EZEKELA 32:4 - Jinghpaw Hanson Version Bible

⁴ Ngai gaw nang hpe hkarang de shapraw nna, pa ga de kabai tawn na nngai: ntsa malen u ni yawng hpe, na ntsa e ngai dung shangun nna, mungkan ga na matse labye ni hpe na a si mang hte jahkru na nngai.

Jinghpaw Common Language Bible 2009

⁴ Ngai nang hpe hkarang ntsa de kabai shapraw tawn nna mungkan ting na ntsa malen u ni hte dusat ni yawng nang hpe amya sha na matu jahpawng da na nngai.

EZEKELA 32:4 ပူးပေါင်းရင်းမြစ်များ

SHAKAWN KUNGDAWN 63:10

Nhtu hte si ai shanhte hkrum na mara ai, Chyahkyawn ni a matu shanhte tai na mara ai.

SHAKAWN KUNGDAWN 74:14

Baren ni abaw hpe nang agrawp kau nna, Nam mali na amyu ni a shahpa shatai nu ai.

ESAIA 14:19

Nang mahtang matsat shabat re ai lakung zawn, na a lup na shapraw kau ai hkrum ndai: ri nhtu hte galun sat hkrum nna, lup nlung ni hta kabai tawn ai si mang ni hte rau, na a moi mang mung kabye kau hkrum nga ai.

ESAIA 18:6

Shanhte gaw, bum ga na u matse ni hte, ga ntsa na matse labye ni a matu tai wa nna, u matse ni gaw nlum ta e, ga ntsa na matse labye ni yawng kashung ta e, shanhte hpe amya sha na mara ai.

ESAIA 66:24

Shanhte gaw paw pru nna ngai hpe shut hpyit ai ni a moi mang hpe hpu yu na mara ai; kaning rai nme law shanhte hpe sha ai byet si ai, n rai, shanhte hpe hkru ai wan krip ai, n rai: shanhte gaw hkrung mahkrung yawng a man e, matsat shabat hkrai tai na mara ai,” nga ai.

YEREMIA 25:33

Dai shani e, Yehowa lata hte sat kau hkrum ai ni gaw, lamu ga maga mi kaw nna maga mi du hkra, jawng na mara ai; shanhte hpe sharung shayawt na n rai; hta na mung n rai, lup makoi na mung n rai; ga ntsa e namhpun tai na mara ai.

YEREMIA 8:2

shanhte tsawra ai, daw jau ai, hkan nang ai, hkan tam nna nawku ai ajan, shata hte lamu na zaw nawng zaw wa ni a man e lam da na mara ai. Dai nrut nra ni hpe sumpum da na mung n rai, lup kau na mung n rai, ga ntsa e namhpun tai na mara ai.

EZEKELA 29:5

Nang hte na a hka hta rawng ai nga ni mahkra hpe, zaibru jang e ngai kabai tawn kau na nngai: pa ga e nang taw nga nna, kadai mung sa lahkawn shinggyin la na n rai: ga ntsa na matse labye ni hte ntsa malen u ni a shahpa matu, ngai nang hpe ap kau na nngai.

EZEKELA 35:8

De a bum ni hpe si mang hte ngai jahpring na nngai; na a kawng ni, na a kadit ni, na a hkaraw ni yawng hte hta, nhtu hte sat kau hkrum ai ni kadawng taw na mara ai.

YOELA 3:19

Yuda mung na kashu kasha ni hpe zingri zingrat nna, shanhte a mungdan hta mara n kap ai sai jahkaw kau mu ai majaw, Egutu mung katsi katsang shara, Edom mung shingran katsi ai zaibru jang, tai na ra ai.