EZEKELA 11:5 - Jinghpaw Hanson Version Bible

⁵ Shaloi Yehowa a Wenyi nye a ntsa e du nna, shi gaw, “Yehowa ning nga ai, ngu nna tsun u; Israela dap e, ndai lam nanhte tsun manit dai; nanhte a kraw lawang e rawng marawng hpe ngai chye nngai.

Jinghpaw Common Language Bible 2009

⁵ Dai Madu a wenyi gaw ngai hpe up hkang ai hte amyu masha ni hpe ndai mungga htawn tsun na matu ngai hpe hkang da ni ai: “Israela amyu masha ni e, nanhte hpa tsun nga myit dai hte kaning re ai amu maw mawn nga myit dai gaw ngai chye nngai.

EZEKELA 11:5 ပူးပေါင်းရင်းမြစ်များ

1 HKAWHKAM LABAU 28:9

“Ya chyawm gaw, ngai sha Shawlumon e, na nwa a Karai Kasang hpe chye u: ngwipyaw ai myit hte tsawra ai kraw lawang hte, shi hpe daw jau u; Yehowa gaw myit masin mahkra hpe sawk yu nna, myit mamyit lam mahkra hpe chye ya nga ai: nang shi hpe tam yang, mu na wu ai; shi hpe kau da yang, nang hpe tutnawng kau da na ndai.

SHAKAWN KUNGDAWN 50:21

Dai nang galaw ai hpe ngai atsin sha nga nga ai majaw, Nang zawn ngai rai nga nngai, nang myit nga ndai: Rai timung, ngai nang hpe sharin ya nna, Na mara na a man e, hpyan dan na de ai,” ngu wu ai.

SHAKAWN KUNGDAWN 7:9

Tara n lang ai ni a n hkru ai lam sim mat malu ga; Dinghpring ai ni hpe mahtang shagrin mu. Dinghpring ai Karai Kasang gaw, Masin hte nhkyun ni hpe chyam yu ai wa rai nga ai.

ESAIA 28:15

Anhte gaw si hkrung si htan hte ga shaka tawn da saga ai; katsan ga hte anhte myit hkrum ga ai: lim kau ai ari ahpri lwi wa timung, anhte kaw du lu na n rai; anhte gaw masu matsa ga hta shingbyi nna, hkalem ai ga npu e makoi nga ga ai, nga nna tsun myit dai majaw,

ESAIA 58:1

Aja awa jahtau u; atsin sha hkum nga et; pahtau zawn na a nsen sharawt nna, nye a amyu hpe shanhte a shut hpyit ai lam, Yaku a nta na ni hpe tinang a yubak lam, shapraw dan mu.

YEREMIA 11:20

Kraw lawang hte myit masin hpe manaw yu nna, dinghpring ai hku dawdan ai, Zaw nawng zaw wa up ai Yehowa e, nang shanhte hpe matai dawp ai lam, ngai mu lu na nngai: nye a amu ngai nang hpe sa shawk ni ai.

YEREMIA 16:17

Shanhte sa wa ai lam shagu hpe, ngai azi yu nga nngai: shanhte, ngai n mu ai hku, sa wa ma ai, n rai; shanhte shut hpyit ai nye a man e makoi da lu ai, n rai.

YEREMIA 17:10

langai hte langai hpe tinang a arawn alai hte maren, tinang hkam ang ai shabrai karan jaw na matu, ngai Yehowa gaw myit masin hpe sawk yu nna, nhkyun ni hpe manaw yu nngai.

EZEKELA 2:2

Shing nga ngai hpe tsun yang, Wenyi ngai hta shang nna, shi ngai hpe tsap shangun nngai: ngai hte tsun ai wa a ga mung, ngai na nngai.

EZEKELA 2:7

Shanhte grai gumlau ai ni rai nga nna, madat timung, n madat timung, nang shanhte hpe nye a ga tsun dan na rai ndai.

EZEKELA 20:32

anhte gaw maigan amyu ni hte, kaga mung na masha ni zawn, hpun nlung hpara ni hpe daw jau na ga ai, nga nna, nanhte myit maw ai hku byin lu na n rai.”

