Madu Yehowa shi a chyoi pra ai hkum hta dagam da nu ai.