EZEKELA 22:9 - Jinghpaw Hanson Version Bible

⁹ Sai jahkaw kau na matu, shi htawn ai ni nang hta nga nga ma ai; na a masha ni bum ntsa e shat sha ma ai; na a ka-ang e n se n sa ai amu galaw ma ai.

Jinghpaw Common Language Bible 2009

⁹ Na a amyu masha ni hta na nkau mi gaw sat kau hkrum na matu kaga masha ni a lam ni hpe masu magaw ga tsun nga ai. Amyu masha nkau mi gaw hpara sumla ni hpe nawng jau ai shagu hkungga shan ni hpe sha nga ma ai. Nkau mi gaw shanhte a ngang gayut ai amu ni hta tut nawng myit dik dum nga ma ai.

EZEKELA 22:9 ပူးပေါင်းရင်းမြစ်များ

SHAKAWN KUNGDAWN 101:5

Shi a htingbu wa hpe mayun de nna shi htawn ai wa hpe, ngai atsai awai di kau na we ai: Gumrawng nna myit kaba ai wa hpe, ngai n dang hkam nngai.

SHAKAWN KUNGDAWN 106:28

Bala Peura hpe shanhte manoi nna, Si ai wa hpe nawng ai hkungga sha ma ai.

SHAKAWN KUNGDAWN 50:20

Na nhpu nnau a lam n sun ai hku nang tsun nga nna, Na nnu a kasha hpe shara nga ndai.

PRU MAT 20:16

Na a htingbu manang a lam n teng n man ai sakse hkum hkam et.

PRU MAT 23:1

N teng n man ai shiga nang htawn tsun lu na n rai; tara n lang ai ni hte rau n teng n man ai sakse hkam na, na a lata hkum sharawt et.

GA SHAGAWP 10:18

N dawng ai myit up da ai wa gaw masu chye ai n-gup tu nga ai; Masu ai shi tsun shabra ai wa gaw, angawk ai wa rai nga ai.

GA SHAGAWP 18:8

Tsun kahte ai wa a ga gaw, dwi sau ai shahpa zawn rai nga nna, Kraw lawang kata de shang wa ai.

GA SHAGAWP 26:22

Tsun kahte ai wa a ga gaw, dwi sau ai shahpa zawn rai nga nna, Kraw lawang kata de shang wa ai.

YEREMIA 6:28

Shanhte yawng, gumle gumlau hte shi htawn ai ni rai nga ma ai; magri hte hpri hkrai rai nga ma ai; nlang hte gaw maw sha map sha ai ni hkrai rai nga ma ai.

YEREMIA 9:4

“Langai hte langai tinang a htingbu wa hpe makran u ga; kahpu kanau wa hpe mung n kam u ga; kahpu kanau ni yawng hkalem hkalau sha ai hkrai rai nga ma ai; htingbu htingpyen ni gaw shi htawn hkawm ai ni rai nga ma ai.

EZEKELA 11:6

Nanhte gaw ndai mare hta si mang shajawng nna, mare lam ni gaw moi mang ni hte hpring nga ai.

EZEKELA 16:43

Kaning rai nme law, nang gaw na a hkawn ram prat hpe n dum ndai; ndai lam shagu hta ngai hpe gumlau ndai: dai re ai majaw, yu u, na a yubak hpe na a baw ntsa de ngai shapraw na nngai; na matsat shabat amu mahkra a ntsa e, ndai n san n seng ai hpe galaw kahtap lu sa na n rai,” nga nna Madu Yehowa tsun ai.

EZEKELA 18:11

yubak langai mi n koi kau ai sha, bum ntsa e shat sha, masha jan shaw,

EZEKELA 18:15

bum ntsa e shat n sha, Israela dap a hpara ni hpe n mada, masha num n shaw,

EZEKELA 18:6

bum ntsa e shat n sha, Israela dap a hpara ni hpe n mada, masha jan n shaw, nba lang ai num hte n kanawn,

EZEKELA 23:29

shanhte gaw n dawng ai myit hte nang hpe di kau nna, na arung arai mahkra hpe la kau nhtawm, nang hpe singgu krin jahti da na mara ai: dai rai nna, na a n se n sa ai myit hte kaya kahpa re ai singgu krin mung, nang galaw yu ai shawa num hking mung, dawng pru na ra ai.”

