EZEKELA 15:4 - Jinghpaw Hanson Version Bible

⁴ Yu u, dai gaw ju na matu hpun hkrai rai nga ai; wan gaw de a npawt ndung hte ka-ang hpe hkru kau nga ai: dai gaw asung shang a ni?

Jinghpaw Common Language Bible 2009

⁴ Dai gaw wan a matu ju hpun shatai na matu sha kaja nga ai. Matu e hkru mat nna, ka-ang e wan nsa hte chyang nga ai shaloi, dai n lawm ai sha, arai lama ma hpe nang galaw lu n ni?

EZEKELA 15:4 ပူးပေါင်းရင်းမြစ်များ

SHAKAWN KUNGDAWN 80:16

Dai gaw wan hkru ai hte kran kau ai hkrum sai; Nang daru kau ai majaw, shanhte hten byak mat masai.

ESAIA 1:31

Wa-ngan wa gaw lachyit zawn, shi a amu gaw wan n-yang zawn tai mat nna, dai yan rau hkru mat na ra ai; dai wan hpe kadai mung n sat lu ai,” nga ai.

ESAIA 27:11

Lakung lakying ni hkraw mat yang, gang daw kau ai hkrum nna, num ni hpun hta ju kau na mara ai; kaning rai nme law, dai amyu gaw nyan tang ai amyu rai nga ai: dai re ai majaw, shanhte hpe hpan da ai wa gaw, matsan dum na n rai, hpan hpajang ai wa gaw, shanhte hpe myi man shapa na n rai.

EZEKELA 15:3

Lama ma galaw na matu dai hta na hpunpyen lu la n ni? arai noi na matu, chyinghkyi galaw ga a ni?

EZEKELA 15:5

Yu u, dai gaw majing naw rai nga yang, hpa asung n shang nga ai: ya wan hte hkru nna hkat mat yang, grau nna asung n shang ai, n rai ni?

EZEKELA 15:6

Dai re ai majaw Madu Yehowa ning nga ai: Maling na hpun ni hta na, ju na hpun matu ngai ap kau ai tsabyi ru hpe zawn, Yerusalem mare na ni hpe ngai ap kau na nngai.

EZEKELA 19:14

De a lakung lakying na dawhkrawng langai mi hta na wan pru nna, de a asi hpe hkru kau wu ai; hkawhkam sumdoi tai na matu, ngang ai dawhkrawng langai mi ya n nga sai law. Dai gaw sharung shayawt ai ga rai nga nna, sharung shayawt na matu tai na ra ai.”

AMO LAIKA (AMOS) 4:11

Karai Kasang gaw Sodom hte Gomora hpe galau ka-up kau ai zawn, nanhte a mare nkau mi hpe ngai galau ka-up kau nna, nanhte gaw wan mang na gare la ai wanhtaw daw zawn, tai nga timung, nanhte gaw ngai hpang de n wa myit dai, nga nna Yehowa tsun ai.

MALAHKI 4:1

Kaning rai nme law, dai nhtoi du ra ai; dai gaw wan htung zawn grung kahtet nga ai: gumrawng gumtawng ai ni hte, tara n lang ai amu galaw ai ni yawng, yi hku ndu tai na mara ai: du ra ai nhtoi gaw, npawt ndung n ngam hkra, shanhte hpe hkru kau na ra ai, nga nna Zaw nawng zaw wa up ai Yehowa tsun ai.

MAHTE 3:12

shi a lata hta dai hkuwawn shi lang nga ai rai nna, shi a mam chyarang hpe shi yit jasan nhtawm, shi a mam hpe gaw dum hta shinggyin bang da nna, mam nsan hpe gaw, n sat lu ai wan hte nat kau na ru ai,” ngu mu ai.

YAWHAN 15:6

Ngai hta n jung n noi ai wa gaw, lakung lakying hpe zawn kabai kau ai hkrum nna hkraw mat wa ai hte, masha ni e magawn la nhtawm, wan hta kabai bang nna, hkru krawp mat ai kaw du wa ai.

HEBRE 12:29

kaning rai nme law, anhte a Karai Kasang gaw, hkru wa ai wan rai nga ai.

HEBRE 6:8

ju hpun hte atsing sha shatut yang chyawm gaw, kau da ai hkrum nna, dagam hkrum magang nga ai hte, de a jahtum gaw, wan nat kau hkrum na, rai nga ai.