EZEKELA 24:3 - Jinghpaw Hanson Version Bible

³ Gumlau chye ai amyu hpe, ‘Madu Yehowa ning nga ai, ngu nna ga shadawn hku htawn tsun u: Di hpe dun u, dun u; ntsin ru bang u;

Jinghpaw Common Language Bible 2009

³ Ngai hpe gumlau ai amyu masha ni hpe Tsaw Htum ai dai Madu ngai nan shanhte a matu ning nga ai ngu nna ndai ga shadawn hpe htawn tsun u: Wan mang ntsa e di dun u dai hpe hka hte jahpring u.

EZEKELA 24:3 ပူးပေါင်းရင်းမြစ်များ

2 HKAWHKAM 4:38

Ya Elisha gaw Gilgala shara de wa yang, dai mung e hku wa wa nga ai; myihtoi ma ni mung shi a man e dung nga ma ai rai nna, shi gaw, “Di kaba mazing da nna, myihtoi ma ni a matu shatmai shadu u,” ngu nna shi a shangun ma hpe hkang da wu ai.

SHAKAWN KUNGDAWN 78:2

Nye a n-gup, ga shagawp hte ngai hpaw nna, Chyaloi nhkoi na gumwai ga, htai dan na nngai.

ESAIA 1:2

Yehowa ga tsun nga ai majaw, sumsing lamu e, na la u, ginding aga e, madat u: “ngai gaw kashu kasha hpe lanu lahku nna, kaba wa shangun timung, shanhte ngai hpe gumlau ma ai.

ESAIA 29:2

shaloi ngai gaw Ariela hpe sharu shatsang nna, sharung shayawt ai hte myit yawn ai pru na ra ai; rai timung shi gaw nye a man e Ariela zawn naw rai nga na ra ai.

ESAIA 30:1

Yehowa ning nga ai: gumlau ai kashu kasha ni gaw dingnye lu ma ai: shanhte gaw ngai hta n hpa ai bawng yu nna, yubak kahtap hkra, nye a Wenyi n lawm ai, ga shaka tawn da ma ai:

ESAIA 30:9

kaning rai nme law, ndai amyu gaw, gumlau ai amyu rai nga ai hte, Yehowa a tara n madat hkraw ai kashu kasha ni rai nga ma ai:

ESAIA 63:10

Shanhte chyawm gaw gumlau nna, shi a Chyoi pra ai Wenyi hpe shayawn mu ai: dai re ai majaw, shi shanhte hpe hpyen ai wa tai nna, shi nan shanhte hpe hpyen gasat mu ai.

YEREMIA 1:13

Bai Yehowa a mungga gaw, lahkawng lang ngu na, ngai kaw du nna, “Nang hpa mu n ta?” nga nna san yang, ngai gaw, “Dingdung maga de na pru ai prut kabrawng ai dibu hpe mu nngai,” ngu we yang,

YEREMIA 1:14

Yehowa gaw, “Dingdung maga de na ari ahpri, ndai mung masha ni mahkra ntsa de pru na ra ai.

EZEKELA 11:11

Ndai mare gaw nanhte a di tai lu na n rai; nanhte mung de a shan tai lu na n rai; Israela lamu ga jarit e ngai nanhte hpe dawdan nna, ngai Yehowa rai nga ai hpe nanhte chye lu na marin dai: kaning rai nme law, nanhte gaw nye a matsun maroi ga hpe n hkan, ngai hkang da ai ga hpe n hkan galaw ai sha, nanhte a grup yin e nga ai maigan amyu ni a arawn alai hpe hkan nang myit dai,” nga ai.

EZEKELA 11:3

shanhte gaw, ‘Nta galaw na aten garai n du ai; ndai mare gaw di zawn, anhte gaw shan zawn rai nga ga ai', nga nna tsun ma ai.

EZEKELA 11:7

Dai re ai majaw Madu Yehowa ning nga ai, Nanhte tawn da ai si mang ni, gaja wa shan rai nga ai; ndai mare di nan rai nga ai; rai timung ngai gaw nanhte hpe ndai mare na shapraw kau na nngai.

