EZEKELA 13:5 - Jinghpaw Hanson Version Bible

⁵ Yehowa a hpyen gasat ai nhtoi hta, Israela nta a bunghku ngang nga lu hkra, de a waw ai shara ni de nanhte n lung, dai hpe mung n kum shangut myit dai.

Jinghpaw Common Language Bible 2009

⁵ Dai Madu a nhtoi shani, hpyen majan du wa ai shaloi, shanhte gaw daw agrawp mat sai mare bunghku ni hpe n sin ma ai. Shanhte gaw mare bunghku ni hpe bai gaw gap da ma ai n rai, dai lam ni a majaw Israela gaw makawp maga hkrum lu na ra ai n rai.

EZEKELA 13:5 ပူးပေါင်းရင်းမြစ်များ

YOBA 40:9

Na a lahpum Karai Wa a lahpum zawn rai nga a ni? Shi zawn mu ngoi ai nsen shapraw lu nni?

SHAKAWN KUNGDAWN 106:23

Shaloi shanhte hpe jahten na shi maw nga ai: Rai timung, shi lata la ai Mawshe gaw Shi a man e tsap nga nna, shanhte hpe n jahten mu ga, Shi a myit hpe shakawp ya wu ai.

SHAKAWN KUNGDAWN 76:7

Nang gaw hkrithpa Wa rai nga ndai: Nang masin pawt bu nga yang, Na a man e kadai tsap lu na rai nga a ta?

ESAIA 13:6

Yehowa a nhtoi ni wa ai majaw, sharung shayawt nga mu; dai gaw, N-gun Chyalai rawng ai wa kaw na shoihpa shoirang zawn, du na ra ai.

ESAIA 13:9

Yu u, dai mungdan hpe katsi katsang shakram kau nna, dai hta nga ai yubak kap ai ni hpe shamyit kau na matu, yak la ai Yehowa a nhtoi gaw, pawt sindawng nna n-yun bu ai hte, du na ra ai.

ESAIA 2:12

Kaning rai nme law, myit kaba nna gumrawng gumtawng re ai ni mahkra a ntsa e mung, rai la dum ai ni nlang hte a ntsa e mung,

ESAIA 27:4

Ngai pawt ni ai, n rai; tsing hte ju hpun ni ngai hpe daw n ga lè; ngai dai ni hpe alawan htim nna, rau nat kau na we ai.

ESAIA 34:8

Kaning rai nme law, Ziun a lam majaw matai htang na shani hte, ari jaw na shaning, Yehowa tawn da sai.

ESAIA 58:12

Na a amyu matu ni gaw moi na marawng marang ni hpe bai dè na mara ai; nang gaw moi chyaloi nhkoi na npawt nhpang ni hpe, gaw kahtap na ra ai: shing rai, Run ai bunghku hpe lajang ai wa, Shanu na matu lam ni hpe lajang ai wa, nga nna nang hpe shamying na ra ai.

YEREMIA 15:1

Bai Yehowa ngai hpe tsun ai gaw, Mawshe yan Samuela pyi nye a man e tsap timung, ndai amyu hpe ngai matsan dum na, n rai: ngai kaw na shanhte hpe shaden kau mu; shanhte pru wa mu ga.

YEREMIA 23:22

Shanhte ngai hte bawng taw gaw, shanhte gaw nye a amyu masha ni hpe nye a ga na shangun nna, shanhte a n hkru ai lam hta na mung, shanhte a shut hpyit ai amu hta na mung, shanhte hpe shabai la na mu ai.

YEREMIA 27:18

Rai timung, shanhte myihtoi teng nna, Yehowa mungga hkam la ai rai yang gaw, Yehowa nta hta mung, Yuda hkawhkam a htingnu hte Yerusalem mare hta naw ngam nga ai wan ni hpe, Babelon mare de n la wa lu na lam, Zaw nawng zaw wa up ai Yehowa hpe, shanhte ya tawngban mu ga.

EZEKELA 13:4

Israela amyu e, na a myihtoi ni gaw, akrin akraw re ai shara ni hta rawng ai nam gwi ni hte bung nga ma ai.

