EZEKELA 26:2 - Jinghpaw Hanson Version Bible

² “Masha kasha e, Turu mare gaw, ‘Aha, mungdan ni a chyinghka nga ai, Yerusalem mare gaw daw mat sai; ngai shang na matu hpaw malang nga ai; dai mare gaw, ya katsi katsang rai nga ai rai nna, ngai sut su na nngai,’ nga nna tsun ai majaw,

Jinghpaw Common Language Bible 2009

² Shi gaw, “Si chye ai masha wa e, ndai gaw Turu mare masha ni a kabu gara ai nsen rai nga ai. Shanhte gaw, ‘Yerusalem gaw run mat sai! Dai mare a sut n-gun mung htum mat sai! Dai mare gaw anhte hpe shingjawng lu sana n rai!,’ nga nna jahtau tsun ma ai.

EZEKELA 26:2 ပူးပေါင်းရင်းမြစ်များ

2 SAMUELA 5:11

Ya Turu hkawhkam Hiram gaw, kasa hte rau, marau hpun, lasama hte wut gaw ai ni, Dawi hpang de shangun dat nna, shanhte gaw Dawi a matu hkaw gap ma ai.

SHAKAWN KUNGDAWN 35:21

Shanhte ngai hpe n-gup mahka nga nna: “Da, da, anhte a myi hte mu lu sagaw ai,” nga ma ai.

SHAKAWN KUNGDAWN 40:15

Ngai hpe, “Da, da,” nga ai ni, Shanhte galaw ai kaya kahpa amu a majaw, hten byak hkrum mu ga.

SHAKAWN KUNGDAWN 40:16

Nang hpe tam ai ni nlang hte gaw, Nang hta awng nna, kabu gara nga mu ga: Na a hkye hkrang la ai lam tsawra ai ni gaw, “Yehowa galu kaba nga u ga,” nga nna tut tut a tsun nga mu ga.

SHAKAWN KUNGDAWN 70:3

“Da, da,” nga nna tsun ai ni, Shanhte galaw ai kaya kahpa amu a majaw, kanut mat wa mu ga.

SHAKAWN KUNGDAWN 83:7

Gabala, Ammon, Amalek amyu ni, Hpilisti ni hte Turu mare na ni, lawm ma ai.

ESAIA 62:10

Mare chyinghka na lai pru mu, lai pru mu; amyu masha ni a matu lam lajang mu; nmaw lam hpe gaw da mu, gaw da mu; nlung ni hpe htawm kau mu; amyu baw ni a matu dawnghkawn sharawt mu.

YEREMIA 27:3

bai, dai sumri hte kandang ni hpe, Yuda hkawhkam Zedekia hpang de, Yerusalem mare de sa du ai kasa ni a lata hta, Edom hkawhkam, Moba hkawhkam, Ammon kashu kasha ni a hkawhkam, Turu hkawhkam, Sidon hkawhkam hpang de shangun dat u:

YEREMIA 47:4

kaning rai nme law, Hpilisti masha ni mahkra hpe jahten kau na hte, Turu yan Sidon mare hpe hpyen karum lu ai, naw ngam nga ai ni yawng hpe shamyit kau na nhtoi du nna, Yehowa gaw Hkaphtora zunlawng na, naw ngam nga ai Hpilisti masha ni hpe, shamyit kau na ra ai.

YEREMIA 49:1

Ammon kashu kasha ni hpe lakap nna Yehowa ning nga ai: Israela hta shadang sha n pra a ni? sali wunli dagraw na wa, shi n lu a ni? Dai rai yang, Malhkam hpara gaw, hpa majaw Gad mung hpe madu la a ta? shi a masha ni gaw de a mare ni hta, hpa majaw dè nga ma ta?

SHARUNG SHAYAWT 1:1

Masha law ai mare gaw, ya kaning rai shi hkrai lik lik dung nga a hka! Masha amyu ni hta galu kaba ai num gaw, gaida jan zawn tai wa sahka! Mungdaw ni a du jan gaw, ya hkansi bang nga a hka!

EZEKELA 25:10

Ammon kashu kasha ni hte hpawn, sinpraw mung masha ni a lata hta ap kau na nngai: shanhte gaw dai mung hpe up nga nna, Ammon kashu kasha ni gaw htawm hpang de masha amyu ni hta hti lawm na n rai:

EZEKELA 25:6

Kaning rai nme law, Madu Yehowa ning nga ai: Nang gaw Israela mung hpe grai wa n dawng let, lahpawk dum nna, lagaw shingdit ai hte, kabu gara nga ai majaw,

EZEKELA 25:8

“Madu Yehowa ning nga ai: ‘Moba mung hte Seira bum gaw, Yu u, Yuda amyu gaw maigan amyu kaga mahkra hte maren tai wa sai,’ nga nna tsun ai majaw,

EZEKELA 26:1

Ya shi langai ning na shawng shata a langai ya shani e, Yehowa mungga ngai kaw du nna,

EZEKELA 35:10

“Dai mung hta Yehowa shanu nga ninglen, nang gaw, ‘Ndai amyu lahkawng hte, ndai mungdan lahkawng hpe, ngai madu na nngai,’ nga nna tsun ndai majaw

EZEKELA 36:2

Madu Yehowa ning nga ai, hpyen wa gaw, Aha, htani htana tsaw ai kawng ni gaw, anhte madu lu na lamu ga tai wa sai,’ nga nna nanhte a lam tsun ai majaw,

YOELA 3:4

Gaja wa, Turu, Sidon hte Hpilisti ginwang mungdaw ni e, nanhte ngai hte hpa seng a ta? nanhte ngai hpe matai dawp na rai myit ni? Ngai hpe matai dawp yang, nanhte a matai dawp ai lam, ngai nanhte a baw ntsa e alawan akajawng sha nhtang dat na nngai.

YAWSHU 19:29

bai dai jarit gaw, Rama hku kayin nna, bunghku kum ai Turu mare hku hprang, Hosa e byawn Akziba ginwang hkan e Nammukdara e htuk rai nga ai: