EZEKELA 21:3 - Jinghpaw Hanson Version Bible

³ Dingda maga na maling hpe htawn tsun u, Yehowa a ga madat mara u; ‘Madu Yehowa ning nga ai: Yu u, Ngai nang hta wan shachyi na nngai; dai wan gaw tsit lali ai hte hkraw mat ai hpun mahkra hpe, hkru kau na ra ai: de a wan shinglet krip na n rai: dingda maga kaw nna dingdung maga du hkra, myi man yawng mayawng hkru kau ai hkrum na ra ai.

Jinghpaw Common Language Bible 2009

³ Dai Madu ngai nan tsun nga ai Israela mung hpe sadi jaw u: Ngai gaw na a hpyen rai nga nngai. Ngai gaw nye a nhtu shaw nna kaja ai hte n hkru ai masha nanhte yawng hpe sat kau na nngai.

EZEKELA 21:3 ပူးပေါင်းရင်းမြစ်များ

YOBA 9:22

Yawng lam sha rai nga ai; dai rai nna, “Shi gaw myit tsup ai wa hpe mung, tara n lang ai wa hpe mung, maren shamyit kau mu ai,” nga nna ngai tsun nngai.

SHAKAWN KUNGDAWN 17:13

Rawt u, Yehowa e, shi man e tsap u, shi hpe jahkrat kau u, N hkru ai ni kaw na, na a nhtu hte, nye a asak hpe shalawt ya e.

SHAKAWN KUNGDAWN 80:17

Na a hkra maga e dung nga ai wa hte, Na a matu nang lata la ai masha kasha a ntsa e, na a lata anga nga u ga.

SHAKAWN KUNGDAWN 83:15

Na a bunghpoi e shanhte hpe hkan shachyut nna, na a laru hte shanhte hpe jahkrit kau mu.

PRU MAT 15:9

Dai hpyen wa tsun ai gaw: ngai hkan shachyut na, ngai dep na we ai; Ngai lanep karan la na we ai: shing di shanhte hta ngai mashi asat na we ai: Nye a nhtu ngai shaw nna, shanhte hpe ngai hpya kau na we ai,” nga ai.

HPAJI NINGLI 9:2

Yawng mayawng a matu lam shagu maren byin nga ai: dinghpring ai wa hte tara n lang ai wa, kaja ai hte n kaja ai wa, san seng ai hte n san n seng ai wa, shagu hkungga nawng ya ai wa hte n nawng ya ai wa a matu, lam langai sha byin nga ai: kaja ai wa hte yubak kap ai wa, matsa mawa ga tsun ai wa hte, matsa mawa hkrit ai wa gaw, maren rai nga ma ai.

ESAIA 10:5

Asuri wa e, nye a pawt sindawng ai ri nang rai nga nna, nang lang ai hkawn, nye n-yun bu ai myit rai nga ai.

ESAIA 34:5

Kaning rai nme law, nye a nhtu gaw, sumsing lamu hta lu hkru nga ai; yu u, dai gaw Edom a ntsa e mung, ngai dagam ai amyu a ntsa e mung, ngai dagam ai amyu a ntsa e mung, ari jaw na matu du na ra ai.

ESAIA 57:1

Dinghpring ai wa gaw hten mat hkrum nna, kadai mung n nawn nga ai; matsan dum chye ai wa gaw, dawm la ai hkrum nna, dai wa gaw du na ra ai tsin-yam hpe lawt lu hkra, dawm la ai hkrum sai, nga nna kadai mung n myit ma ai:

YEREMIA 17:27

Rai timung nanhte gaw nye a ga n madat ai hte, laban nhtoi hpe n shachyoi shapra ai; dai nhtoi e Yerusalem mare chyinghka ni hta lit gun hpai jashawn nga ai rai yang gaw, dai mare chyinghka ni hpe ngai wan nat nna, dai wan gaw n krip ai, Yerusalem htingnu ni hpe hkru kau na ra ai, nga ai.

YEREMIA 21:13

Yehowa ning nga ai: Kadit e dung ai jan e, pa ga e nga ai lunghkrung e, ngai nang hpe hkap daw na nngai: anhte hpe kadai gasat dang lu na i? anhte a buga hta kadai shang lu na rai ta? nga nna nang tsun timung, nanhte a arawn alai hte maren, ngai nang hpe ari jaw na nngai; shi a maling hpe ngai wan nat nna, dai gaw shi a grup yin yawng mayawng hpe hkru kau na ra ai, nga nna Yehowa tsun ai.

YEREMIA 50:31

Zaw nawng zaw wa up ai Yehowa ning nga ai: Myit kaba ai wa e, “yu u, ngai nang hpe hkap daw na nngai; gaja wa, na a nhtoi, nang hpe shari ai aten du ra ai.

YEREMIA 51:20

Hpyen sumdu kaba e, nang gaw nye a hpyen gasat rai, rai nga ndai: nang hpe ngai lang nna, amyu baw ni hpe agrawp kau na nngai; nang hpe ngai lang nna, hkawhkam mungdan ni hpe jahten shabyak kau na nngai:

YEREMIA 51:25

Yehowa ning nga ai: jahten shabyak myit rawng nna, lamu ga ting hpe jahten shabyak ai bum e, yu u, ngai nang hpe hkap daw na nngai; ngai gaw, nye a lata na a ntsa e ladawn let, lunghkrung kaw nna, nang hpe galau jahkrat kau nna, hkru hkat mat ai bum nang hpe shatai na ndai.

EZEKELA 13:8

“Dai re ai majaw, Madu Yehowa ning nga ai: ‘Nanhte kaman lila ga tsun nna, masu ai shingran mu ai majaw, yu mu, ngai Madu Yehowa nanhte hpe hkap daw na nngai.

EZEKELA 14:17

“Bai ngai gaw, dai mungdan ntsa e ri nhtu shangun nna, ‘Ntawng nhtu e, ndai mungdan hta masha hte yamnga n nga lu hkra, dai hpe shaza kau u,’ nga nna ngai tsun yang,

EZEKELA 14:21

“Dai majaw Madu Yehowa ning nga ai: ‘Yerusalem mare hta na masha hte yamnga hpe shamyit kau na matu, ri nhtu hku wa, matse labye hte ana zinli ngu ai, yak la ai ari mali hpe de a ntsa e ngai shangun dat yang, dai hta grau nna yak wa na, n rai ni?

EZEKELA 21:19

“Dai rai nna, masha kasha e, myihtoi htoi let, lata kahpret u; nhtu gaw lahkawng masum lang kahtap du ra ai: dai gaw si hkra hkala kau na nhtu rai nga ai; shanhte hpe wang tawn nna, kaba ai wa hpe pyi, si hkra hkala kau ai nhtu rai nga ai.

EZEKELA 24:9

Dai re ai majaw, Madu Yehowa ning nga ai: Sai kap ai mare gaw dingnye lu u ga; wan mang kaba hpe ngai galaw na nngai.

EZEKELA 26:3

Madu Yehowa ning nga ai: Yu u, Turu mare e, ngai nang hpe hkap daw na nngai: nammukdara hta wa ai hka leng zawn, masha amyu law law hpe ngai nang hpang de shangun dat na nngai.

EZEKELA 29:10

yu u, nang hte na a hka nu ni hpe ngai hkap daw na nngai. Egutu mung hpe Sewene langchyi kaw nna, Hkusha lamu ga jarit du hkra, akrin akraw hte shingran katsi kau na nngai.

EZEKELA 5:12

Na a htam masum hta htammi ana zinli hte si wa nna, na a ka-ang e kawsi ai hte htum mat na mara ai; htammi gaw, na a grup yin e kahtam ai nhtu hte si wa na mara ai; htammi hpe nbung bung shagu de ngai shapoi kau na nngai: shanhte a hpang e nhtu hpe mung ngai naw shaw na nngai.

JAW JAU 26:25

Nye a ga shaka maga de nga nna nanhte hpe deng na ri nhtu, nanhte a ntsa de ngai shangun dat na we ai: nanhte a mare kata hkan e nanhte shinggyin rawng yang, dai hta ari zinli ngai shangun dat nna hpyen ni a lata de ap kau na made ai.

JAW JAU 26:33

Maigan amyu ni hta ngai nanhte hpe shabra kau nna, nhtu shada lang let hkan shachyut na made ai: nanhte a mung gaw akrin atsai rai mat nna, nanhte a mare ni mung nam tai mat na ra ai.

AMO LAIKA (AMOS) 5:6

Yehowa hpe hkan tam mu, shaloi nanhte hkrung nga na myit dai; shing n rai, shi gaw Yawsep a nta ntsa e wan zawn lung nna, kadai n sat lu hkra, Betela shara hpe hkru kau na ra ai, nga ai.

AMO LAIKA (AMOS) 7:4

Madu Yehowa ndai lam ngai hpe bai madun nngai: yu u, wan hte ari jaw na matu, Madu Yehowa wan shaga nna, dai gaw sung htum ai shara kaba hpe hkru kau nna, mungdaw hpe hkru magang nga ai.

NAHUM 2:13

Yu u, ngai nang hpe hkap daw nna, na a hpyen leng ni hpe wan hkut shatai na hte, nhtu gaw hkanghkyi uram ni hpe, shamyit kau na ra ai; nang amya sha lu na shan hpe, ga ntsa na ngai jahtum kau nna, na a kasa ni a nsen hpe htawm hpang de kadai na lu na n rai, nga nna Zaw nawng zaw wa up ai Yehowa tsun ai.

NAHUM 3:5

Yu u, ngai nang hpe hkap daw nna, na a labu hpe, na myi man ntsa e malu kau nna, maigan amyu ni hpe, na a singgu krin, hkawhkam mungdan ni hpe, na a kaya kahpa, madun dan na nngai.

ZEHPANI 2:12

“Hkusha masha ni e, nanhte mung nye a nhtu hte si na marin dai.

ZEHKARIA 13:7

“Nhtu e, rawt u: nye a sagu rem wa hte, nye a kanawn manang wa hpe, hkra u: sagu rem wa hpe anu sat nna, ‘sagu ni bra wa na mara ai; ngai gaw hkalung ni hpe, nye a lata hte maga da na nngai,’ nga nna Zaw nawng zaw wa up ai Yehowa tsun ai.