EZEKELA 19:2 - Jinghpaw Hanson Version Bible

² Na nnu kadai rai ta? Hkanghkyi kanu rai nga ai: shi gaw hkanghkyi hpung hta hpum nga ai; hkanghkyi hkalung ni hta, tinang a kasha ni hpe kaba wa shangun wu ai.

Jinghpaw Common Language Bible 2009

² Na a nnu gaw kaning re ai hkanghkyi kanu rai a hka! Shi gaw shi a hkalung ni hpe grai matse ai hkanghkyi la ni a lapran e bau kaba nga ai.

EZEKELA 19:2 ပူးပေါင်းရင်းမြစ်များ

YOBA 4:11

Shahpa n nga ai majaw, hkanghkyi dingla si mat nna, hkanghkyi kanu a kasha ni bra mat masai.

SHAKAWN KUNGDAWN 58:6

Karai Kasang e, shanhte a n-gup hta na wa baw kau ya mu; Yehowa e, hkanghkyi ni a kawng, daw kau ya mu.

ESAIA 5:29

shanhte a shabam ai nsen gaw, hkanghkyi yi a nsen hte bung nna, hkanghkyi hkalung zawn shabam na mara ai; rai sa, shanhte garu shabam let tinang shahpa hpe magra la na mara ai rai nna, hkye mawai la ai wa n nga ai majaw, dai hpe hpai la kau na mara ai.

EZEKELA 19:1

“Dai hta n-ga, Israela hkawhkam kasha ni a matu, sharung shayawt let tsun u:

EZEKELA 19:3

Shi kaba wa shangun ai kasha langai mi gaw, hkanghkyi uram tai wa sai; shi gaw shan hpe chye tam ai; masha hpe mung kawa sat chye ai.

EZEKELA 32:2

“Masha kasha e, Egutu hkawhkam Hpara-u a matu sharung shayawt nna, shi hpe htawn tsun u: Nang gaw maigan amyu ni hta hkanghkyi uram zawn rai nga ndai; rai timung, hka kaba na baren hte sha nang bung ndai; nang gaw na a hka shi hka gai ni hta hpung-yawt hkawm nna, na a lagaw hte, de a hka hkawng ni hpe kapun hkanu shangun ndai.

ZEHKARIA 11:3

Sagu rem ni a daru magam yu mat ai majaw, shanhte sharung shayawt ai nsen sharawt ma ai; Yawdan hka a gumrawng gumtawng shara hten mat ai majaw, hkanghkyi hkalung ni a shabam ai nsen ngoi nga ai.

TARA JAHPRANG 33:22

Dan hpe gaw, Dan gaw hkanghkyi kasha rai nga ai rai nna, Bashan mung na htim na ra ai.