EZEKELA 10:4 - Jinghpaw Hanson Version Bible

⁴ Shaloi Yehowa a hpung shingkang gaw, dai Hkerub ntsa na, Nta a chyinghka hkinbawng de sit lung wa ai: dai Nta gaw, sumwi hte hpring nna, dai wang gaw, Yehowa a tu kabrim ai hpung shingkang hte dan hkung nga ai.

Jinghpaw Common Language Bible 2009

⁴ Dai Madu a htoi tu ai hpung shingkang gaw hkrung kanu ni kaw na rawt lung wa nhtawm, Nawku Htingnu a chyinghka lam de sit sa wa nga ai. Dai shaloi, sumwi gaw Nawku Htingnu hpe ka-up da nga ai; wang gaw htoi tu ai hpung shingkang hte dan hkung nga ai.

EZEKELA 10:4 ပူးပေါင်းရင်းမြစ်များ

PRU MAT 40:34

Shaloi dai sumwi gaw shawa sum hpe ka-up nna Yehowa a hpung shingkang dai sumpan nta hta hpring nga ai.

PRU MAT 40:35

Shing rai dai sumwi gaw shawa sum hpe ka-up nga ai hte Yehowa hpung shingkang dai sumpan nta hta hpring nga ai majaw dai kata de Mawshe n shang lu wu ai.

ESAIA 6:1

Hkawhkam Uzia si ai shaning hta, Madu gaw, galu kaba nna tsaw htum ai tingnyang hta dung nga ai hpe ngai mu nngai; shi lawai ai hpun nba gaw nawku Htingnu ting hpring nga ai.

EZEKELA 1:28

Shing rai grup yin htoi kabrim ai gaw, marang htu ai shani e sumwi ni hta dan ai n-goilatum hte bung nga ai. Da ndai gaw, Yehowa a hpung shingkang dan hkung ai ahpraw nsam rai nga ai. Dai shingran hpe mu yang, ngai gum dagup nngai; shaloi ngai hpe shaga ai nsen ngai na nngai.

EZEKELA 10:18

Bai Yehowa a hpung shingkang gaw, Nta chyinghka hkinbawng na sit nna, Hkerubim ni a ntsa e jung nga ai.

EZEKELA 43:2

yu u, Israela Karai Kasang a hpung shingkang gaw, sinpraw maga de na pru wa ai: shi a nsen gaw, hka law law wu kadu ai nsen hte bung nna, lamu ga gaw, shi a hpung shingkang hte htoi tu nga ai.

EZEKELA 43:5

Shaloi Wenyi gaw ngai hpe pawn let, kata wang de woi wa nna, yu u, Yehowa a hpung shingkang gaw, nta ting hpring nga ai.

EZEKELA 44:4

shaloi shi gaw, nta ndaw, dingdung chyinghka hku, ngai hpe woi jashawn nna, ngai mada yu yang, yu u, Yehowa a hpung shingkang gaw, Yehowa nta hta hpring nga nna, ngai gum dagup nga nngai.

EZEKELA 9:3

Shaloi Israela Karai Kasang a hpung shingkang gaw, shanu nga ai Hkerub kaw na lung wa nna, Nta chyinghka hkinbawng de du nga ai; bai shi gaw, sumpan lawai nna, laika tsi ndum noi ai wa hpe, shaga wu ai.

HAGI 2:9

Ndai nta a hpang jahtum na hpung shingkang gaw, shawng na hta grau kaba na ra ai, nga nna Zaw nawng zaw wa up ai Yehowa tsun ai: ndai shara hta e ngwipyaw lam ngai tawn da na nngai, nga nna Zaw nawng zaw wa up ai Yehowa tsun ai.

BU HKAWM 16:19

Shing rai Kora gaw, shan a man e shawa hpung nlang hte hpe shawa sum chyinghka e zuphpawng tawn mu ai: shaloi Yehowa a hpung shingkang gaw dai shawa hpung a man e dan hkung nga ai.

SHINGRAN 15:8

Shaloi dai nawku Htingnu gaw Karai Kasang a hpung shingkang hte shi a atsam majaw wan hkut hpring ing nna, dai lamu kasa sanit a ari zinli garai n htum htum gaw, dai nawku Htingnu kata de kadai mung n shang lu ai.