EZEKELA 3:11 - Jinghpaw Hanson Version Bible

¹¹ Bawng dung hkrum ai, na a baw sang ni hpang de sa nhtawm, Madu Yehowa ning nga ai, ngu nna, shanhte madat timung, n madat timung, hkaw tsun u,” nga nna ngai hpe tsun ai.

Jinghpaw Common Language Bible 2009

¹¹ Dai hpang, bawng dung hkrum nga ai na a mungdan masha ni hpang de sa nna shanhte myit lawm ti mung, n lawm ti mung, Tsaw Htum ai Madu ngai nan shanhte hpe tsun ai ga shanhte hpe tsun u,” ngu nna matut hkang da wu ai.

EZEKELA 3:11 ပူးပေါင်းရင်းမြစ်များ

PRU MAT 32:7

Dai rai nna Yegowa gaw Mawshe hpe, “Nang yu wa su; Egutu mung na nang shaw wa ai na a masha ni gaw byak mat masai:

YEREMIA 29:20

Dai re ai majaw, Yerusalem mare na Babelon mare de ngai shangun dat nna, bawng dung hkrum ai ni yawng hte e, Yehowa a ga madat mara mu.

EZEKELA 2:4

Kashu kasha ni mung n kaw n law hte myit ja ai ni rai nga ma ai: ngai nang hpe shanhte hpang de shangun nna, nang gaw, ‘Madu Yehowa ning nga ai,’ ngu nna shanhte hpe tsun mu.

EZEKELA 2:5

Shanhte gaw gumlau ai amyu rai nga nna, madat timung, n madat timung, tinang hta myihtoi nga nga ai hpe, shanhte chye lu na mara ai.

EZEKELA 2:7

Shanhte grai gumlau ai ni rai nga nna, madat timung, n madat timung, nang shanhte hpe nye a ga tsun dan na rai ndai.

EZEKELA 20:27

“Dai re ai majaw, masha kasha e, Israela dap hpe ga tsun u; ‘Madu Yehowa ning nga ai: Nanhte a nji nwa ni gaw, tara tawt lai ai hta n-ga, ngai hpe shatan nhkan ma ai:

EZEKELA 3:10

Bai shi gaw, “Masha kasha e, ngai nang hpe tsun na ra de ai ga mahkra, madat mara nna, kraw lawang hta matsing da u.

EZEKELA 3:12

Shaloi Wenyi gaw ngai hpe pawn nna, nye a shingdu de, “Yehowa a hpung shingkang, shi a shara hta e a nga u ga law,” nga nna wu kadu ai nsen kaba, ngai na nngai.

EZEKELA 3:15

Shaloi ngai gaw, bawng dung hkrum nna, Hkebara hka kau, Telabiba shara e shanu nga ai ni hpang de sa du nna, dai yang e sanit ya tup mau mat let dung nga nngai.

EZEKELA 3:27

Rai timung, ngai nang hpe ga tsun yang na a n-gup hpe ngai hpaw nna, nang gaw, ‘Madu Yehowa ning nga ai,’ ngu nna shanhte hpe hkaw tsun na rai ndai: madat ai wa gaw madat u ga, n madat ai wa gaw n madat nga u ga; shanhte gaw gumlau ai amyu rai nga ma ai, nga ai.”

EZEKELA 33:12

“Bai nang gaw, masha kasha e, na a amyu kashu kasha ni hpe tsun u, dinghpring ai wa gaw shut hpyit yang, shi a dinghpring ai gaw shi hpe mawai la lu na, n rai; tara n lang ai wa gaw shi a arawn alai hpe kau da yang, hten byak hkrum na, n rai; dinghpring ai wa mung, yubak galaw yang, shi a dinghpring ai hte hkrung nga lu na, n rai.

EZEKELA 33:17

Rai timung, ‘Madu jeyang ai lam ding ai n rai,’ nga nna, na amyu kashu kasha ni tsun ma ai; shanhte a lam mahtang n ding nga a hka.

EZEKELA 33:2

“Masha kasha e, na a amyu Israela kashu kasha ni hpe htawn tsun u: ‘Ngai gaw mung langai ngai de nhtu tsin-yam shangun dat nna, mung masha ni gaw, manang ni hta na, sin ai wa langai mi lata la ma yang,

EZEKELA 33:30

“Dai hta kaga, masha kasha e, na a amyu kashu kasha ni gaw, ‘Sa saga, Yehowa kaw na pru ai mungga sa madat saga,’ shakum makau hkan, chyinghka lam hkan e, langai hte langai nang hpe lakap nna, tsun hkat shajang ma ai.

EZEKELA 37:18

Shing rai, ‘Ndai nang galaw ai de a ga lachyawm gaw, anhte hpe n tsun dan mai a ni?’ nga nna na amyu kashu kasha ni nang hpe san ma yang,

Daniela 12:1

“Ndai aten hta e, na a amyu masha ni hpe makawp maga nga ai, du kaba ngu ai, Mihkaela rawt pru na ra ai rai nna, masha amyu tai hpang ai kaw nna, ndai aten du hkra, galoi n byin yu ai, ru tsang ai aten du na ra ai: ndai aten hta e, jahpan laika hta mying lawm ai, na a amyu masha ni yawng lawt lu na mara ai.

Daniela 6:13

Dai rai nna shanhte gaw, “Hkawhkam wa e, bawng dung ai Yuda kashu kasha ni hta lawm ai, ndai Daniela gaw, nang hpe mung, nang amying dazik shakap ai tara hpe mung, hpa n nawn nna, lani mi hta masum lang lang, akyu hpyi nga ai,” ngu nna hkawhkam wa hpe tsun mu ai.

TARA JAHPRANG 9:12

Yehowa gaw ngai e, ‘Rawt u, alawan yu wa sit: Egutu mung na nang shaw wa ai na a masha ni gaw byak mat masai; ngai hkang da ai lam hta na shanhte alawan dam mat wa nna, jaw ai sumla galaw rau masai,’ nga nna tsun dat ai.