EZEKELA 26:3 - Jinghpaw Hanson Version Bible

³ Madu Yehowa ning nga ai: Yu u, Turu mare e, ngai nang hpe hkap daw na nngai: nammukdara hta wa ai hka leng zawn, masha amyu law law hpe ngai nang hpang de shangun dat na nngai.

Jinghpaw Common Language Bible 2009

³ “Dai rai nna, Tsaw Htum ai Madu ngai nan tsun nga ai mungga gaw ndai rai nga ai: Turu mare e, ngai gaw na a hpyen rai nga nngai. Ngai gaw nang hpe gasat na matu masha amyu law law hpe woi sa wa na nngai, dai ni gaw panglai hka leng ni zawn rawt hta wa ai hte du sa wa na mara ai.

EZEKELA 26:3 ပူးပေါင်းရင်းမြစ်များ

SHAKAWN KUNGDAWN 107:25

Shi htet da ai majaw, nbung laru ru wa nna, Hka leng ni rawt hta ma ai.

ESAIA 5:30

Dai shani e shanhte gaw nammukdara wu kadu ai nsen hte zawn, shanhte hpe wu atet nna, dai mung hpe mada yu yang, yu u, nsin sin ai hte shoihpa shoirang hkrai rai nga ai; de a sumwi de na nhtoi pyi, nsin chyip rai mat sai.

YEREMIA 21:13

Yehowa ning nga ai: Kadit e dung ai jan e, pa ga e nga ai lunghkrung e, ngai nang hpe hkap daw na nngai: anhte hpe kadai gasat dang lu na i? anhte a buga hta kadai shang lu na rai ta? nga nna nang tsun timung, nanhte a arawn alai hte maren, ngai nang hpe ari jaw na nngai; shi a maling hpe ngai wan nat nna, dai gaw shi a grup yin yawng mayawng hpe hkru kau na ra ai, nga nna Yehowa tsun ai.

YEREMIA 50:31

Zaw nawng zaw wa up ai Yehowa ning nga ai: Myit kaba ai wa e, “yu u, ngai nang hpe hkap daw na nngai; gaja wa, na a nhtoi, nang hpe shari ai aten du ra ai.

YEREMIA 50:42

Shanhte gaw ndan hte ri lang ma ai; gumshem ai amyu rai nna, matsan n chye dum ma ai; shanhte a nsen gaw nammukdara zawn wu kadu nga ai; Babelon shayi sha e, nang hpe hpyen htim na matu, shanhte gaw gumra jawn let, langai hte langai hkyen nga ma ai.

YEREMIA 51:42

Nammukdara gaw Babelon mare de lung wa nna, law la ai hka leng ni dai mung hpe lim ka-up nga ai.

YEREMIA 6:23

Shanhte gaw ndan hte ri lang ma ai; gumshem ai amyu rai nna, matsan n chye dum ma ai; shanhte a nsen gaw, nammukdara zawn wu kadu nga ai; Ziun shayi sha e, nang hpe hpyen htim na matu, shanhte gaw gumra jawn let, langai hte langai hkyen nga ma ai.”

EZEKELA 21:3

Dingda maga na maling hpe htawn tsun u, Yehowa a ga madat mara u; ‘Madu Yehowa ning nga ai: Yu u, Ngai nang hta wan shachyi na nngai; dai wan gaw tsit lali ai hte hkraw mat ai hpun mahkra hpe, hkru kau na ra ai: de a wan shinglet krip na n rai: dingda maga kaw nna dingdung maga du hkra, myi man yawng mayawng hkru kau ai hkrum na ra ai.

EZEKELA 26:19

“Kaning rai nme law, Madu Yehowa ning nga ai: Masha n rawng ai mare ni zawn, ngai nang hpe shingran katsi ai mare shatai kau nna, nang hpe lim kau na matu, sung ai hka kaba ni hpe na ntsa e shatung yang,

EZEKELA 27:26

“Ya chyawm, na a li shap ai ni gaw, hka kaba ka-ang de nang hpe woi wa nna, sinpraw nbung gaw, nammukdara ka-ang e, nang hpe agrawp kau nit dai.

EZEKELA 28:22

Madu Yehowa ning nga ai: ‘Yu u, Sidon mare e, ngai nang hpe hkap daw na nngai; na a ka-ang e nye a hpung shingkang dan hkung na ra ai: ngai shi hpe dawdan nna, shi hta e nye a Chyoi pra ai myit shapraw yang, ngai Yehowa rai nga ai hpe, shanhte chye lu na mara ai.

EZEKELA 29:10

yu u, nang hte na a hka nu ni hpe ngai hkap daw na nngai. Egutu mung hpe Sewene langchyi kaw nna, Hkusha lamu ga jarit du hkra, akrin akraw hte shingran katsi kau na nngai.

EZEKELA 38:3

‘Madu Yehowa ning nga ai: Rosha, Meshek, Tubala du Goga e, ngai nang hpe hkap daw na nngai:

MIHKA 4:11

Ya e pyi, Ziun mare awu asin hkrum u ga, shi hta anhte a myit dik u ga, nga nna tsun ai maigan amyu ni law law, na a lam zuphpawng nga ma ai.

NAHUM 2:12

Hkanghkyi la gaw, hkalung ni a matu amya sat kau nna hkanghkyi yi a matu magra sat let, shi a lungpu ni hpe shan hte, shi a nhkun ni hpe si mang ni hte, jahpring da wu ai.

NAHUM 3:5

Yu u, ngai nang hpe hkap daw nna, na a labu hpe, na myi man ntsa e malu kau nna, maigan amyu ni hpe, na a singgu krin, hkawhkam mungdan ni hpe, na a kaya kahpa, madun dan na nngai.

ZEHKARIA 14:2

Kaning rai nme law, Yerusalem mare hpe hpyen gasat na matu, maigan amyu ni mahkra hpe, ngai jahpawng na nngai: shanhte gaw dai mare hpe gasat la nhtawm, nta ni hpe hpya lu hpya sha nna, num ni hpe aroi arip di na mara ai; mare masha ka-ang hkup bawng dung wa timung, naw ngam nga ai masha ni gaw, dai mare hta naw nga lu na mara ai.

ZEHKARIA 9:4

Yu u, Yehowa gaw shi hpe gum-yu shayu kau ai hte, nammukdara na, shi a n-gun atsam hpe agrawp kau nna, dai mare gaw wan hte shamyit kau ai hkrum na ra ai.

LUKA 21:25

Dai shaloi e jan, shata, shagan ni hta lamik kumla dan pru na ra ai, nammukdara hte hka leng ni a wu kadu ai nsen majaw, ga ntsa e, mung masha amyu ni myit mau ai hte ru tsang hkrum na mara ai: