EZEKELA 22:3 - Jinghpaw Hanson Version Bible

³ Htawn tsun u, ‘Madu Yehowa ning nga ai: Tinang a aten du na matu, tinang a ka-ang e sai jahkaw kau nna, tinang hkum hpe awu asin di kau na matu, hpara sumla galaw ai mare, nang rai nga ndai.

Jinghpaw Common Language Bible 2009

³ Tsaw Htum ai dai Madu ngai tsun ai mungga, dai mare hpe tsun u: Nang gaw na a amyu masha ni law law hpe sai jahkaw kau nit dai, hpara sumla ni hpe nawku ai hku nna na hkum hpe awu asin di kau nit dai majaw na a aten du wa ra ai.

EZEKELA 22:3 ပူးပေါင်းရင်းမြစ်များ

2 HKAWHKAM 24:3

Gaja wa, Manashe galaw ai yubak mahkra hte, mara n rawng ai ni a sai hpe hkaw kau nna, Yerusalem mare hpe mara n rawng ai sai hte jahpring wu ai majaw,

2 HKAWHKAM 24:4

Yehowa gaw dai yubak hpe raw dat na n hkraw ai rai nna, Yuda amyu hpe shi a myi man kaw na yeng seng kau na nga, Yehowa hkang da ai ga hte maren ndai lam ni byin pru wa sai.

SHAKAWN KUNGDAWN 106:39

Tinang a bungli majaw, shanhte n san n seng wa ma ai, Shanhte a arawn alai majaw tinang dai shut hpyit nga ma ai.

ESAIA 1:21

Shawng e tara ding ai hte hpring nga ai, kangka re ai mare gaw, kaning rai shawa num tai a hka! Dinghpring ai gaw dai kata e shanu nga sai; ya chyawm, masha sat ai ni hkrai dè nga ma ai.

EZEKELA 12:25

Ngai Yehowa rai nga nngai; ngai ga tsun nna, ngai tsun ai ga gaw, dik na ra ai: dai gaw hkring nga lu na n rai; gumlau chye ai amyu e, nanhte a lakhtak e ngai ga tsun nna, dai hpe shadik na we ai,” nga nna Madu Yehowa tsun ai.

EZEKELA 22:2

“Masha kasha e, nang hkum nan, dai sai kap ai mare hpe dawdan u, dawdan u; shi galaw ai matsat shabat amu mahkra hpe, madun dan u.

EZEKELA 22:27

Shi a du ni mung, n tara ai sutgan lu la hkra, shan gyam nna, sai jahkaw kau ai hte, masha hpe kawa sat kau ai chyahkyawn hte bung ma ai.

EZEKELA 22:4

Nang gaw sai jahkaw kau ai hte mara kap nga ndai; nang galaw ai hpara sumla ni hte awu asin hkrum nga ndai; na a nhtoi ni hpe nang du shangun nna, na shaning ni hpe pyi, nang nan jahtum nu ai: dai re ai majaw ngai nang hpe maigan amyu ni hta, shatan nhkan shara, mungdan shagu hta asawng asang shara, shatai de ai.

EZEKELA 22:6

Israela du salang ni hpe yu yu mu: langai hte langai tinang a ahkang aya hte maren, nang hta sai jahkaw kau mu ai.

EZEKELA 23:37

Shan gaw la shaw masai; shan a lata hta sai kap nga ai; tinang a hpara sumla ni majaw, la shaw masai; nye a matu shaprat ai shadang sha ni hpe pyi, hpara sumla ni matu wan nat hkungga shatai masai.

EZEKELA 23:45

Dai rai nna, shan gaw la shaw ai hte sai kap ai num yan rai nga ma ai majaw, dinghpring ai ni gaw, la shaw ai hte masha sat ai num hpe dawdan ai zawn, shan hpe dawdan na mara ai.

EZEKELA 23:7

Shi gaw Asuri mung na arawng lu ai ni mahkra hte shut hpyit nga ai: kadai hte mung kanawn yang, shanhte a hpara ni hte mung, tinang hkum hpe awu asin di kau nu ai.

EZEKELA 33:25

Dai re ai majaw shanhte hpe tsun mu, ‘Madu Yehowa ning nga ai: Nanhte gaw sai hte hpawn shan sha nna, hpara sumla ni hpe mada yu let, masha hpe sat kau ninglen, ndai mungdan hpe madu lu na myit ni?

EZEKELA 9:9

Shaloi shi gaw, “Israela hte Yuda dap ni shut hpyit ai gaw, nachying kaba la nga ai; mungdan gaw sai hte hpring chyat nga nna, mare gaw gumlu gumlang hte hpring nga ai: kaning rai nme law, shanhte gaw, Yehowa nan mungdan hpe kau da nna, shi mu lu ai, n rai,” nga nna tsun shajang ma ai.

MIHKA 3:10

Nanhte gaw Ziun hpe asai hte, Yerusalem mare hpe, n hkru n hkra ai hte de da myit dai.

ZEHPANI 3:3

Shi a du ni gaw, dai mare ka-ang e shabam ai hkanghkyi rai nga ma ai; tara agyi ni gaw, hpang jahpawt du hkra hpa n ngam da ai, shana kawan hkawm ai chyahkyawn, rai nga ma ai.

ROMA 2:5

Gaja wa, na a ja la ai hte malai n lu ai myit majaw, Karai Kasang a pawt bu ngu ai, dingman ai tara dara na dan pru ai nhtoi e hkam na madawng hpe, nang mahkawng da ndai.

2 PETRU 2:3

Shanhte gaw lawhpa ai myit hkan let, hkalem ai ga hte nanhte hpe hpaga ga na marin dai: shanhte hpe dawdan na ari chyawm gaw, moi chyaloi nhkoi kaw nna n lanyan ai hte, shanhte hkrum sha na tsin-yam tsindam gaw gaungwi gausi yup shamwi nga ai n rai.