EZEKELA 16:3 - Jinghpaw Hanson Version Bible

³ ‘Madu Yehowa Yerusalem mare hpe lakap nna ning nga ai: Na a daju hte dai daw ai shara Hkanan mung hta rai nga ai: Na nwa gaw Amori masha, nnu gaw Hiti num rai nga ai.

Jinghpaw Common Language Bible 2009

³ Tsaw Htum ai dai Madu gaw shi hte seng nna hpa tsun nga ai lam Yerusalem hpe htawn tsun u: “Nang gaw Hkanan mung hta shangai dai daw wa nit dai. Na a kawa gaw Amori masha, na a nnu gaw Hiti num rai nga ai.

EZEKELA 16:3 ပူးပေါင်းရင်းမြစ်များ

NINGPAWT NINGHPANG 11:25

Nahura gaw Htera hpe shaprat wu ai hpang, latsa e shi jahku ning naw hkrung nga nna, shadang sha hte shayi sha hte hpe shaprat da wu ai.

NINGPAWT NINGHPANG 11:29

Abram yan Nahura mung num ma lat nna, Abram a madu jan gaw, Sarai mying ai rai lu ai; Nahura a madu jan gaw, Haran a shayi sha Milahka rai lu ai: Haran gaw Milahka yan Yishka a kawa rai nga ai.

NINGPAWT NINGHPANG 15:16

Aprat mali lai ai hpang, shanhte gaw nang de bai wa na mara ai: kaning rai nme law, Amori masha ni a shut hpyit ai gaw garai n dik malu ai,” ngu wu ai.

1 HKAWHKAM 21:26

Israela kashu kasha man na Yehowa shachyut kau ai Amori masha ni hkan galaw ai sumla ni nawku ai matsat shabat lam shagu hta, shi htep lahti hkan nang nga ai.

2 HKAWHKAM 21:11

Yuda hkawhkam Manashe gaw matsat shabat amu galaw nna, shi a shawng e nga ai Amori masha ni hta grau nna n hkru ai amu shachyen ai hte, shi a sumla ni e Yuda amyu hpe mung shut shangun ai majaw,

EZRA 9:1

Ya dai amu ni ngut wa ai hpang, agyi salang ni ngai hpang de sit sa nna, Israela masha ni, hkinjawng ni, Lewi masha ni gaw, ndai mung ni e de nga ai amyu masha ni hta, tinang hkum hpe n daw n hka ai sha, Hkanan, Hiti, Perizi, Yebusi, Ammon, Moba, Egutu hte Amori masha ni a matsat shabat lam shagu hte maren hkan galaw nga ma ai.

NEHEMIA 9:7

Nang Karai Kasang Yehowa e, nang gaw Abram hpe lata la nna, Hkaldea mung Ura mare na woi shapraw nhtawm, shi a amying hpe Abraham ngu nna lai ya wu ai;

ESAIA 1:10

Sodom du ni e, Yehowa a ga madat mara mu; Gomora masha ni e, anhte a Karai Kasang a tara hpe na la mu.

ESAIA 43:27

Na a shawng na nwa gaw yubak galaw sai; na a sara ni ngai hpe shut hpyit masai.

EZEKELA 16:4

Nang shangai wa ai shani e, na shadai hpe kadai n daw, nang hpe kashin shatsawm na wa n nga, jum hte nang hpe n arut, sanen hte n kayawp ma ai;

EZEKELA 16:45

Nang gaw, madu wa hte kashu kasha ni hpe matsat ai num a shayi sha, rai nga ndai; tinang a madu wa hte kashu kasha ni hpe matsat ai num ni a kanau mung rai nga ndai: na nnu gaw Hiti num, na nwa gaw Amori masha rai nga ai.

EZEKELA 21:30

Nang mung, hkala nba hkrum ai, tara n lang ai Israela du e, n hkru ai amu majaw htum mat ai aten du jang, na aten mung du na ra ai;

MAHTE 11:24

Dai majaw nanhte hpe ngai tsun made ai gaw, tara dara ai nhtoi hta e, Sodom mung gaw, nang hta naw chyamai na ra ai,” nga ai.

MAHTE 3:7

Ya Hparishe hte Saduke masha law law wa baptisma hkam la na nga sa ma ai hpe shi mu mu yang, shanhte hpe shi tsun mu ai gaw, “Pu htum amyu ni e, du magang ra ai yubak ari hta na hprawng wa lu myit ga, nanhte hpe kadai shadum da myit ta?

LUKA 3:7

Dai majaw, Yawhan a lata hte baptisma hkam la na, pru sa ai shawa masha ni hpe shi tsun mu ai gaw: “Pu htum amyu ni e, du magang ra ai yubak ari hta na hprawng wa lu myit ga, nanhte hpe kadai shadum da myit ta?

YAWHAN 8:44

Nanhte gaw, nanhte a kawa ngu ai, gumlau Nat hta na prat wa ai ni rai nga myit dai rai nna, nanhte a kawa a kayut ai hku mung, hkan mayu myit dai: shi gaw shawng npawt kaw nna, masha sat ai wa rai nga ai rai nna, shi hta tengman ai lam n rawng lu ai majaw, tengman ai lam hta n nga lu ai: shi masu magaw ga tsun yang, shi a myit hta na hte maren tsun nga ai: shi gaw masu ai wa rai nga ai hte, masu magaw ai a kawa mung, rai nga ai.

EHPESU 2:3

Anhte nlang hte mung shanhte hte rau shawng e kanawn nga nna, anhte a hkum shan a marin marit ai lam hkan let, hkum shan hte kraw lawang na myit mang ai hku hkan galaw ga yang, shanhte gale hte maren pawt sindawng ging ai kashu kasha ni majing rai nga ga ai.

TARA JAHPRANG 20:17

Hiti, Amori, Kanani, Perizi, Hiwi hte Yebusi masha ni, shanhte a Hpara hta galaw ai matsat shabat lam nanhte hpe sharin ya nna, nanhte a Karai Kasang Yehowa hpe n shut myit ga,

TARA JAHPRANG 7:1

Na a Karai Kasang Yehowa nang madu sha na rin dai mung de nang hpe woi shawn nna, Hiti, Gergashi, Amori, Hkanani, Perizi, Hiwi hte Yebusi ngu ai nang hta grau kaba nna law htam ai amyu sanit ting hpe na a man na gawt kau na,

YAWSHU 13:4

dingda man kaw nna Amori mung a lamu ga jarit Ahpek shara du ai; Hkanani masha ni a mung ting hte Sidon hta lawm ai Meara du hkra;

YAWSHU 24:14

“Dai re ai majaw, Yehowa hpe hkrit hkungga nna, sadi sahka re ai hte tengman ai hku shi hpe jaw jau nga mu: Hka wora hkran na hte Egutu mung e nanhte a nji nwa ni jaw jau ai Hpara ni hpe kau da nna, Yehowa hpe jaw jau nga mu.

1 YAWHAN 3:10

Dai lam hte Karai Kasang a kashu kasha ni hte, Nat a kashu kasha ni gaw dan ginhka pru ai: kadai rai timung, dinghpring ai amu n galaw ai hte, shi a kahpu kanau hpe n tsaw n ra ai wa gaw, Karai Kasang kaw nna, rai nga ai n rai.