EZEKELA 16:4 - Jinghpaw Hanson Version Bible

⁴ Nang shangai wa ai shani e, na shadai hpe kadai n daw, nang hpe kashin shatsawm na wa n nga, jum hte nang hpe n arut, sanen hte n kayawp ma ai;

Jinghpaw Common Language Bible 2009

⁴ Nang shangai wa ai shaloi, na a shadai sumri hpe kadai n daw, nang hpe kashin shatsawm na n nga, jum hte nang hpe arut na n nga, nang hpe sanen hte kadai n kayawp ma ai.

EZEKELA 16:4 ပူးပေါင်းရင်းမြစ်များ

NINGPAWT NINGHPANG 15:13

Shaloi Yehowa Abram hpe tsun wu ai gaw, “Da ndai chye da nga u: na a kashu kasha ni gaw, shanhte hte n seng ai mung hta manam sa tai nga na mara ai rai nna, dai mung na masha ni a yam sha ai hte zingri zingrat ai hpe mali tsa ning tup hkrum nga na mara ai:

SHARUNG SHAYAWT 2:20

Yehowa e, yu u; nang kadai hpe ningrai galaw yu ga ai, sumru yu u; Num gaw, tinang nshang na hkrat nna, tinang pawn ai kasha hpe sha lu na rai ni? Hkinjawng hte myihtoi wa gaw, Madu a chyoi pra ai nta hta sat kau ai hkrum mai na rai ni?

SHARUNG SHAYAWT 2:22

Ndat da ai poi shani hta, masha ni hpe shaga ai zawn, nang nye a grup yin e hkrithpa hpe shaga tawn nu ai; Yehowa a pawt bu ai shani e kadai mung n lawt, kadai mung ngam nga lu ai n rai: Ngai pawn ba nna kaba wa shangun ai ni hpe, hpyen wa gaw shamyit kau nu ai.

EZEKELA 16:3

‘Madu Yehowa Yerusalem mare hpe lakap nna ning nga ai: Na a daju hte dai daw ai shara Hkanan mung hta rai nga ai: Na nwa gaw Amori masha, nnu gaw Hiti num rai nga ai.

EZEKELA 20:13

Rai timung, Israela dap gaw nam mali hkan e ngai hpe gumlau nga ai: shanhte gaw nye a matsun maroi ga hpe n hkan, nye a tara dara ai lam hpe kau da ma ai: dai lam ni chyawm gaw hkan nang ai wa a hkrung nga na lam rai nga ai; nye a laban nhtoi ni hpe mung shanhte grau awu asin di kau mu ai. Dai rai nna, shanhte hpe shamyit kau na matu, nye a pawt bu ai hpe, nam mali hkan e shanhte a ntsa e ru dat na, ngai tsun nngai.

EZEKELA 20:8

Shanhte chyawm gaw, nye a ga n madat mara ai hte, ngai hpe gumlau nga ma ai; shanhte langai hte langai tinang yu ra ai matsat shabat amu ni hpe mung, Egutu mung na hpara ni hpe mung, n kau da ma ai. Dai rai nna ngai gaw, ‘Nye kahtet ai myit shanhte hta shakawp na matu, Egutu mung ka-ang e, shanhte a ntsa de, nye pawt bu ai hpe, ru dat na nngai,’ nga nna tsun nngai.

HOSEA 2:3

Nanhte a nhpu nnau ni hpe, Ami, nanhte a nna njan ni hpe, Ruhama, ngu nna shaga mu.

HOSEA 2:5

shing n rai yang, shi a hpun palawng ngai raw kau nna, shi shangai ai shani zawn, singgu krin shatai na we ai; zaibru jang zawn ngai shi hpe shakrin kau nna, hkun hkraw ai ga zawn, jahti da nhtawm, hpang kara ai hte sat kau na we ai.

LUKA 2:12

nanhte a matu kumla ndai rai na ra ai: ma chyangai langai mi nbat hte kayawp nna ushat wakang hta kaleng taw nga ai gaw, nanhte mu na marin dai,” ngu nna shanhte hpe tsun mu ai

LUKA 2:7

shi gaw shadang sha alat shangai wa sai: nbat hte kayawp nhtawm, ushat wakang hta kaleng tawn da wu ai; kaning rai nme law, manam jarawp hta shanhte a matu nga shara n nga malu ai.

TARA JAHPRANG 15:15

Egutu mung e nang mayam tai yu nit dai mung, na a Karai Kasang Yehowa nang hpe hkrang la nit dai mung, nang dum lu na rai ndai: dai re ai majaw ndai lam, dai ni ngai nang hpe hkang da de ai.

TARA JAHPRANG 5:6

‘Ngai gaw, Egutu mung hte mayam tai nga ai nta na nang hpe shapraw la ai, na a Karai Kasang Yehowa rai nga nngai.

YAWSHU 24:2

Shaloi Yawshu Israela masha ni mahkra hpe, tsun wu ai gaw, Israela Karai Kasang Yehowa ning nga ai: “Abraham hte Nahora a kawa Htera ngu ai nanhte nji nwa ni, moi prat e dai Hka nu wora hkran e nga nga ma ai rai nna, shanhte Hpara kaga nawku ma ai.