EZEKELA 10:3 - Jinghpaw Hanson Version Bible

³ Ya dai wa shang wa yang, Hkerubim ni Nta a hkra maga e tsap nga ma ai rai nna, kata wang gaw, sumwi hte hpring nga ai.

Jinghpaw Common Language Bible 2009

³ Dai wa shang sa mat wa yang, hkrung kanu ni gaw Nawku Htingnu a dingda maga e tsap nga ma ai; kata wang e mung sumwi ni hte hpring nga ai.

EZEKELA 10:3 ပူးပေါင်းရင်းမြစ်များ

NINGPAWT NINGHPANG 3:24

Shing rai dai masha wa hpe shi shapraw kau dat nna, dai asak jahkrung ai hpun a lam sin nga na matu, Hkerub ngu ai ni hte shi chyu nwat shadang chye ai wan nhtu hpe, Edin sun sinpraw maga de tawn da wu ai.

PRU MAT 25:18

Ja hte Hkerubim lahkawng mung nang galaw lu na rai ndai; dai chyeju magap a matu maga mi hte maga mi de tawk nna nang galaw na rai ndai.

EZEKELA 43:4

Yehowa hpung shingkang gaw, sinpraw chyinghka hku e, nta kata de shang wa ai.

EZEKELA 46:1

“Madu Yehowa ning nga ai: Sinpraw maga de yawng ai, kata wang chyinghka hpe, amu galaw ai kru ya tup, la da na ra ai; laban nhtoi hte shata praw shani e, hpaw da na ra ai.

EZEKELA 8:16

Bai shi gaw, Yehowa nta kata wang de ngai hpe woi wa nna, “yu u, Yehowa a nawku Htingnu chyinghka lam, ajan hte tawn hkungri lapran e, marai hkun manga daram rai nga nna, shanhte gaw Yehowa a nawku Htingnu hpe shingdu dat kau nna, sinpraw maga de yawng let, jan hpe nawku ma ai.”

EZEKELA 8:3

Shi gaw lata hkrang ladawn nna, nye a kara latsin mi lang nga ai: shaloi Wenyi gaw aga hte lamu lapran e ngai hpe pawn shalun nna, Karai Kasang kaw na shingran hte, Yerusalem mare a dingdung maga ang ai kata wang chyinghka de, ngai hpe woi wa nngai: dai yang e, nsu nnawn shangun ai, nsu nnawn ngu ai sumla tingnyang rai nga ai.

EZEKELA 9:3

Shaloi Israela Karai Kasang a hpung shingkang gaw, shanu nga ai Hkerub kaw na lung wa nna, Nta chyinghka hkinbawng de du nga ai; bai shi gaw, sumpan lawai nna, laika tsi ndum noi ai wa hpe, shaga wu ai.