EZEKELA 27:2 - Jinghpaw Hanson Version Bible

² “Nang masha kasha e, Turu mare a lam sharung shayawt nna,

Jinghpaw Common Language Bible 2009

² “Si chye ai masha wa e, panglai daru nten e nga nna

EZEKELA 27:2 ပူးပေါင်းရင်းမြစ်များ

YEREMIA 7:20

“Dai re ai majaw, Madu Yehowa ning nga ai: Yu u, ndai shara ntsa e mung, masha hte yamnga ntsa e mung, pa ga na hpun ni hte yi hkauna nsi naisi a ntsa e mung, nye a pawt sindawng ai hte myit kahtet ai hpe ngai ru dat nna, dai gaw n krip ai, hkru nga na ra ai.”

YEREMIA 9:10

Bum ni a lam ngai hkrap ngu hkrap ngoi nna, shabam na nngai; nam mali na udat shara ni a lam, ngai sharung shayawt na nngai: kaning rai nme law, kadai n lai lu hkra, dai shara ni wan hkru mat sai; sagu dumsu hpung ni a nsen mung, kadai n na lu ai; ntsa malen u ni mung, yamnga ni mung, hprawng mat nna n nga masai.

YEREMIA 9:16

Shanhte mung, shanhte a kaji kawa ni mung, n mu yu ai amyu ni a ka-ang e, ngai shanhte hpe shabra kau nna, atsai awai htum mat hkra, shanhte hpang de nhtu shangun dat na nngai.”

EZEKELA 19:1

“Dai hta n-ga, Israela hkawhkam kasha ni a matu, sharung shayawt let tsun u:

EZEKELA 26:17

Dai rai nna shanhte gaw, Nammukdara hta bungli chye shachyen nna, nammukdara majaw n-gun ja ai hte, shi hta shanu nga ai ni mahkra hpe jahkrit shama chye ai, ‘dan hkung ai mare e, nang ning rai hten byak hkrum n hka!

EZEKELA 27:1

Bai, Yehowa mungga ngai kaw du nna,

EZEKELA 27:32

Ya shanhte gaw hkrap ngu hkrap ngoi let, nang hpe lakap ai sharung shayawt ga sharawt nna, Atsin sha nga mat hkra, nammukdara ka-ang e htum mat ai mare ngu ai, Turu mare hte, kadai bung a ta?

EZEKELA 28:12

“Masha kasha e, Turu hkawhkam a matu sharung shayawt ai ga htawn tsun u; Madu Yehowa ning nga ai: Hpaji hte hpring nna, tsawm htap htum ai hte, hkum sumhpa shangut lu ai dazik e,

EZEKELA 32:2

“Masha kasha e, Egutu hkawhkam Hpara-u a matu sharung shayawt nna, shi hpe htawn tsun u: Nang gaw maigan amyu ni hta hkanghkyi uram zawn rai nga ndai; rai timung, hka kaba na baren hte sha nang bung ndai; nang gaw na a hka shi hka gai ni hta hpung-yawt hkawm nna, na a lagaw hte, de a hka hkawng ni hpe kapun hkanu shangun ndai.

AMO LAIKA (AMOS) 5:1

Israela dap e, ya ngai na a lam sharung shayawt ai ga hpe, madat mara la u.

AMO LAIKA (AMOS) 5:16

Dai re ai majaw, Zaw nawng zaw wa up ai Karai Kasang, Madu Yehowa ning nga ai: Lam nmaw yawng hta, hkrap shabam nga nna, mare lam shagu hta, Ala, ala, nga nna jahtau na mara ai: yawn hkyen na matu, yi hkauna galaw ai wa hpe mung, hkrap shabam na matu, sharung shayawt chye ai wa hpe mung, shanhte shaga na mara ai.