EZEKELA 17:5 - Jinghpaw Hanson Version Bible

⁵ Dai mung na nli hpe mung shi la nna, sau ai lamu ga hta gat da wu ai; hka law ai na lawk hta shi dai hpe ban da nna, mu mahka hpun zawn hkai da wu ai.

Jinghpaw Common Language Bible 2009

⁵ Dai hpang, shi gaw Israela mungdan na hkai bawng baw la nna dai hpe ga sau rawng nhtawm tu kaba wa shangun na hka tut nawng jaw ya lu ai shara hta hkai da wu ai.

EZEKELA 17:5 ပူးပေါင်းရင်းမြစ်များ

2 HKAWHKAM 24:17

Bai Babelon hkawhkam gaw, Yehoiahkin a kawa doi Matania hpe, Yehoiahkin a malai hkawhkam shatai wu ai rai nna, shi a amying hpe Zedekia, ngu nna lai ya wu ai.

ESAIA 15:7

Dai re ai majaw shanhte gaw tinang lu ai sutgan hte, mahkawng da ai arung arai ni hpe, mu mahka hpun hkaraw lai hkra la mat wa na mara ai.

ESAIA 44:4

shanhte gaw hka hkawng makau na mu mahka hpun zawn, tsingdu hte rau tu na mara ai.

YEREMIA 12:2

Nang shanhte hpe hkai da nna, shanhte ru jung ma ai; shanhte kaba wa nna asi si ma ai: nang gaw shanhte a n-gup hte ni nna, shanhte a myit masin hte tsan nga ndai.

YEREMIA 37:1

Babelon hkawhkam Nebuhkadneza gaw, Yoshia kasha Zedekia hpe, Yuda mung hta hkaw3 hkam shatai ai majaw, shi gaw Yehoiakim a kasha Hkonia malai hkaw dung nga ai.

EZEKELA 17:13

hkawhkam amyu masha langai mi hpe mung shi la nna, shi hte, ga shaka tawn da wu ai; dai mungdan gaw n-gun kya nna, n gumlau lu na hte,

EZEKELA 17:4

tsaw htum ai makrung ni hpe di la nna, hpaga ga ai mare de hpai wa nhtawm, rai dut sha ai ni a mare hta tawn da wu ai.

EZEKELA 17:6

Dai gaw anem sha hkrawn ai tsabyi ru zawn tu nna, de a lakung lakying ni gaw langda nga ai de hkrawn wa nna, shi a npu e ru jung wa ai: shing rai dai gaw, lakung lakying kying ai hte makrung krung ai tsabyi ru tai wa sai.

EZEKELA 31:4

Ahka majaw dai kaba wa nna, sung ai hka majaw tsaw la wa ai; hka shi hka gai ni de a grup yin e lwi nga ma ai; de a hka hkawng ni pa ga na hpun mahkra hpang de lwi bra nga ai.

EZEKELA 31:5

Dai re ai majaw de a shing-yan gaw pa ga na hpun ni mahkra hta grau tsaw nga ai; de a lakung ni law htam wa nna, hka law law nga ai majaw, galu ai lakying ni tu ma ai.