EZEKELA 23:3 - Jinghpaw Hanson Version Bible

³ shan gaw hkawn ram prat e, Egutu mung hta shawa num tai ma ai; dai yang e shan a madoi chyu hpang hpe jum nna, hkawn ram chyu si hpe manat darin ma ai.

Jinghpaw Common Language Bible 2009

³ Shan gaw hkawn ram prat e, Egutu mung hta shanu nga ma ai, shaloi shan a hkawn jet ai maka gaw hten mat ai hte shawa num tai wa masai.

EZEKELA 23:3 ပူးပေါင်းရင်းမြစ်များ

YEREMIA 3:9

Shing rai, shi ladu lai ai shawa num amu hte mungdan hpe awu asin di kau nna, nlung hte mung, hpuntawng hte mung, shut hpyit nga ai.

EZEKELA 16:15

“Rai timung, nang gaw na a tsawm htap ai hta machyu nga nna, nang kajai gumhkawng hkrum ndai majaw shawa num tai nna, hkawm lai wa ai ni yawng hte shut hpyit nga ndai: la shagu hte nang hkrum ndai.

EZEKELA 16:22

Dai hta n-ga, nang matsat shabat hte shawa num amu mahkra hpe galaw nga yang, hkawn ram prat e nang singgu krin rai nga ai hte, na a sai hta galu nga ai hpe, nang n dum n hka.”

EZEKELA 20:7

dai shaloi ngai gaw, ‘Nanhte langai hte langai, tinang yu ra ai matsat shabat amu kau da nna, Egutu mung na hpara ni hte, tinang hkum hpe awu asin hkum di kau myit: ngai gaw nanhte a Karai Kasang Yehowa rai nga nngai,’ ngu nna shanhte hpe tsun ni ai.

EZEKELA 20:8

Shanhte chyawm gaw, nye a ga n madat mara ai hte, ngai hpe gumlau nga ma ai; shanhte langai hte langai tinang yu ra ai matsat shabat amu ni hpe mung, Egutu mung na hpara ni hpe mung, n kau da ma ai. Dai rai nna ngai gaw, ‘Nye kahtet ai myit shanhte hta shakawp na matu, Egutu mung ka-ang e, shanhte a ntsa de, nye pawt bu ai hpe, ru dat na nngai,’ nga nna tsun nngai.

EZEKELA 23:19

Rai timung shi gaw, hkawn ram prat e Egutu mung hta shawa num tai ai aten hpe dum nna, shut hpyit ai amu shalaw nga ai.

EZEKELA 23:21

Shing rai Egutu mung masha ni gaw, na a hkawn ram prat e nang hte kanawn nna, na a madoi chyu hpang hpe arawng jahpoi ai lam, nang bai dum mayu ndai.”

EZEKELA 23:34

Dai hpe nang lu nna chyup nhtawm, gawm chyen hpe pyi kawa makret nna, na sinda hpe gang je kau na ndai: dai ga ngai tsun ni ai,” nga nna Madu Yehowa tsun ai.

EZEKELA 23:4

Kana a amying gaw Ohola, shi a kanau gaw, Oholiba rai nga ai: shan gaw nye a num tai nna, shayi shadang sha shaprat ma ai. Ohola chyawm gaw, Samari mare, Oholiba gaw, Yerusalem mare rai nga ai.”

EZEKELA 23:43

“Shaloi ngai gaw, ‘Shanhte gaw ndai num hte pyi shut hpyit na ma ai kun?’ nga nna gumgai hkra shawa num amu galaw ai jan hpe lakap nna san nngai.

EZEKELA 23:8

Shing rai shi gaw, Egutu mung e nga ai prat kaw nna shi shut hpyit ai hpe kau da ai, n rai: shi a hkawn ji prat e shanhte gaw shi hte yup ma ai; shi a madoi chyu hpang shanhte manat darin nna, shi hte shut hpyit ma ai.

HOSEA 1:2

Yehowa gaw Hosea hpe ga tsun hpang yang, “Nang sa su; shawa num hte hpawn, shi shaprat ai liknga ma ni hpe woi la u; kaning rai nme law, dai mungdan gaw Yehowa kaw na yit mat wa nna, grai shut hpyit nga ai,” ngu nna shi hpe tsun wu ai.

HOSEA 2:15

Balim hpara ni a man e manam pyaw ai baw nat nawng nna, gali lakan ni hte shi hkum hpe mawn sumli let, sumtsaw sumra ni a hpang e hkan nang nna, ngai hpe malap kau ai aten majaw, ngai shi hpe dawdan na nngai,” nga nna Yehowa tsun ai.

JAW JAU 17:7

Dai hta kaga, namla hpe tinang a hkungga sa jaw nna, hpye ai amu hkan galaw ai zawn, htawm hpang de galaw lu na n rai. Dai gaw, shanhte a shu mashi shu masha prat dingsa madat mara nga na ga matsun rai nga ai.

TARA JAHPRANG 29:16

shanhte a matsat shabat lam ni hte shanhte nawku ai hpun, nlung, aja, gumhpraw hpara sumla ni hpe mung nanhte mu manit dai:

YAWSHU 24:14

“Dai re ai majaw, Yehowa hpe hkrit hkungga nna, sadi sahka re ai hte tengman ai hku shi hpe jaw jau nga mu: Hka wora hkran na hte Egutu mung e nanhte a nji nwa ni jaw jau ai Hpara ni hpe kau da nna, Yehowa hpe jaw jau nga mu.

SHINGRAN 11:8

Ga malai hku Sodom hte Egutu ngu shamying ai, wudang hta shan a Madu jen da hkrum ai mare kaba a nmaw lam hta, shan a moi mang taw nga ai.