EZEKELA 24:7 - Jinghpaw Hanson Version Bible

⁷ Kaning rai nme law, shi sat kau ai ni a asai gaw de a ka-ang e rai nga ai; dai hpe nhpu hte magap na matu, ga ntsa e ru kau ai n rai: krin nga ai nlung ntsa e mara da nu ai.

Jinghpaw Common Language Bible 2009

⁷ Mare kata e masha sat hkat ai lam nga nga ai, rai ti mung, asai hpe ga nhpu hte magap da lu ai shara hta ru hkaw kau ai n rai. Dai hpe krin ai lunghkrung ntsa e ru jahkaw da ma ai.

EZEKELA 24:7 ပူးပေါင်းရင်းမြစ်များ

JAW JAU 17:13

Shing rai, Israela kashu kasha ni hta na rai timung, nanhte kaw sa shingbyi nga ai amyu kaga ni hta na rai timung, marai langai ngai jaugawng gawng nna, sha mai ai ashu ashan, a-u re ai lu yang, de a asai hpe hkaw kau nna aga hte kaput na rai mu ai.

TARA JAHPRANG 12:16

Rai timung asai gaw sha lu na myit dai n rai; ntsin ru kau ai zawn ga de ru kau na rai ndai.

YEREMIA 6:15

Shanhte gaw matsat shabat amu galaw nhtawm, kaya nga ma ni? gaja wa, n kaya nga ma ai, myi man mung n sum ma ai; dai rai nna shanhte gaw kataw ai ni hte rau, kataw na mara ai; ngai shanhte hpe kawan katsan yu ai aten e, shanhte jahkrat kau ai hkrum na mara ai,” nga nna Yehowa tsun ai.

YEREMIA 2:34

Dai hta kaga, mara n kap ai matsan mayan ni a asai, na a hpun palawng hta kap nga ai hpe mu hkrup sai; shanhte gaw kashun kashe amu n galaw ma ai: rai timung dai zawn re ai ni mahkra hpe nang sat kau ndai.

ESAIA 26:21

Kaning rai nme law, ga ntsa masha ni hpe, tinang a yubak majaw, ari jaw na matu, Yehowa gaw shi a shara kaw na pru wa ai; lamu ga gaw shi chyup ai asai bai shapraw dan nna, htawm hpang e sat kau hkrum ai ni hpe makoi magap na n rai.

ESAIA 3:9

Shanhte a myi man nsam, shanhte a lam sakse hkam nga ai; shanhte gaw tinang a yubak hpe Sodom masha ni zawn dan dan galaw nna, makoi magap ma ai n rai; shanhte gaw tinang hkum hpe shaza kau ma ai majaw, tinang a myit masin dingnye hkrum mu ga.

YOBA 16:18

Ginding aga e, nye a asai hpe hkum ka-up da et; ngai shabam ai nsen nang kaw hkum jahkring da ya et.

1 HKAWHKAM 21:19

Shi hpe ning ngu u; Yehowa ning nga ai: Nang asak mung sat, shi a sut rai mung madu la nu ni? bai Yehowa ning nga ai, Gwi ni gaw Nabot a sai hpe mata lu ai shara hta e, na a sai hpe mung mata lu na mara ai, nga ai,” ngu nna htawn tsun wu ai.

TARA JAHPRANG 12:24

Dai majaw asai sha lu na nrai; ntsin ru kau ai zawn, ga de ru kau na rai ndai.

EZEKELA 22:4

Nang gaw sai jahkaw kau ai hte mara kap nga ndai; nang galaw ai hpara sumla ni hte awu asin hkrum nga ndai; na a nhtoi ni hpe nang du shangun nna, na shaning ni hpe pyi, nang nan jahtum nu ai: dai re ai majaw ngai nang hpe maigan amyu ni hta, shatan nhkan shara, mungdan shagu hta asawng asang shara, shatai de ai.

ZEHPANI 1:17

Mung masha ni gaw Yehowa hpe shut kau ai majaw, ngai shanhte a ntsa e ru tsang shangun nna, shanhte gaw myi hten ai ni zawn lamawm hkawm na mara ai: shanhte a asai gaw, ga nhpu zawn, shanhte a hkum shan gaw, hkyi zawn, kabai kau ai hkrum na mara ai.

EZEKELA 23:45

Dai rai nna, shan gaw la shaw ai hte sai kap ai num yan rai nga ma ai majaw, dinghpring ai ni gaw, la shaw ai hte masha sat ai num hpe dawdan ai zawn, shan hpe dawdan na mara ai.