EZEKELA 18:9 - Jinghpaw Hanson Version Bible

⁹ kangka re ai amu shachyen lu hkra, nye a matsun maroi ga hpe dum nna, ngai hkang da ai ga hpe hkan nang ai rai yang, dai wa gaw dinghpring nga nna, gaja wa teng teng hkrung nga na ra ai,” nga nna Madu Yehowa tsun ai.

Jinghpaw Common Language Bible 2009

⁹ Dai zawn re ai myit rawng ai wa gaw nye a hkang da ai ga ni hpe hkan nna nye a tara ni hpe sadi sahka ai myit hte shadik shatup ya nga ai. Shi gaw ding hpring nga nna asak hkrung nga lu na ra ai,” ngu nna Tsaw Htum ai dai Madu tsun ai.

EZEKELA 18:9 ပူးပေါင်းရင်းမြစ်များ

1 HKAWHKAM 9:4

Nang chyawm gaw, na nwa Dawi zawn, ngai nang hpe hkang da mada hte hpe hkum tsup nna, dinghpring ai myit hte hkan galaw nga ai hte, nye a matsun maroi ga mung, tara tawn da ai lam ni hpe mung, hkan shatup nga n yang gaw,

GA SHAGAWP 12:28

Dinghpring ai lam gaw, asak hkrung ai lam rai nga ai; Dai lam hku hta si hkrung si htan n nga ai.

EZEKELA 18:10

“Rai timung, dai wa a kasha gaw, damya wa, masha sat ai wa, shawng de tsun ai yubak langai ngai galaw nna,

EZEKELA 18:17

nni nkri hkrum ai wa hpe n sharu, amyat hte gumhpraw n hkoi ya ai sha, nye a tara ga shatup nna, hkang da ai matsun maroi ga hkan nga ai rai yang, dai wa gaw kawa a yubak majaw si wa na n rai, shi teng teng hkrung nga na ra ai.

EZEKELA 18:19

“Nanhte mahtang, ‘Ataw, kasha gaw, kawa a yubak hpe, hpa majaw n hkam na rai ni?’ nga nna san yang, Kasha gaw tara hkan nna, dinghpring ai amu galaw let, nye a matsun maroi ga mahkra hpe hkan shatup ai majaw, shi gaw teng teng hkrung nga na ra ai.

EZEKELA 20:11

Dai yang e ngai shanhte hpe nye a matsun maroi ga jaw da nna, nye a tara dara ai lam madun dan nngai: dai gaw hkan nang ai wa a hkrung nga na lam rai nga ai.

EZEKELA 20:13

Rai timung, Israela dap gaw nam mali hkan e ngai hpe gumlau nga ai: shanhte gaw nye a matsun maroi ga hpe n hkan, nye a tara dara ai lam hpe kau da ma ai: dai lam ni chyawm gaw hkan nang ai wa a hkrung nga na lam rai nga ai; nye a laban nhtoi ni hpe mung shanhte grau awu asin di kau mu ai. Dai rai nna, shanhte hpe shamyit kau na matu, nye a pawt bu ai hpe, nam mali hkan e shanhte a ntsa e ru dat na, ngai tsun nngai.

EZEKELA 33:15

tang da ai arai hpe hkin ya, kashun la ai arai hpe nhtang ya nna, adip arip n galaw ai sha, hkrung ai lam hte seng ai tara hpe hkan yang, si na n rai, teng teng hkrung nga na ra ai.

EZEKELA 36:27

Nanhte a kraw lawang e nye a Wenyi hpe ngai bang ya nna, nye a matsun maroi ga hpe hkan shangun na nngai: shing rai nanhte gaw nye a hkang da ai ga hpe hkan galaw nna shatup na marin dai.

EZEKELA 37:24

Shaloi nye a shangun ma Dawi shanhte a hkawhkam tai nna, shanhte yawng sagu rem wa langai sha lu na mara ai; nye a hkang da ai ga hpe shanhte hkan nang nna, nye a matsun maroi ga hpe hkan shatup na mara ai.

JAW JAU 18:5

Dai rai nna, ngai jaw tawn ai tara lam hte ga matsun hpe nanhte hkan nang lu na rai myit dai: dai hte hpe hkan shatsup ai wa gaw de a marang e asak hkrung na rai: ngai gaw Yehowa rai nga nngai.

AMO LAIKA (AMOS) 5:14

Nanhte ahkrung nga lu hkra, kaja ai hpe tam mu; n kaja ai hpe koi kau mu; dai rai yang, nanhte tsun ai hte maren: Zaw nawng zaw wa up ai Karai Kasang Yehowa, nanhte hte rau nga na ra ai.

AMO LAIKA (AMOS) 5:24

Tara malang ai lam hka zawn, dinghpring ai lam tut lwi ai hka nu zawn, lwi nga u ga.

AMO LAIKA (AMOS) 5:4

Bai Yehowa gaw Israela dap hpe, Ngai hpe hkan tam mi, shaloi nanhte hkrung nga na myit dai;

HABAKU 2:4

Yu u, dai wa gaw, myit tsaw myit dap rai nga ai: shi a myit malang nga ai, n rai: dinghpring ai wa chyawm gaw, shi a kamsham ai hte hkrung nga lu na ra ai.

LUKA 1:6

Dai yan gaw, Madu a jep ai tara hte hkang da mada yawng hpe htep lahti hkan nang ma ai rai nna, Karai Kasang a man e dinghpring ai yan rai nga ma ai.

YAWHAN 14:21

Nye a ga matsun lu la nna hkan shatup ai wa gaw, ngai hpe tsawra ai wa rai nga ai: ngai e tsawra ai wa hpe, nye Wa mung tsawra na wu ai: ngai mung dai wa hpe tsawra ai hte, ngai hkum nan shi e shadan dan na we ai,” ngu nna shi hpe tsun wu ai.

KASA 24:16

Dai rai nna, Karai Kasang a man e mung, masha a man e mung, ra n rawng ai sha tutnawng myit mang san pra nga lu hkra, a shaja nga nngai.

ROMA 1:17

Dai hta kaga, Dinghpring ai wa gaw kamsham ai hte hkrung nga lu na ra ai, nga nna ka da nga ai hte maren, kamsham ai hte lu la nna kamsham ai de ang wa ai, Karai Kasang a dinghpring ai lam hpe, dai hta e shadan dan nga ai.

ROMA 8:1

Dai re ai majaw ya gaw, Hkristu Yesu hta e nga ai ni a matu mara, dawdan shara n nga ai.

TARA JAHPRANG 11:1

Dai re ai majaw nang gaw na a Karai Kasang Yehowa hpe tsawra let, shi a ga madat hte matsun maroi, dawdan ai tara hte hkang da ai ga ni hpe hkan shatup nga na rai ndai.

TARA JAHPRANG 4:1

Ya, Israela amyu e, nanhte asak hkrung nga lu nna, nanhte a nji nwa ni a Karai Kasang Yehowa nanhte hpe jaw da ai mungdan hta shang madu sha lu hkra, nanhte hkan shatsup nga na matu ngai sharin achyin da ai matsun maroi ga hte hkang da ai tara ga hpe madat mara la mu.

TARA JAHPRANG 5:1

Shaloi Mawshe gaw Israela kashu kasha ni nlang hte hpe shaga nna, “Israela amyu e, dai ni ngai nanhte hpe shana da ai matsun maroi ga hte hkang da ai tara ga hpe sharin la nna hkan nang lu hkra sadi nga na matu, madat mara la maru.

TARA JAHPRANG 6:25

Dai rai nna, anhte a Karai Kasang Yehowa anhte hpe hkang da sai hte maren, ndai hkang da sai matsun maroi ga nlang shi a man e hkan shatsup ga yang gaw, anhte a dinghpring ai tai na rai nga ai,’ ngu nna tsun dan na rai ndai.

1 YAWHAN 2:29

Shi gaw dinghpring nga ai hpe nanhte dum nga myit yang gaw, dinghpring ai amu galaw ai wa kadai rai timung, shi e shangai dat ai wa rai nga ai, nanhte chye nga myit dai.

1 YAWHAN 3:7

Shu sha ni e, kadai mung nanhte hpe lam n shadam myit ga: shi gaw dinghpring nga ai hte maren, dinghpring ai amu galaw ai wa kadai mung, dinghpring nga ai.