EZEKELA 13:6 - Jinghpaw Hanson Version Bible

⁶ Yehowa shanhte hpe n shangun timung, ‘Yehowa ning nga ai,’ nga nna tsun ai ni gaw, kaman lila shingran mu nna, masu ai lam shaba wawt ai ni, rai nga ma ai; tinang a ga dik na ra ai, nga nna masha ni hpe myit mada shangun mu ai.

Jinghpaw Common Language Bible 2009

⁶ Shanhte mu ai myit shingran ni gaw n teng n man nga ai; shanhte a myihtoi ga ni mung masu magaw ga ni sha rai nga ai. Shanhte gaw nye a myihtoi ga ni hpe tsun nga ga ai nga nna tsun nga ma ti mung, shanhte hpe ngai shangun ai n rai. Ti mung, shanhte gaw shanhte htoi ai ga teng teng dik wa na hpe myit mada nga ma ai.

EZEKELA 13:6 ပူးပေါင်းရင်းမြစ်များ

1 HKAWHKAM 22:12

Myihtoi ni mahkra mung, Ramot-gilead de lung gasat nna awng wa nu; Yehowa dai mare hpe hkawhkam wa a lata de ap ya na ra ai, ngu nna hkaw ya mu ai.

1 HKAWHKAM 22:15

Ya shi gaw hkawhkam kaw du yang hkawhkam wa gaw, “Mihkaia e, an gaw Ramot-gilead de hpyen gasat na matu, sa mai n sa mai na kun?” ngu nna sa wu yang, shi gaw, “Lung gasat nna, awng wa nu; Yehowa dai mare hpe hkawhkam wa a lata de ap ya na ra ai,” ngu wu ai.

1 HKAWHKAM 22:27

Hkawhkam wa ning nga ai: Ngai ngwipyaw ai hte bai wa ai du hkra, ndai wa hpe htawng hta rawng da nna, matsan mayan di jaw lu jaw sha mu, ngu mu,” ngu wu ai.

1 HKAWHKAM 22:37

Shing rai hkawhkam wa si mat nna, Samari mare de la wa nhtawm, dai yang e makoi mayang di mu ai.

1 HKAWHKAM 22:6

Shaloi Israela hkawhkam gaw myihtoi mali tsa daram jahpawng tawn nhtawm, “Ngai gaw Ramot-gilead de hpyen gasat na, sa mai n sa mai na a kun?” Ngu nna shanhte hpe san yu mu yang, shanhte gaw, “Lung wa su; Yehowa Madu dai mare hpe hkawhkam wa a lata de ap ya na ra ai,” ngu nna htan mu ai.

GA SHAGAWP 14:15

Nyan tang ai wa gaw na mana kam nga ai; Myit su ai wa chyawm gaw tinang sa wa ai lam gawn yu nga ai.

YEREMIA 14:14

Shaloi Yehowa gaw, Dai myihtoi ni nye a mying gang nna, masu ga htoi ma ai; ngai shanhte hpe shangun ai n rai, hkang da ai mung n rai, shingran madun ai mung n rai: shanhte nanhte hpe htoi ai lam gaw, masu ai shingran, shaba wawt ai ga, myi le le ai hte tinang a n hkru ai nyan maw ai hku hkrai, rai nga ai.

YEREMIA 23:16

Zaw nawng zaw wa up ai Yehowa ning nga ai: Myihtoi htoi nna, nanhte hpe hkaw tsun ai myihtoi ni a ga hpe hkum madat myit; shanhte gaw nanhte hpe kaman lila hkaw tsun ma ai: Yehowa n-gup hta na pru ai mungga n rai, tinang myit hta na pru ai shingran hkrai, hkaw tsun ma ai.

YEREMIA 28:1

Dai shaning ngu ai, Yuda hkawhkam Zedekia hkaw dung hpang ai, mali ning, shata manga hta e, Gibeon masha Azura kasha myihtoi Hanania gaw, Israela Karai Kasang, Zaw nawng zaw wa up ai Yehowa ning nga ai, Ngai gaw Babelon hkawhkam a kandang hpe agrawp kau ni ai.

YEREMIA 28:15

Bai myihtoi Yeremia gaw myihtoi Hanania hpe, Hanania e, ya madat u; Yehowa nang hpe shangun ai n rai; nang gaw dai amyu hpe masu ai hta shamyet shanat shangun ndai.

YEREMIA 29:8

Kaning rai nme law, Israela Karai Kasang Zaw nawng zaw wa up ai Yehowa ning nga ai: Nanhte hte rau nga ai myihtoi ni hte shaba wawt ai ni gaw, nanhte hpe n hkalem kau myit ga; nanhte mu shangun ai yup mang ni hpe, hkum kam myit.

YEREMIA 37:19

Babelon hkawhkam gaw, nanhte hte ndai mung hpe sa gasat lu na n rai, nga nna htoi ya ai, nanhte a myihtoi ni gaw, ya kanang rai nga ma ta?

YEREMIA 5:31

myihtoi ni masu ai ga htoi nna, hkinjawng ni dai lam hkan let, up nga ma ai; nye a amyu masha ni mung dai lam hpe ra ma ai; dai rai nna, hpang jahtum e nanhte hpa galaw na myit ta?”

SHARUNG SHAYAWT 2:14

Na a myihtoi ni gaw masu ai hte kaman lila lam, na a matu htoi ma ai; Bawng dung kaw na nang lawt wa lu hkra, shanhte na a yubak hpe madun ma ai n rai; Shanhte gaw masu ai shingran hte shayit ai lam, na a matu htoi ma ai.

EZEKELA 13:7

Ngai hkum nan ga n tsun timung, ‘Yehowa ning nga ai,’ nga nna tsun yang, nanhte gaw kaman lila shingran mu nna, masu ai lam shaba wawt ai, n rai myit ni?”

EZEKELA 21:23

Bai Yehowa mungga ngai kaw du nna,

EZEKELA 21:29

“Dai rai nna Madu Yehowa ning nga ai, Nanhte tawt lai ai amu dan leng nga nna, nanhte galaw ai amu mahkra hta yubak hkrai dawng pru ai hte, masha ni nanhte a mara hpe dum nga ma ai majaw, nanhte gaw gaja wa rim la ai hkrum na marin dai.

EZEKELA 22:28

Shi a myihtoi ni mung, Yehowa ga n tsun tim, Yehowa ning nga ai, nga nna, kaman lila shingran mu ai hte, masu ai hku shaba wawt let, dai du ni a matu namhtun sha chya ma ai.

ZEHKARIA 10:2

Terahpim sumla ni chyawm gaw, ga kaman tsun nna, shaba wawt ai ni, masu ai shingran mu ma ai; shanhte gaw n teng ai yup mang htai dan nna, shanhte a shalan shabran ai ga, kaman lila rai nga ai: dai re ai majaw, mung masha ni gaw, sagu zawn lam dam nna, sagu rem wa n nga ai majaw, ruyak ai hkrum ma ai.

MARKU 13:6

Masha law law wa nye a amying hte paw pru nna, Ngai gaw dai wa rai nga nngai, nga nna law law hpe lam shadam kau na maru ai.

2 HTESALONI 2:11

Dai re ai majaw tengman ai lam hpe n kam n sham ai sha, n ding n man ai hta sharawng awng ai ni n lang hte gaw, dawdan ai hkrum mu ga,

2 PETRU 2:18

Kaning rai nme law, hkum shan a myit marin nna, mak kayuk nga ai hku hkan yang, kaman lila grang ai ga kaba a tsun nga let, lam dam mat ai ni kaw na lawt lu magang wa ai ni hpe, shanhte lau la mu ai;