EZEKELA 12:25

Ngai Yehowa rai nga nngai; ngai ga tsun nna, ngai tsun ai ga gaw, dik na ra ai: dai gaw hkring nga lu na n rai; gumlau chye ai amyu e, nanhte a lakhtak e ngai ga tsun nna, dai hpe shadik na we ai,” nga nna Madu Yehowa tsun ai.

EZEKELA 17:12

“Gumlau chye ai amyu hpe tsun u, ‘Ndai ga lachyum nanhte n chye na nga myit ni?’ shanhte hpe tsun u: ‘Babelon hkawhkam gaw Yerusalem mare de du nna, Yerusalem hkawhkam hte de a agyi salang ni hpe rim la nna, Babelon mare de woi wa manu ai:

EZEKELA 17:2

“Masha kasha e, Israela dap hpe gumwai ga hte ga shadawn hku tsun u;

EZEKELA 2:2

Shing nga ngai hpe tsun yang, Wenyi ngai hta shang nna, shi ngai hpe tsap shangun nngai: ngai hte tsun ai wa a ga mung, ngai na nngai.

EZEKELA 2:3

Shaloi shi gaw, “Masha kasha e, ngai hpe gumlau ai amyu ngu ai, dai ni du hkra kaji kawa ni hte hpawn ngai hpe tut gumlau nna, shut hpyit nga ai Israela kashu kasha ni hpang de ngai nang hpe shangun dat na nngai.

EZEKELA 2:5

Shanhte gaw gumlau ai amyu rai nga nna, madat timung, n madat timung, tinang hta myihtoi nga nga ai hpe, shanhte chye lu na mara ai.

EZEKELA 2:6

Nang mung, masha kasha e, ju hpun hte tsamat hkrum nna, n-gawgawk hte shanu nga timung, shanhte hpe hkum hkrit, shanhte a ga hpe hkum kamang et; shanhte gumlau ai amyu rai nga timung, shanhte a ga hpe hkum hkrit, shanhte a n yawt ai myi man hpe hkum mak mat et.

EZEKELA 2:8

Nang mahtang, masha kasha e, ngai tsun ai ga madat u; dai gumlau ai amyu zawn, gumlau myit hkum rawng et; na a n-gup mahka nna, ngai jaw ai hpe sha u,” nga ai.

EZEKELA 24:6

Dai re ai majaw Madu Yehowa ning nga ai, Nhkan kap nna galoi n tsai hkraw ai di ngu ai sai kap ai mare gaw dingnye lu u ga: shan tau mi hte tau mi shapraw u: hpaida da shara n nga ai.

EZEKELA 3:9

Ngai na a lahtan hpe nhpai lung hta grau nna shaja ni ai: shanhte gumlau ai amyu rai nga timung, shanhte hpe hkum hkrit, shanhte n yawt ai myi man majaw hkum mak mat et,” nga ai.

MIHKA 2:4

Ndai aten e shanhte gaw, nanhte a lam ga shadawn hku tsun nna, Anhte htum mat saga ai; nye a amyu masha ni a sali wunli, shi galai kau nna, nye a lata na dawm la nu hka! Shi gaw htak mat ai ni hpe, anhte a yi hkauna ni karan jaw kau mu ai, nga nna yawn madai let shabam na mara ai.

MARKU 12:12

Dai majaw shanhte gaw shi hpe rim la na tam ma timung, shawa masha ni hpe hkrit da mu ai: kaning rai nme law, ndai ga shadawn hpe, shanhte a lam shi tsun nga ai gaw, shanhte chye na mu ai. Shaloi shanhte shi hpe kau da nna, pru mat wa ma ai.

LUKA 8:10

Shi gaw, Karai Kasang a mungdan a sung htum ai lam ni hpe chye na na ahkang nanhte a matu hku nga malit dai: masha gale ni chyawm gaw, yu layu e n mu mu ga, na lana n chye na mu ga, ga shadawn hku hte tsun nme ai.

KASA 7:51

Du ja nna, masin hte ana hpe matu n gadoi ai ni e, nanhte galoi mung Chyoi pra ai Wenyi hpe hkap daw myit dai; nanhte a nji nwa ni galaw ai zawn, nanhte mung a galaw nga myit dai.