EZEKELA 28:2

“Masha kasha e, turu hkawhkam hpe htawn tsun u; ‘Madu Yehowa ning nga ai: Nang gaw myit kaba nna, Ngai Karai Wa rai nga nngai; nammukdara ka-ang e Karai Wa zawn nawn nga timung, Karai wa n rai, masha chyu sha rai nga ndai majaw,

EZEKELA 29:3

‘Madu Yehowa ning nga ai: Nila hka ka-ang e hpum nga nna, Nila hka gaw nye a hka rai nga li ai, ngai nan dai hpe nye a matu hpan da ni ai, nga nna tsun ai, baren kaba ngu ai, Egutu hkawhkam Hpara-u e, ngai nang hpe hkap daw na nngai.

EZEKELA 3:11

Bawng dung hkrum ai, na a baw sang ni hpang de sa nhtawm, Madu Yehowa ning nga ai, ngu nna, shanhte madat timung, n madat timung, hkaw tsun u,” nga nna ngai hpe tsun ai.

EZEKELA 3:24

Wenyi mung ngai hta shang nna, ngai hpe jan rai shatsap nngai: bai shi gaw ngai hpe ga tsun nna, “Sa wa su, na a nta hta arawng nga u.

EZEKELA 3:27

Rai timung, ngai nang hpe ga tsun yang na a n-gup hpe ngai hpaw nna, nang gaw, ‘Madu Yehowa ning nga ai,’ ngu nna shanhte hpe hkaw tsun na rai ndai: madat ai wa gaw madat u ga, n madat ai wa gaw n madat nga u ga; shanhte gaw gumlau ai amyu rai nga ma ai, nga ai.”

EZEKELA 8:1

Ya kru ning na, shata kru a manga ya shani e, ngai gaw nye a nta e dung nga nna, Yuda salang ni nye a man e dung nga ma yang, Madu Yehowa a lata, nye a ntsa e du ai.

MARKU 2:8

Shanhte gaw tinang a kraw kata e shing rai myit aru yu nga ma ai hpe, Yesu gaw shi a wenyi hta chye chyang nga ai majaw, “Nanhte hpa rai kraw kata e ndai hte wa myit aru nga myit ta?

YAWHAN 21:17

Bai masum lang, “Yawhan a kasha Simun e, nang ngai hpe tsawra nga nni?” ngu nna san wu ai. Masum lang du hkra, Nang ngai hpe tsawra nga nni? nga nna shi hpe san wu ai majaw Petru myit yawn nna, “Madu e, nang gaw yawng mayawng hpe chye nga ndai; ngai nang hpe tsawra nga nngai gaw, nang chye nga ndai,” ngu nna, htan wu ai. Yesu gaw, “Nye a sagu ni hpe bau nga u.

KASA 10:44

Petru gaw dai lam naw tsun nga yang, dai ga na ai ni mahkra a ntsa e Chyoi pra ai Wenyi yu shang wa ai.

KASA 11:15

Ya, ngai ga hpaw nna tsun nga yang, shawng de anhte a ntsa e Chyoi pra ai Wenyi yu hkrat ai zawn, shanhte hta mung yu hkrat wa malu ai.

HEBRE 4:13

Shi a man e n dan n leng ai hpan da ai arai langai mi mung n nga ai; yawng mayawng gaw shi myi a man e dan leng nga ai hte asan brang lang rai nga ai rai nna, anhte shi a man e jahpan dan lu na ga ai.

YAKU 3:6

Dai shinglet mung wan rai nga ai; anhte a daw shan ni hta e, dai shinglet gaw, yubak a mungkan tai wa nga ai rai nna, anhte a hkum ting hpe awu asin di kau wu ai hte, dai gawng shing-yan a hkrang hpe nat kau wu ai rai nna, ngarai mung gaw dai hpe nan shachyi wu ai.

SHINGRAN 2:23

Shi a kashu kasha ni hpe si lam hte ngai sat kau na we ai: shaloi, nhkyun hte kraw lawang hpe sawk yu ai wa ngai rai nga nngai gaw, Hpung ni yawng chye lu n mara ai: nanhte hta na langai hte langai hte hpe, tinang ni a amu hte maren ngai htang jaw na made ai.

1 SAMUELA 10:10

Ya shan gaw dai kawng de du jang, myihtoi hpung masha ni hte hkrum nna, Karai Kasang a wenyi shi a ntsa e aze du ai majaw, shanhte hte rau myihtoi htoi nang nga ai.

1 SAMUELA 10:6

shaloi Yehowa a wenyi na ntsa e aze du nna, nang shanhte hte rau myihtoi htoi na hte, nang lak lai na rin dai.