EZEKELA 2:3 - Jinghpaw Hanson Version Bible

³ Shaloi shi gaw, “Masha kasha e, ngai hpe gumlau ai amyu ngu ai, dai ni du hkra kaji kawa ni hte hpawn ngai hpe tut gumlau nna, shut hpyit nga ai Israela kashu kasha ni hpang de ngai nang hpe shangun dat na nngai.

Jinghpaw Common Language Bible 2009

³ “Si chye ai masha wa e, ngai gaw nang hpe Israela amyu masha ni hpang de shangun dat nga nngai. Shanhte gaw ngai hpe gumlau nna hpyen tai ma ai, shanhte a kaji kawa ni zawn ya du hkra naw gumlau ma ai.

EZEKELA 2:3 ပူးပေါင်းရင်းမြစ်များ

2 HKAWHKAM 17:14

Shanhte mahtang n madat mara nga ai hte, Karai Kasang Yehowa hpe n kam n sham nga ai, tinang a kaji kawa ni hte maren, tinang du shaja nga ma ai.

2 HKAWHKAM 17:15

Yehowa gaw shanthe a kaji kawa ni hte tawn da ai matsun maroi ga hte ga shaka hpe mung, shanhte hpe hkam ya ai sakse ga hpe mung, shanhte kau da ai hte, sawse lawklek ai lam hkan let myit kaba wa nna Yehowa hkum da ai grup yin e nga ai maigan amyu ni a arawn alai hpe, hkan shachyut nga ma ai.

EZRA 9:7

Anhte a ji wa ni a aprat kaw nna, dai ni du hkra, anhte mara nachying wa kap saga ai: anhte tawt lai kau ai amu majaw, dai ni hkrum nga ai zawn, anhte mung, anhte a hkawhkam ni hte hkinjawng ni gaw, ri nhtu, bawng rim wa ai, hpya lu hpya sha ai hte myi man sum ai hkrum sha na matu, maigan mungdan hkawhkam ni a lata hta ap kau ai hkrum ma ai.

NEHEMIA 9:26

“Rai timung, shanhte n madat nga ma ai hte, nang hpe gumlau let, na a tara hpe shingdu kayin kau ai hte, nang hpang de kayin wa na matu, na a lam sakse hkam ya ai, na a myihtoi ni hpe, sat kau nna, grai wa shut hpyit nga ma ai.

SHAKAWN KUNGDAWN 106:28

Bala Peura hpe shanhte manoi nna, Si ai wa hpe nawng ai hkungga sha ma ai.

ESAIA 30:1

Yehowa ning nga ai: gumlau ai kashu kasha ni gaw dingnye lu ma ai: shanhte gaw ngai hta n hpa ai bawng yu nna, yubak kahtap hkra, nye a Wenyi n lawm ai, ga shaka tawn da ma ai:

YEREMIA 1:7

Yehowa chyawm gaw, “Ngai ma naw rai nga nngai, nga nna hkum tsun et; kadai hpang de mung ngai nang hpe shangun yang, nang sa na ndai; ngai nang hpe htet da mada nang tsun na ndai.

YEREMIA 3:25

Anhte gaw kaya la let kaleng taw nna, anhte a mak mat ai gaw, anhte hpe ka-up u ga; kaning rai nme law anhte gaw, ram prat kaw nna dai ni du hkra, ji wa ni hte rau, anhte a Karai Kasang hpe yubak galaw saga ai: anhte gaw, anhte a Karai Kasang Yehowa a nsen hpe n madat ga ai, nga ma ai.

YEREMIA 44:20

Shaloi Yeremia gaw, ndai lam shi hpe htan ya ai numsha, lasha mahkra hpe,

YEREMIA 44:21

Nanhte hte nanhte a nji nwa ni, nanhte a hkawhkam ni, du salang ni hte mung masha ni gaw, Yuda mare ni hte Yerusalem mare lam ni hta, nat nawng ai manam pyaw ai baw hpe, Yehowa malap mali kau nna, n matsing da na a ni?

EZEKELA 17:12

“Gumlau chye ai amyu hpe tsun u, ‘Ndai ga lachyum nanhte n chye na nga myit ni?’ shanhte hpe tsun u: ‘Babelon hkawhkam gaw Yerusalem mare de du nna, Yerusalem hkawhkam hte de a agyi salang ni hpe rim la nna, Babelon mare de woi wa manu ai:

EZEKELA 24:3

Gumlau chye ai amyu hpe, ‘Madu Yehowa ning nga ai, ngu nna ga shadawn hku htawn tsun u: Di hpe dun u, dun u; ntsin ru bang u;

EZEKELA 40:4

Shaloi dai wa gaw, “Masha kasha e, mada yu u, na la u, ngai nang hpe madun na ra ai yawng hpe matsing u: nang hpe madun na matu, ndai shara de woi wa ni ai: nang mu mamu Israela dap hpe shana ya u,” nga nna ngai hpe tsun ni ai.

AMO LAIKA (AMOS) 7:15

Yehowa mahtang sagu hpung de na ngai hpe lata la nna, Sa su, nye a amyu Israela hpe myihtoi htoi u, nga nna ngai hpe hkang dat ai.

MALAHKI 3:7

Nanhte gaw, nji nwa ni a prat kaw nna, nye a matsun maroi ga n hkan ai, kau da manu ai. Ngai hpang de nhtang wa marit, shaloi ngai nanhte hpang de nhtang wa na nngai, nga nna Zaw nawng zaw wa up ai Yehowa tsun ai. Nanhte mahtang, Anhte kaning rai nhtang wa na rai ta? nga nna tsun myit dai.

BU HKAWM 20:10

Shing rai Mawshe yan Arun gaw dai shawa hpawng hpe, dai lunghkrung a man e jahpawng tawn nhtawm, “Gumlau masha ni e, madat mu: an nanhte a matu dai nlung hta na ntsin shapraw jaw na rai nga ga ni? nga nna shanhte hpe tsun let,

KASA 7:51

Du ja nna, masin hte ana hpe matu n gadoi ai ni e, nanhte galoi mung Chyoi pra ai Wenyi hpe hkap daw myit dai; nanhte a nji nwa ni galaw ai zawn, nanhte mung a galaw nga myit dai.

ROMA 10:15

n shangun dat yang gaw, shanhte kaning rai hkaw tsun dan lu na ma ta? Dai hte maren, Mai kaja ai lam kabu gara shiga hkaw tsun dan ai ni a sat lagaw ni gaw, gade wa tsawm nga malu hka! nga nna ka da nga ai.

TARA JAHPRANG 9:24

Ngai she mu mu ai kaw nna nanhte Yehowa hpe gumlau hkrai gumlau myit dai.

TARA JAHPRANG 9:27

na a mayam Abraham, Isak, Yaku hte hpe naw dum nga u: dai amyu a du ja ai, n shawp ai hte yubak mara hpe hkum dum ya et: