EZEKELA 2:4 - Jinghpaw Hanson Version Bible

⁴ Kashu kasha ni mung n kaw n law hte myit ja ai ni rai nga ma ai: ngai nang hpe shanhte hpang de shangun nna, nang gaw, ‘Madu Yehowa ning nga ai,’ ngu nna shanhte hpe tsun mu.

Jinghpaw Common Language Bible 2009

⁴ Shanhte gaw adu ja ai hte ngai hpe hkungga n chye ma ai, dai rai nna, Tsaw Htum ai Madu ngai nan shanhte hpe kaning ngu tsun nga ai lam, shanhte hpe htawn tsun na matu, ngai nang hpe shangun dat nngai.

EZEKELA 2:4 ပူးပေါင်းရင်းမြစ်များ

1 HKAWHKAM 22:14

Mihkaia gaw, “Yehowa hkrung nga ai hte maren, Yehowa ngai hpe tsun ai hte sha ngai htawn tsun na nngai,” ngu wu ai.

2 HKAWHKAM LABAU 30:8

Nanhte a nji nwa ni zawn du ja ai amyu hkum tai myit; Yehowa man e myit nem nna, shi a pawt sindawng kahtet ai myit gaw, nanhte kaw na lai mat wa u ga, shi prat dingsa e shi a matu shachyoi shapra da ai nawku Htingnu de shang nna, nanhte a Karai Kasang Yehowa hpe daw jau mu.

2 HKAWHKAM LABAU 36:13

Karai Kasang a amying gang let shi hpe dagam shangun ai hkawhkam Nebuhkadneza hpe mung shi gumlau nna, Israela Karai Kasang Yehowa hpang de myit n kayin u ga, shi a du hpe mung, myit masin hpe mung, shaja da wu ai.

SHAKAWN KUNGDAWN 95:8

Meriba hte, nam e nga ai Masa a makau na zawn, Nanhte a myit masin hpe hkum shaja myit.

GA SHAGAWP 21:29

Tara n lang ai wa gaw, tinang myi man hpe jahtat nga ai; Myit malang ai wa gaw, tinang lam hpe shagrin da nga ai.

ESAIA 48:4

Nang gaw je hpre ai wa rai nna, na a du lasa ni ahpri, na a lahtan gaw magri rai nga ai hpe, ngai chye nngai majaw,

YEREMIA 1:7

Yehowa chyawm gaw, “Ngai ma naw rai nga nngai, nga nna hkum tsun et; kadai hpang de mung ngai nang hpe shangun yang, nang sa na ndai; ngai nang hpe htet da mada nang tsun na ndai.

YEREMIA 3:3

Dai re ai majaw lanam n shang ai hte, hpang shadoi na marang mung, n htu hkraw ai; nang chyawm gaw shawa num a lahtan htan nna, man htat mat nit dai.

YEREMIA 36:21

Shing rai hkawhkam wa gaw dai laika katsu sa la na matu, Yehudi hpe shangun dat nna, shi gaw dai hpe chyare wa Elishama gawk na shaw la nhtawm, hkawhkam wa hte shi a makau e tsap nga ai du salang ni mahkra a man e hti wu ai.

YEREMIA 5:3

Yehowa e, na a myi kangka lam hpe tau yu nga ai, n rai ni? Nang shanhte hpe kayat timung, shanhte hpa n nawn ma ai; shaza kau timung, sharin achyin ai n hkam hkraw ma ai: tinang a myi man hpe nlung hta grau shaja ma ai; shanhte bai wa na, n hkraw ma ai.

YEREMIA 6:15

Shanhte gaw matsat shabat amu galaw nhtawm, kaya nga ma ni? gaja wa, n kaya nga ma ai, myi man mung n sum ma ai; dai rai nna shanhte gaw kataw ai ni hte rau, kataw na mara ai; ngai shanhte hpe kawan katsan yu ai aten e, shanhte jahkrat kau ai hkrum na mara ai,” nga nna Yehowa tsun ai.

YEREMIA 8:12

Shanhte gaw matsat shabat amu galaw nhtawm, kaya nga ma ni? gaja wa, n kaya nga ma ai, myi man mung n sum ma ai; dai rai nna shanhte gaw kataw ai ni hte rau, kataw na mara ai; ngai shanhte hpe kawan katsan ai aten e, shanhte jahkrat kau ai hkrum na mara ai,” nga nna Yehowa tsun ai.

EZEKELA 3:11

Bawng dung hkrum ai, na a baw sang ni hpang de sa nhtawm, Madu Yehowa ning nga ai, ngu nna, shanhte madat timung, n madat timung, hkaw tsun u,” nga nna ngai hpe tsun ai.

EZEKELA 3:27

Rai timung, ngai nang hpe ga tsun yang na a n-gup hpe ngai hpaw nna, nang gaw, ‘Madu Yehowa ning nga ai,’ ngu nna shanhte hpe hkaw tsun na rai ndai: madat ai wa gaw madat u ga, n madat ai wa gaw n madat nga u ga; shanhte gaw gumlau ai amyu rai nga ma ai, nga ai.”

EZEKELA 3:4

Bai shi gaw, “Masha kasha e, Israela masha ni hpang de pru sa nna, nye a ga shanhte hpe hkaw tsun mu.

EZEKELA 3:7

Israela amyu chyawm gaw, na a ga hpe madat na n rai; nye a ga hpe pyi n madat ma ai; Israela amyu ting, man htat ai hte myit ja ai amyu rai nga ai.

AMO LAIKA (AMOS) 7:15

Yehowa mahtang sagu hpung de na ngai hpe lata la nna, Sa su, nye a amyu Israela hpe myihtoi htoi u, nga nna ngai hpe hkang dat ai.

ZEHKARIA 7:12

Gaja wa, jep ai tara a ga hpe mung, moi na myihtoi ni a n-gup hte, Zaw nawng zaw wa up ai Yehowa a Wenyi shangun dat ai mungga hpe mung, n na la lu hkra, shanhte gaw tinang a myit masin hpe, nhpai lung zawn shaja nga ma ai: dai re ai majaw, Zaw nawng zaw wa up ai Yehowa kaw na, sindawng kahtet ai tsin-yam kaba pru nga ai.

MAHTE 10:16

Yu mu, chyahkyawn ni a ka-ang de sagu hpe zawn, ngai nanhte hpe shangun dat made ai: dai rai nna nanhte gaw; lapu zawn hpaji rawng nna, hkrudu zawn myit shingdi nga mu.

TARA JAHPRANG 10:16

Dai re ai majaw na a myit masin a matu gadoi kau u, htawm hpang de du hkum ja nit.

TARA JAHPRANG 31:27

Kaning rai nme law, nang hta gumlau ai myit hte du ja ai myit rawng lit dai gaw ngai chye nga nngai; yu mu, ngai hkrung nga ai hte nanhte kaw naw nga nga yang pyi, nanhte Yehowa hpe gumlau manit dai; ngai si ai hpang dai hta grau nna gumlau na ni, n rai myit ni?