EZEKELA 22:4 - Jinghpaw Hanson Version Bible

⁴ Nang gaw sai jahkaw kau ai hte mara kap nga ndai; nang galaw ai hpara sumla ni hte awu asin hkrum nga ndai; na a nhtoi ni hpe nang du shangun nna, na shaning ni hpe pyi, nang nan jahtum nu ai: dai re ai majaw ngai nang hpe maigan amyu ni hta, shatan nhkan shara, mungdan shagu hta asawng asang shara, shatai de ai.

Jinghpaw Common Language Bible 2009

⁴ Nang gaw masha sat ai amu ni hte mara kap nga ndai, nang galaw ai hpara sumla ni hte awu asin hkrum nga ndai; dai rai nna na a nhtoi gaw du wa ra ai, na a aten htum mat nit dai! Shing re ai lam ni a majaw ngai nang hpe masha amyu baw ni hta mani hpa shatai kau na nngai, mungdan yawng mung nang hpe asawng asang di kau na mara ai.

EZEKELA 22:4 ပူးပေါင်းရင်းမြစ်များ

1 HKAWHKAM 9:7

ngai Israela hpe jaw da ai mungdan hta na ngai shanhte hpe jahtum kau nna, ndai nye a amying nsang matu ngai shachyoi shapra ai nta hpe mung, ngai shinggan kau na we ai rai nna, Israela amyu gaw masha amyu baw mahkra hta abung shadawn chyai shara hte asawng shara tai na marin dai.

2 HKAWHKAM 21:16

Shing rai Manashe gaw Yehowa a man e n hkru ai amu galaw ai hte, Yuda masha ni hpe shut shangun ai hta n-ga, mara n kap ai ni law law hpe sat kau nna, dai ni a asai gaw Yerusalem mare maga mi kaw nna maga mi du hkra hpring nga ai.

2 HKAWHKAM LABAU 7:20

ngai shanhte hpe jaw da ai mungdan hta na aru hte nawng baw kau nna, nye a amying nsang matu ngai shachyoi shapra ai ndai nta hpe ngai shinggan kau na we ai rai nna, masha amyu ni hta abung shadawn chyai shara hte, asawng shara shatai na we ai.

SHAKAWN KUNGDAWN 79:4

Anhte a htingbu ni a man e shatan nhkan ai, Grup yin e nga ai ni a man e, roi nga ai hte Asawng asang re ai, anhte hkrum nga ga ai.

YEREMIA 18:16

shing rai shanhte a mungdan gaw katsi katsang shara hte, tutnawng asawng shara tai nga ai; dai lam lai ai ni yawng mayawng mau mat nna tinang a baw kanga na mara ai.

YEREMIA 24:9

ga ntsa e mungdan ni mahkra hta, dumbru dumbra hkrum ai du hkra, ngai shanhte hpe ap kau na nngai; ngai shanhte hpe shaden kau ai shara shagu hta, shanhte gaw, shatan nhkan shara, bung shadawn shara, asawng asang shara hte dagam dala shara tai na mara ai.

YEREMIA 44:8

nanhte sa shingbyi nga ai Egutu mung hta, hpara kaga ni hpe manam pyaw ai baw nat nawng ya let, tinang lata galaw ai amu hte ngai hpe pawt sindawng shangun ai majaw, nanhte hta langai mi n ngam nga lu na matu, Yuda amyu lasha, numsha, ma kaji ni hte chyu chyu ai ma chyangai ni mahkra hpe shaza kau hkra, ndai yubak kaba hpe, tinang myit masin hta, hpa majaw galaw nga myit ta?

EZEKELA 16:57

nang myit kaba nna, na nnau Sodom a amying hpe n kajai hkraw ndai.

EZEKELA 21:28

Shanhte mahtang, dagam da ai ga majaw, dai shaba wawt ai lam hpe kaman lila zawn nawn ma ai: hkawhkam wa chyawm gaw, shanhte rim la ai hkrum lu hkra, shanhte a shut hpyit ai hpe, dum shangun mu ai.”

EZEKELA 22:2

“Masha kasha e, nang hkum nan, dai sai kap ai mare hpe dawdan u, dawdan u; shi galaw ai matsat shabat amu mahkra hpe, madun dan u.

EZEKELA 23:32

Madu Yehowa ning nga ai, Nang gaw, nna a gawm hta na, lu na ndai; dai gaw dam nna sung nga ai; dai hta, nang n dang lu hkra, hpring nga ai rai nna, asawng asang hte mani kau ai, nang hkrum na ndai.

EZEKELA 23:7

Shi gaw Asuri mung na arawng lu ai ni mahkra hte shut hpyit nga ai: kadai hte mung kanawn yang, shanhte a hpara ni hte mung, tinang hkum hpe awu asin di kau nu ai.

EZEKELA 24:7

Kaning rai nme law, shi sat kau ai ni a asai gaw de a ka-ang e rai nga ai; dai hpe nhpu hte magap na matu, ga ntsa e ru kau ai n rai: krin nga ai nlung ntsa e mara da nu ai.

EZEKELA 24:8

Ngai ari jaw na matu, pawt kahtet ai pru hkra, dai sai hpe n makoi magap ai, krin ai nlung ntsa e mara da ni ai.

EZEKELA 36:15

“htawm hpang de maigan amyu ni a shatan nhkan ga hpe, nang na lu na, n rai; shanhte a jahpoi ai mung hkrum na, n rai; na a amyu hpe kadawng si shangun na, n rai,” nga nna Madu Yehowa tsun ai.

Daniela 9:16

Ya Madu e, na a dinghpring ai myit ting hkan nna, na a pawt sindawng ai hte myit kahtet ai hpe, chyoi pra ai bum ngu ai, na a mare Yerusalem hta na dawm la kau u, ngu nna ngai tawngban nngai: kaning rai nme law, anhte a yubak hte anhte a ji wa ni a shut hpyit ai a majaw, Yerusalem mare hte, na a amyu masha ni gaw, grup yin e de nga ai nlang hte a man e, shatan nhkan shara tai wa sai.

JAW JAU 26:32

Mung ting hpe ngai akrin atsai di aku nna, dai yang sa nga nga ai nanhte a hpyen ni pyi dai lam mau mahka nga na mara ai.

BU HKAWM 32:14

Ya mung Yehowa, Israela kashu kasha ni hpe grau nna pawt bu na hku, grau n shawp ai ni nanhte gaw, nanhte a kawa ni a malai bai dawng pru marin hka i?

TARA JAHPRANG 28:37

Yehowa nang hpe woi mat wa ai mungdan shagu hkan e, nang gaw masha ni a mau shara, abung shadawn chyai shara hte asawng shara tai na rin dai.

TARA JAHPRANG 29:24

Shaloi masha ni gaw, “Shanhte a kaji kawoi ni nawku ai Karai Kasang Yehowa shanhte hpe Egutu mung na shaw woi wa ai shaloi, shanhte hte tawn da ai ga shaka hpe run kau mu ai majaw mung,

1 HTESALONI 2:16

maigan masha ni hkye hkrang la ai hkrum na matu hkaw tsun dan na, shanhte gaw anhte hpe ban hkum kau mi ai; shing rai shanhte gaw tinang a yubak hpe tutnawng e shalaw jahtam nga nna, dai pawt sindawng ai mung shanhte a ntsa e htum hkra dep nga sai.