EZEKELA 20:9 - Jinghpaw Hanson Version Bible

⁹ Rai timung, shanhte nga ai maigan amyu ni a man e, nye mying ningsang jahpoi kau ai n hkrum hkra, de a matu ngai shakut sharang nna, maigan amyu ni a man e, shanhte hpe nye hkum shadan dan let, shanhte hpe Egutu mung na shaw woi wa nngai.”

Jinghpaw Common Language Bible 2009

⁹ Rai ti mung, shanhte shanu nga ai masha amyu ni a man e, nye a amying jahpoi kau n hkrum mat hkra, shanhte hpe Egutu mung kaw nna woi shapraw la na, Israela amyu masha ni hpe ngai tsun ndau ni ai.

EZEKELA 20:9 ပူးပေါင်းရင်းမြစ်များ

SHAKAWN KUNGDAWN 106:8

Rai timung, shi a daru magam dan hkung wa u ga, Shi mying nsang a matu, shi shanhte hpe hkye hkrang la mu ai.

PRU MAT 32:11

Mawshe chyawm gaw shi a Karai Kasang Yehowa hpe, “Yehowa e, nsam kaba hte n-gun rawng ai lata e Egutu mung na nang shaw wa ai na a amyu hpe hpa rai pawt bu nga n ta?

PRU MAT 32:12

Karai Kasang gaw myit magaw myit nna shanhte hpe nam mali hkan e sat kau ai hte ga ntsa na shanhte hpe shaprai kau na sha shaw wa wu ai, nga nna Egutu masha ni tsun shara hpa rai sharawng na rai ta? Na a pawt bu ai masin hpe shakawp la u; na a amyu hpe ning rai ari jaw na myit gaw kayin kau u.

ESAIA 48:11

Nye a marang e, rai sa, nye a marang e, ndai lam ngai galaw na nngai; nye a amying hpa majaw jahpoi ai hkrum na rai ta? nye a arawng sadang hpe kaga wa e ap ya na n rai.

EZEKELA 20:14

Rai timung, shanhte hpe shaw wa ai chyeju hpe mu ai maigan amyu ni a man e, nye a amying ningsang jahpoi kau ai n hkrum hkra, de a matu ngai shakut sharang nngai.

EZEKELA 20:22

Rai timung, shanhte hpe shaw wa ai chyeju hpe mu ai maigan amyu ni a man e, nye a amying ningsang jahpoi kau ai n hkrum hkra, de a matu ngai shakut sharang nna, nye a lata dawm la nngai:

EZEKELA 39:7

Shing rai, nye a chyoi pra ai mying ningsang hpe, Israela amyu ka-ang e ngai dan hkung shangun na nngai; htawm hpang e nye a amying ningsang awu asin hkrum na, ngai hkraw na n rai: ngai gaw Israela amyu a Chyoi pra ai wa ngu ai Yehowa rai nga ai hpe, maigan amyu ni chye lu na mara ai, nga ai.

TARA JAHPRANG 9:28

dai n rai yang, anhte hpe shaw wa ai mung na ni, Yehowa gaw shi a ga ndat jaw da ai mung de shanhte hpe n shawn lu wu ai majaw mung, nam mali hkan e sat kau na nga shanhte hpe shaw wa mu hka,’ nga na mara ai.

YAWSHU 2:10

Kaning rai nme law, Egutu mung na nanhte pru wa ai shaloi, Nawng Hkyeng hka hpe Yehowa shahkyet kau ai hte, Yawdan hka wora hkran e nanhte atsai awai hpya kau ai Amori hkawhkam Sihon yan Oga hpe nanhte di ai amu lam ni anhte na saga ai.

YAWSHU 7:9

Hkanani masha ni hte ndai mung na masha ni nlang ndai na na mara ai rai nna, anhte hpe sa wang nhtawm, anhte a mying hpe ga ntsa na shamyit kau ya na mara ai; dai rai nna na a galu kaba ai mying ningsang matu, kaning di na wu ta?” nga nna sa lajin wu ai.

1 SAMUELA 12:22

Yehowa gaw shi a ningsang mying hpe tau nna, shi a masha ni hpe n kau na wu ai: kaning rai nme law, nanhte hpe shi a amyu shatai da na matu, Yehowa ra da wu ai.

1 SAMUELA 4:8

anhte gaw n rai saga ai: ndai hpung shingkang rawng ai Hpara ni a lata na, anhte hpe kadai hkye lu na rai ta? nam mali hkan e, Egutu masha ni hpe ari zinli baw magup jaw ai gaw, Hpara ndai ni rai nga ma ai.