EZEKELA 3:3 - Jinghpaw Hanson Version Bible

³ Shaloi shi gaw, “Masha kasha e, ngai nang hpe jaw ai ndai laika katsu hpe sha kau nna, na a kan hpe jahpring u,” nga nna tsun ai hte maren ngai sha nngai: dai gaw nye a n-gup hta e lagat jahku zawn dwi nga ai.

Jinghpaw Common Language Bible 2009

³ Shi gaw, “Si chye ai masha wa e, ngai nang hpe jaw ai ndai laika katsu hpe sha u; dai hte na a kan jahpring u,” ngu nna tsun ai. Ngai mung dai hpe sha nngai, dai gaw lagat ntsin zawn dwi nga ai.

EZEKELA 3:3 ပူးပေါင်းရင်းမြစ်များ

YOBA 23:12

Shi n-gup na htet da ai ga, ngai n lai kau nngai; ngai ra ai lam hta, shi tsun ai ga hpe ngai grau sharawng nngai;

SHAKAWN KUNGDAWN 119:103

Na a mungga gaw gade dwi nga a hka! Nye a n-gup hta lagat jahku hta grau dwi nga ai.

SHAKAWN KUNGDAWN 119:11

Ngai nang hpe n shut n hpyit n ga, Na a ga hpe, nye a myit hta, ngai bang da se ai.

SHAKAWN KUNGDAWN 119:97

Na a tara hpe ngai kade wa tsaw nga n hka! Ngai shani tup dai hpe myit aru nga nngai.

SHAKAWN KUNGDAWN 19:10

Dai hte gaw aja hte jet htum ai aja hta grau mai ra nna, Lagat jahku hte gitbaw hta n-ga, grau dwi nga ma ai.

SHAKAWN KUNGDAWN 19:11

Na a mayam wa mung, de a majaw myit dum myit hprang nga nna, Dai hte hpe hkan nang ai majaw, akyu kaba lu la nga ai.

YEREMIA 15:16

Zaw nawng zaw wa up ai Karai Kasang Yehowa e, na a mungga hpe ngai mu hkrup nna, sha kau se ai; ngai gaw na amying mying ai wa rai nga ai majaw, na a mungga gaw nye a kabu gara shara hte, nye myit sharawng awng ai lam, tai wa sai.

YEREMIA 20:9

Dai majaw, Ngai gaw shi a mying hta hpa let, shi a mungga hpe n tsun sa na, ngu nna tsun timung, nye a myit masin hta wan zawn hkru nna, nye a nrut nra ni hta grung nga ai majaw, nye a myit grai gadau gadap nna, n sharang lu nngai.

YEREMIA 6:11

Dai re ai majaw, Yehowa a myit kahtet ai hte ngai hpring nga nngai; naw sharang nga lu ai n rai; “Mare lam e nga ai ma ni a ntsa e mung, zuphpawng nga ai shabrang ni a ntsa e mung, dai hpe ru dat u: madu wa hte madu jan mung, aprat kaba ai hte dingla ugut gu ai ni mung, rim la ai hkrum na mara ai.

EZEKELA 2:10

shi dai laika katsu hpe nye a man e hpyan yang, dai man lahkawng hta, sharung shayawt ai yawn hkyen ai hte dingnye ga hpring nga ai.

EZEKELA 2:8

Nang mahtang, masha kasha e, ngai tsun ai ga madat u; dai gumlau ai amyu zawn, gumlau myit hkum rawng et; na a n-gup mahka nna, ngai jaw ai hpe sha u,” nga ai.

EZEKELA 3:4

Bai shi gaw, “Masha kasha e, Israela masha ni hpang de pru sa nna, nye a ga shanhte hpe hkaw tsun mu.

YAWHAN 7:38

Ngai hpe kamsham ai wa gaw, Chyum laika hta tsun ai hte maren, dai wa a kraw lawang hta na asak hkrung ai ntsin a hka nu lwi pru nga na ra ai,” ngu nna jahtau tsun wu ai.

KOLOSE 3:16

Hkristu a mungga gaw hpaji byeng-ya amyu myu hte nanhte hta n taw n tsang ashanu nga u ga: shakawn kungdawn ga, mahkawn mangoi ga, Wenyi hte seng ai laka ga hte, chyeju hku hkan nna, nanhte shada da sharin shaga nna shadum jahprang nga let, nanhte a kraw lawang hta Karai Kasang hpe mahkawn mangoi nga mu.