EZEKELA 22:30

Dai mung hpe ngai n jahten lu hkra, dai hpe maga na matu, nye a man e tsap nga nna, de a waw malawng ai bunghku hpe lajang lu na wa langai mi, shanhte hta na ngai tam timung, n mu nngai.

EZEKELA 30:3

Dai nhtoi ni sa, gaja wa, Yehowa nhtoi ni sai; dai gaw sumwi htat ai shani, maigan amyu ni matu madat da ai aten, rai na ra ai.

EZEKELA 7:19

Shanhte gaw tinang a gumhpraw hpe mare lam ni hta kabai kau nna, tinang a aja hpe n san n seng ai arai zawn, nawn na maru ai; Yehowa n-yun bu ai shani e, shanhte a aja gumhpraw shanhte hpe mawai la lu ai n rai: dai gaw, shut hpyit ai amu galaw hkra, shanhte a myit kataw shara rai nga ai majaw, shanhte a myit masin hpe jahkru shakat lu na n rai, tinang kan hpe mung, jahpring lu na n rai.

YOELA 1:15

Ala, dai nhtoi du ra ai; Yehowa a nhtoi ni magang wa nna, dai gaw hten byak ai shani zawn, Chyahtum Chyalai N-gun rawng ai wa kaw na, du na ra ai.

YOELA 2:1

Ziun mare hta e, pahtau dum mu; nye a chyoi pra ai bum ntsa e garu jahtau mu; mung masha ni yawng hkrit gari nga mu ga; kaning rai nme law, Yehowa a nhtoi du ra ai, dai gaw ni magang ra ai:

YOELA 2:31

Galu kaba re ai hte, hkrit mai ai, Yehowa a nhtoi garai n du yang, ajan hpe nsin hte, shata hpe asai hte, galai kau na ra ai.

YOELA 3:14

Jeyang shangut ai kadit hta e, Yehowa a nhtoi du magang ra ai majaw, wunawng wuwa ni, jeyang shangut ai kadit hta e dè nga ma ai.

MALAHKI 1:9

Ya chyawm gaw, Karai Kasang anhte hpe chyeju madun u ga, shi a man e akyu hpyi mu: ndai amu gaw, nanhte a lata na amu rai nga ai: shi nanhte a myi man tau lu na rai ni? nga nna Zaw nawng zaw wa up ai Yehowa tsun ai.

MALAHKI 4:5

Yu mu, galu kaba ai hte, hkrithpa re ai, Yehowa a nhtoi garai n du yang, ngai nanhte hpang de myihtoi Elia hpe shangun dat na nngai.

1 HTESALONI 5:2

kaning rai nme law, shana na lagu lagut shang ai zawn, dai Madu a shani mung du na ra ai hpe, nanhte nan azin ayang chye nga myit dai.

2 PETRU 3:10

Dai Madu a nhtoi chyawm gaw, lagu lagut zawn du na ra ai; dai nhtoi hta e sumsing lamu ni kadu ai nsen hte lai mat wa nna, arai guji guyang ni, kahtet lai ai hte krawp ayai mat wa nna, aga hte dai hta e nga ai yawng mayawng hte gaw, hkru hkat mat na ra ai.

SHINGRAN 16:14

dai ni gaw lamik kumla galaw dan nna, Chyahtum chyalai n-gun rawng ai Karai Kasang a nhtoi kaba shani na majan gasat na matu, mungkan ting na hkawhkam ni hpe jahpawng la na pru sa wa ai nat a wenyi ni rai nga ma ai.

SHINGRAN 6:17

shan a pawt bu ai nhtoi kaba du wa ra hka; kadai wa mi tsap lu na a ta? nga mu ai.

1 SAMUELA 12:23

Ngai chyawm gaw, nanhte a matu n hpyi nna, Yehowa hpe shut ai lam gaw, ngai hte tsan nga u ga law: dai mai kaja ai hte tengman ai lam hpe ngai nanhte hpe naw madun na nngai.