EZEKELA 10:5 - Jinghpaw Hanson Version Bible

⁵ N-gun Chyalai rawng ai Karai Wa, ga tsun ai nsen zawn, dai Hkerubim a singkaw wu ngoi ai gaw, shinggan wang du hkra na lu nga ai.

Jinghpaw Common Language Bible 2009

⁵ Dai hkrung kanu ni a singkaw kahprap wu ngoi ai nsen gaw shinggan wang de du hkra pyi na lu nga ai. De a wu kadu ai nsen gaw Chyahtum Chyalai N-gun Rawng ai Karai Kasang a nsen zawn rai nga ai.

EZEKELA 10:5 ပူးပေါင်းရင်းမြစ်များ

1 HKAWHKAM 7:9

Ndai nta ni yawng, bunghku kaba a shinggan maga du hkra mung, npawt kaw na matu du hkra mung, tawk sha tsawm ai nlung hte, lahkawng maga zingret hte ret kau nna shadawn tawn ai nlung, nachying hpu la ai nlung ni hte shangut mu ai.

2 HKAWHKAM LABAU 4:9

Dai hta kaga, hkinjawng ni a wang, shinggan wang kaba, wang chyinghka ni hpe magri hte sup da wu ai.

YOBA 40:9

Na a lahpum Karai Wa a lahpum zawn rai nga a ni? Shi zawn mu ngoi ai nsen shapraw lu nni?

SHAKAWN KUNGDAWN 68:33

Chyi nma kaw nna sumsing lamu hta jawn ai wa hpe mahkawn mu; Yu mu, shi gaw nsen kaba hte jahtau dat wu ai.

SHAKAWN KUNGDAWN 77:17

Sumwi ni ntsin jahtu nna, lamu gaw mu ngoi nga ai; Na a pala ni mung, bra hkawm nga ma ai.

PRU MAT 19:16

Ya masum ya ngu na jahpawt hta mu ngoi ai, myihprap gala ai hte ja ja htat ai sumwi dai bum ntsa e ka-up nga ai; nsen kaba hte nachying ngoi ai pahtau mung ngoi nga ai: dai dap e nga ai amyu masha ni mahkra gaw hkrit gari nga ma ai.

PRU MAT 19:19

Dai pahtau ngoi ai mung, grau grau nna ngoi kaba wa ai shaloi, Mawshe shaga nna Karai Kasang gaw ga nsen hte htan ya wu ai.

ESAIA 6:8

Bai ngai gaw, “Ngai kadai hpe shangun dat na i? anhte a matu kadai wa sa na i?” nga nna Madu san ai nsen hpe na nngai. Dai rai nna ngai gaw, “Ngai nga nga nngai, ngai hpe shangun dat e,” ngu nna htan we ai.

EZEKELA 1:24

Shanhte hkawm wa yang, shanhte a singkaw ngoi ai gaw, nammukdara nsen zawn, N-gun Chyalai rawng ai wa a nsen hte, hpyen luksuk ni a nsen zawn wu kadu ai hpe ngai na nngai: shanhte tsap nga yang, tinang singkaw hpe jahkrat ma ai.

EZEKELA 10:6

Ya shi gaw, “Chyai kri nga ai leng dingsen ni hte Hkerubim lapran na wan sa la su,” nga nna sumpan lawai ai wa hpe tsun yang, dai wa gaw shang nna, leng dingsen makau e tsap nga ai.

EZEKELA 40:17

Dai hpang shi gaw shinggan wang kata de ngai hpe woi jashawn nna, yu u, de a grup yin e gawk ni rai nga nna, nlung nep nga ai: dai lung nep ntsa e gawk sumshi rai nga ai.

EZEKELA 46:21

Dai hpang shi gaw, shinggan wang de ngai hpe woi jashawn nna, dai wang a jut mali hpe hkawm lai shangun nngai: dai wang a jut shagu hta wang kaji langai ngai rai nga ai hpe, ngai mu nngai.