EZEKELA 22:7 - Jinghpaw Hanson Version Bible

⁷ Na a ka-ang e kanu kawa hpe n kaw n law di kau ma ai; malet nhprang manam ni hpe adip arip di ma ai; chyahkrai nmai hte gaida gaina ni hpe maw sha ma ai.

Jinghpaw Common Language Bible 2009

⁷ Dai mare hta shanu nga ai ni kadai mung tinang a kanu kawa ni hpe shagrau hkungga nga ma ai n rai. Nang gaw tsasam masha ni hpe mawp sha nna gaida gaina ni hte jahkrai nmai ni hpe zai hku nna dip sha nga ndai.

EZEKELA 22:7 ပူးပေါင်းရင်းမြစ်များ

SHAKAWN KUNGDAWN 94:5

Yehowa e, shanhte gaw na a amyu hpe dip da nna, Na a sali wunli hpe zingri zingrat mu ai.

SHAKAWN KUNGDAWN 94:6

Gaida jan hte masha tsasam wa hpe shanhte sat kau nna, Jahkrai ma ni hpe htau kau mu ai.

PRU MAT 20:12

Na a Karai Kasang Yehowa nang hpe jaw ai ga hta na a asak galu lit ga, na nnu yan nwa hpe hkungga lara di u.

PRU MAT 21:17

Kanu kawa hpe matsa ai wa gaw, teng teng sat kau ai hkrum u ga.

PRU MAT 23:9

Masha tsasam hpe nang sharu shatsang lu na n rai; Egutu mung e nanhte hkum dai masha tsasam tai yu manit dai majaw, masha tsasam a myit nanhte chye nga myit dai.

GA SHAGAWP 20:20

Kanu kawa hpe dagam ai wa gaw, Shi a pyengdin, htat ai nsin hta si mat na lu ai.

GA SHAGAWP 30:11

Tinang kawa hpe dagam kau nna, Kanu hpe mung, n shaman ya ai masha amyu;

GA SHAGAWP 30:17

Tinang a kawa hpe asawng nna, Kanu a ga n kaw madat ai wa a myi hpe, Hkaraw na u hka ni malawk kau ya nna, Langda hkalung ni sha kau na mara ai.

ESAIA 1:17

Kaja ai amu galaw na sharin la mu; dinghpring ai hpe hkan shachyut mu; nni nkri hkrum ai ni hpe karum mu; chyahkrai ma ni a mata tengman ai hku jeyang mu: gaida gaina ni hpe tau mu.

ESAIA 1:23

Na a du ni gumlau let, lagu lagut ni a kanawn manang tai wa masai; shanhte yawng kumhpa ra nna, sake manawn sha nga ma ai; shanhte gaw chyahkrai nmai ni a matu tara ding ai hku n jeyang ai hte, gaida gaina ni a amu hpe hpa n nawn ya ma ai.

EZEKELA 18:12

nni nkri hkrum ai hte matsan mayan ni hpe zingri, masha sut rai hpe kashun la nna, tang da ai arai, madu hpe n hkin ya; hpara ni hpe mada, matsat shabat amu galaw,

EZEKELA 22:25

De a ka-ang e shi a myihtoi ni gaw, shabam nna, ashan hpe gyam ai hkanghkyi zawn, gumlau amu shapraw ma ai: shanhte gaw masha ni hpe sha kau ma ai; sutgan hte hpu la ai baw kashun la ma ai; mung ka-ang e gaida jan ni hpe shalaw dat ma ai.

EZEKELA 22:29

Mung masha ni gaw adip arip hpya lu hpya sha ai amu hkan galaw ma ai; gaja wa, nni nkri hte matsan mayan hkrum ai ni hpe, zingri mu ai; malet nhprang manam hpe mung, pagawn di kau mu ai.

JAW JAU 20:9

Tinang a kanu kawa hpe matsa ai wa kadai mung, sat kau ai teng teng hkrum lu na wu ai: shi gaw kanu kawa hpe matsa ai majaw si ging ai yubak lu nga ai.

ZEHKARIA 7:10

gaida gaina, chyahkrai nmai, shingbyi manam wa hte matsan mayan ni hpe, adip arip hkum di mu; nanhte hta na kadai rai timung, tinang a hpunau wa hpe, n kaja ai hku hkum maw myit,’ nga nna Zaw nawng zaw wa up ai Yehowa a tsun nga timung,

MALAHKI 3:5

Nanhte hpe tara dara na matu, ngai ni wa nna, shaba wawt ai ni, num shaw la shaw ai ni, masu lam dagam ai ni, nchyang shabrai n jaw ai zingri ai ni, gaida gaina hte chyahkrai nmai ni hpe zingri ai ni, malet nhprang manam hpe maw sha map sha ai ni hte, ngai hpe n hkrit hkungga ai ni a man e, larau ladau re ai sakse ngai tai na nngai, nga nna Zaw nawng zaw wa up ai Yehowa tsun ai.

MARKU 7:10

Kaning rai nme law, “Na nnu nwa hpe hkungga lara di u; bai, Kanu kawa hpe n kaja ai ga tsun ai wa gaw, teng teng si u ga, nga nna Mawshe tsun nga timung, nanhte gaw,

TARA JAHPRANG 24:17

Ndang kalang hkat ai amu hta amyu kaga wa hte jahkrai nmai ma hpe jasum lu na n rai; gaida jan a hpun palawng hpe tang la kau lu na n rai:

TARA JAHPRANG 27:16

“Kanu kawa hpe roi ai wa gaw dingnye hkrum u ga le,” nga nna dagam yang, amyu masha ni nlang hte gaw, “Amen,” ngu nna htan na rai ma ai.

TARA JAHPRANG 27:19

“Tara dara ai hta amyu kaga wa hte jahkrai nmai, gaida gaina hpe, n sun n ang ai hku jasum ai wa gaw dingnye hkrum u ga le,” nga nna dagam yang, amyu masha ni nlang hte gaw, “Amen,” ngu nna htan na rai ma ai.

TARA JAHPRANG 5:16

Na a Karai Kasang Yehowa nang hpe jaw ai mungdan hta, na a asak galu nna ngamu ngamai lit ga, na a Karai Kasang Yehowa nang hpe hkang da sai hte maren, na nnu yan nwa hpe hkungga lara di u.