EZEKELA 24:13

Nang hta kap ai agang chyalang hta n se n sa ai mung lawm nga ai; ngai nang hpe kashin timung, nang n tsai hkraw ndai majaw, nye pawt kahtet ai na a ntsa e garai n dik dingsa, na a agang chyalang tsai mat lu na n rai.

HOSEA 4:10

Shanhte gaw Yehowa hpe shinggan kau ai majaw, shanhte sha timung, hkru kat lu ai, n rai; liknga lam shachyut timung, law htam wa na, n rai.

HOSEA 4:14

Nanhte a shayi sha ni shawa num, nanhte a nnam ni la shaw ai num tai yang, ngai shanhte hpe ari jaw na, n rai: kaning rai nme law, la ni pyi shawa num hkan tam nna, n se ai num ni hte rau hkungga nawng ya ma ai: nyan n rawng ai amyu gaw, htum mat ai hkrum na ra ai.

HOSEA 4:2

Matsa mawa, masu ai ga, masha sat ai, lagu lagut hte num shaw la shaw ai amu hkrai, rai nga ai: shanhte hpya sha nna, masha sat ai yubak matut manoi rai nga ai.

HOSEA 6:9

Damya hpung ni gaw, masha hpe gyam ai zawn, hkinjawng hpung ni gaw, Shehkem de sa wa ai lam hta, masha hpe sat kau ma ai: gaja wa, shanhte gaw sawse lawklek ai amu galaw ma ai.

HOSEA 7:4

Shanhte yawng num shaw la shaw ai ni rai nga ma ai: shanhte gaw muk kabaw ai wa kahtet shangun ai wan htung hte bung nga ma ai: shi gaw shadung gumchya nna, muk wawm ai du hkra, dai wan hpe shagrung ra ai, n rai.

JAW JAU 19:16

Na a amyu masha ni hta shi wawn htawn hkawm ai wa nang tai lu na n rai: na a manang wa a asak nang gyam lu na ndai n rai: ngai gaw Yehowa rai nga nngai.

MALAHKI 3:5

Nanhte hpe tara dara na matu, ngai ni wa nna, shaba wawt ai ni, num shaw la shaw ai ni, masu lam dagam ai ni, nchyang shabrai n jaw ai zingri ai ni, gaida gaina hte chyahkrai nmai ni hpe zingri ai ni, malet nhprang manam hpe maw sha map sha ai ni hte, ngai hpe n hkrit hkungga ai ni a man e, larau ladau re ai sakse ngai tai na nngai, nga nna Zaw nawng zaw wa up ai Yehowa tsun ai.

MAHTE 26:59

Shaloi hkinjawng agyi ni hte, salang hpawng ting gaw, Yesu hpe sat kau lu hkra, shi a lam masu ai sakse tam nga nna, masu ai sakse hkam na ni law law wa dawng pru ma timung, shanhte mara n mu mu ai.

KASA 24:13

Ya shanhte ngai e shagun ai mara lam ni hta, nang hpe sakse pyi n madun lu ma ai.

KASA 24:5

Ndai wa gaw n hkru n hkra re ai hte, mungkan ting na Yuda masha ni nlang hpe gumlau sharawt nna, dai Nazaret hpung a agyi kaba rai nga ai gaw, anhte mu gaw ai:

TARA AGYI 20:6

Dai majaw, lashi num mang dai hpe ngai kahtum daw nna, Israela sali mungdan ting de gumju gat dat nngai: kaning rai nme law, Israela amyu hta n shawp ai hte myit n su ai amu shanhte galaw masai.

1 SAMUELA 24:10

Dai ni Yehowa, wora lungpu e nang hkum hpe, na a mayam a lata hta ap kau nit dai gaw, nang nan mu nit dai; nang hpe sat kau ga, nga nna manang ni nkau mi shadut ti pyi, ngai na asak hpe lahpawt ya nna, nye a Madu gaw Yehowa a namman jaw hkam ai wa re ai; dai wa hpe sat na, nye a lata n dawn yu we ga, ngu nna ngai myit nga nngai.