EZEKELA 3:12 - Jinghpaw Hanson Version Bible

¹² Shaloi Wenyi gaw ngai hpe pawn nna, nye a shingdu de, “Yehowa a hpung shingkang, shi a shara hta e a nga u ga law,” nga nna wu kadu ai nsen kaba, ngai na nngai.

Jinghpaw Common Language Bible 2009

¹² Dai hpang, Karai Kasang a wenyi gaw ngai hpe pawn mat wa nna, nye a shingdu e, “Sumsing lamu lahta tang hta dai Madu a hpung shingkang hpe shakawn mu!,” nga nna ja ja wu kade ai hte tsun ai nsen hpe ngai na nngai.

EZEKELA 3:12 ပူးပေါင်းရင်းမြစ်များ

1 HKAWHKAM 18:12

ngai nang kaw nna pru wa yang, Yehowa a Wenyi gaw ngai n chye ai shara de nang hpe woi htawt mat na ra ai: shing rai, ngai Ahab hpe sa tsun yang, shi nang hpe n mu hkrup nna, ngai hpe sat kau na nngai: na mayam, ngai wa chyawm gaw, brang ram prat kaw nna Yehowa hpe hkrit hkungga ni ai.

2 HKAWHKAM 2:16

Bai shanhte gaw, “Yu u, na a mayam ni hta n-gun ja ai masha marai manga shi rai nga ma ai; shanhte gaw na a madu hpe sa tam mu ga: Yehowa a Wenyi gaw shi hpe shapoi la nna, bum langai ngai a ntsa e, shing n rai, kadit langai ngai a kata e, mahkoi wa jahkrat kau da wu ai nhten,” ngu nna hpyi mu yang, shi gaw, “Hkum sa tam myit,” ngu mu ai.

SHAKAWN KUNGDAWN 148:2

Shi a lamu kasa yawng hte e, shi hpe shakawn mu, Zaw nawng zaw wa yawng hte e, shi hpe kungdawn mu.

SHAKAWN KUNGDAWN 26:8

Yehowa e, na a nta a htingra hte, Na a hpung shingkang dan hkung ai shara hpe, ngai tsawra nngai.

ESAIA 6:3

Langai wa mi langai wa hpe, “Zaw nawng zaw wa up ai Yehowa gaw, chyoi pra, chyoi pra, chyoi pra, rai nga ai; ginding aga ting shi a hpung shingkang hte hpring nga ai law,” nga nna tsun jahtau ma ai.

EZEKELA 10:4

Shaloi Yehowa a hpung shingkang gaw, dai Hkerub ntsa na, Nta a chyinghka hkinbawng de sit lung wa ai: dai Nta gaw, sumwi hte hpring nna, dai wang gaw, Yehowa a tu kabrim ai hpung shingkang hte dan hkung nga ai.

EZEKELA 11:1

Dai hpang wenyi gaw ngai hpe pawn let, sinpraw maga de man yawng ai, Yehowa nta sinpraw chyinghka lam de ngai hpe woi wa nngai: shaloi, yu u, dai chyinghka lam e marai hkun manga rai nga nna, shanhte hta Azura kasha Yazania hte Benaia kasha Pelatia lawm nga ma ai: shan gaw mung du rai nga ma ai.

EZEKELA 2:2

Shing nga ngai hpe tsun yang, Wenyi ngai hta shang nna, shi ngai hpe tsap shangun nngai: ngai hte tsun ai wa a ga mung, ngai na nngai.

EZEKELA 3:11

Bawng dung hkrum ai, na a baw sang ni hpang de sa nhtawm, Madu Yehowa ning nga ai, ngu nna, shanhte madat timung, n madat timung, hkaw tsun u,” nga nna ngai hpe tsun ai.

EZEKELA 3:14

Shing rai Wenyi gaw ngai hpe pawn mat wa nna, ngai gaw myit ru ai hte nye a wenyi kahtet let hkan nang nngai; Yehowa a lata gaw nye a ntsa e li nga ai.

EZEKELA 43:4

Yehowa hpung shingkang gaw, sinpraw chyinghka hku e, nta kata de shang wa ai.

EZEKELA 43:5

Shaloi Wenyi gaw ngai hpe pawn let, kata wang de woi wa nna, yu u, Yehowa a hpung shingkang gaw, nta ting hpring nga ai.

EZEKELA 8:3

Shi gaw lata hkrang ladawn nna, nye a kara latsin mi lang nga ai: shaloi Wenyi gaw aga hte lamu lapran e ngai hpe pawn shalun nna, Karai Kasang kaw na shingran hte, Yerusalem mare a dingdung maga ang ai kata wang chyinghka de, ngai hpe woi wa nngai: dai yang e, nsu nnawn shangun ai, nsu nnawn ngu ai sumla tingnyang rai nga ai.

EZEKELA 9:3

Shaloi Israela Karai Kasang a hpung shingkang gaw, shanu nga ai Hkerub kaw na lung wa nna, Nta chyinghka hkinbawng de du nga ai; bai shi gaw, sumpan lawai nna, laika tsi ndum noi ai wa hpe, shaga wu ai.

KASA 2:2

Shaloi lamu de nna nbung laru kaba wa ai zawn, akajawng sha kadu pru nna, shanhte rawng nga ai nta ting hpring chyat rai wa ai.

KASA 8:39

Hka na lung wa ma yang, dai Madu a Wenyi Hpilip hpe woi mat wa nna, Unuk wa mung shi sa wa ai lam de kabu gara let bai wa wu ai rai nna, shi e bai n mu wu ai.

SHINGRAN 1:10

Dai Madu a nhtoi hta e Wenyi hta ngai nawng mat wa ai rai nna, Nang mu ai hte maren laika hta ka la nhtawm, Ehpesu, Samurna, Pergamu, Htuatira, Sardi, Hpiladehpi hte Ladoki mare ni hta nga ai,

SHINGRAN 1:15

shi a lagaw yan gaw, wan htung hta jen kau sai magri jet zawn san nga ai; shi a nsen gaw, hka law law kadu ai nsen zawn wu nga ai.

SHINGRAN 19:6

Bai wunawng wuwa law law a nsen zawn, hka law law kadu ai a nsen zawn, mu ngoi kaba ai a nsen zawn, “Haleluya: Chyahtum chyalai n-gun rawng ai Madu anhte a Karai Kasang gaw, a up nga ai: