EZEKELA 18:4 - Jinghpaw Hanson Version Bible

⁴ Yu mu, myit masin yawng hpe ngai madu nga nngai; kaji kawa a myit masin hpe ngai madu ai zawn, kashu kasha a myit masin hpe mung madu na nngai: yubak galaw ai myit masin gaw, si na ra ai.

Jinghpaw Common Language Bible 2009

⁴ Ngai gaw masha shagu a asak hpe madu nngai. Kanu kawa a asak hpe mung, kashu kasha a asak hpe mung madu nngai. Yubak galaw ai wa chyawm gaw si na ra ai.

EZEKELA 18:4 ပူးပေါင်းရင်းမြစ်များ

2 HKAWHKAM 14:6

rai timung, Kasha ni a majaw kawa, kawa a majaw kasha ni si ai hkrum lu na, n rai; kadai mung tinang a mara hte sha si ai hkrum lu na rai nga ai, nga nna Mawshe a tara laika hta ka da ai hku hkan nna, Yehowa hkang da ai hte maren, shi a kawa hpe sat kau ai ni a kashu kasha ni hpe sat kau mu ai, n rai.

YOBA 21:20

Shi hten byak hkrum ai hpe shi myi nan mu lu nna, n-gun chyalai rawng ai wa a pawt bu ai hpe shi lu nga u ga.

YOBA 8:4

Na nshu nsha ni shi hpe shut hpyit kau nna, shi shanhte hpe tinang a yubak hta ap kau timung,

ESAIA 42:5

Sumsing lamu hpe hpan nna kahpyan da ai wa, ginding aga hte dai hta nga manga hpe nep da ai wa, de a ntsa e nga ai amyu ni hpe asak, dai hta hkawm nga ai ni hpe wenyi jaw ai wa, Karai Kasang Yehowa ning nga ai:

ESAIA 57:16

Ngai gaw tutnawng dangrang hkat na n rai, tutnawng pawt sindawng na n rai; shing n rai yang, wenyi gaw nye a man e mat mat nna, ngai hpan da ai myit masin gaw, hten mat hkrum na ra ai.

YEREMIA 31:30

Langai hte langai tinang a yubak majaw si na ra ai; hkri ai tsabyi si sha ai wa kadai mung, wa makrim ai hkrum na ra ai.

EZEKELA 18:20

Yubak galaw ai myit masin gaw, si na ra ai: kasha gaw kawa a yubak hpe, kawa gaw kasha a yubak hpe, hkam na, n rai; dinghpring ai wa a dinghpring ai gaw, shi a ntsa e, tara n lang ai wa a tara n lang ai gaw, shi a ntsa e, mara na ra ai.

EZEKELA 18:3

Madu Yehowa ning nga ai: Ngai hkrung nga ai hte maren, htawm hpang de Israela mungdan hta, dai ga malai tsun shara n nga na sai.

EZEKELA 18:5

Masha langai ngai dinghpring nga nna, tara dara ai hte dinghpring ai hku shatup ai rai yang,

EZEKELA 3:18

Ngai gaw tara n lang ai wa hpe, Nang teng teng si na ndai, nga nna shi hpe tsun ninglen, nang shi hpe n shadum, tara n lang ai wa asak lawt na matu, nang shi hpe lam madun ai ga n tsun ai nga yang, dai tara n lang ai wa gaw, tinang a yubak hta si wa na ra ai: shi a asai chyawm gaw, na a lata na ngai hpyi la na nngai.

EZEKELA 33:8

Ngai gaw tara n lang ai wa hpe, Tara n lang ai wa e, nang teng teng si lu na ndai, ngu nna tsun yang, nang dai wa hpe, shi a lam na nhtang wa hkra, n shadum yang, tara n lang ai wa gaw shi yubak hta si wa timung, shi a asai hpe na a lata na ngai hpyi la na nngai.

ZEHKARIA 12:1

Israela amyu hpe sha-ang ai, Yehowa a shingran mungga, da ndai rai nga ai: Sumsing lamu hpe kahpyan nna, ginding aga a npawt nhpang gaw da ai hte, masha a kraw kata e, wenyi hpan da ai Yehowa gaw, ning nga ai:

BU HKAWM 16:22

Shan chyawm gaw dingnyawm dagup let, “Karai Wa e, hkrung mahkrung a asak sumri shum ai Karai Kasang e, masha langai mi shut ai a majaw sha shawa hpung ting hpe masin pawt nga wu ni?” ngu nna hpyi nem mu ai.

BU HKAWM 27:16

“Yehowa a shawa hpung gaw madu n nga ai sagu zawn n rai mu ga, hkrung mahkrung a asak wenyi sumri shum ai Karai Kasang Yehowa gaw,

ROMA 6:23

Kaning rai nme law, yubak a shabrai gaw si mat ai rai nga ai; Karai Kasang a chyeju kumhpa chyawm gaw, anhte a Madu Hkristu Yesu hta e, htani htana asak rai nga ai.

GALATI 3:22

Ya chyawm gaw, Yesu Hkristu hta e rai nga ai makam masham hte seng ai ga ndat gaw, kamsham ai ni hpe jaw ya lu mu ga, Chyum laika gaw yawng mayawng hte hpe yubak a npu e rawng da nu ai.

TARA JAHPRANG 24:16

Kasha ni a majaw kawa, kawa a majaw kasha si ai hkrum lu na n rai: kadai mung tinang a mara hte sha si ai hkrum lu na rai nga ai.

HEBRE 12:9

Bai lam mi gaw, anhte hpe daru sharin ya na matu, hkum shan hte seng ai kanu kawa anhte lu ga ai rai nna, anhte shanhte hpe hkungga lara di ga ai: dai hta grau nna, asak hkrung nga lu hkra, wenyi ni a Kawa npu e anhte mai taw nga ga ai, n rai ni?