EZEKELA 10:2 - Jinghpaw Hanson Version Bible

² Shaloi shi gaw sumpan lawai ai wa hpe, “Chyai kri nga ai leng dingsen lapran e, dai Hkerub npu de, sa shang u; Hkerubim lapran e nga ai wan n-ga ni hpe, na a lata lahkawng hte magawn la nhtawm, mare ntsa de gat dat u,” nga nna tsun ai hte maren, shi gaw nye a man e shang wa ai.

Jinghpaw Common Language Bible 2009

² Karai Kasang gaw lachyit nba lawai da ai wa hpe, “Leng dingsen ni a lapran na hkrung kanu ni a npu de sa shang nna grung ai wan n-ga ni hpe na a lata hte magawn la nhtawm dai hpe mare ntsa de gat dat u,” ngu nna tsun wu ai. Ngai gaw shi shang sa wa ai hpe azi yu nga nngai.

EZEKELA 10:2 ပူးပေါင်းရင်းမြစ်များ

2 HKAWHKAM 25:9

Shi gaw Yehowa a nta hte hkawhkam htingnu hpe mung, Yerusalem mare e nga ai nta kaba ni nlang hte hpe mung, nat kau wu ai.

SHAKAWN KUNGDAWN 140:10

Shanhte a ntsa e, wan n-ga hkrat bun mu ga; Grung ai wan hta e, shanhte hpe jahkrat dat mu ga, Bai n pru lu ai sung la ai nhkun hta e, shanhte hpe jahkrat dat mu ga.

SHAKAWN KUNGDAWN 18:10

Hkerub hta shi jawn nna pyen nga ai. Nbung a singkaw ntsa e pyen nang nga ai.

PRU MAT 25:18

Ja hte Hkerubim lahkawng mung nang galaw lu na rai ndai; dai chyeju magap a matu maga mi hte maga mi de tawk nna nang galaw na rai ndai.

ESAIA 30:30

Yehowa mung shi a daru magam nsen dat dat nna, pawt sindawng ai, wan hkru ai, nbung bung ai, laru ru ai, sin marang hte shi a lahpum shada na ra ai.

EZEKELA 1:13

Bai dai dusat ni a ahpraw nsam gaw, grung nga ai wan n-ga hte htoi tu ai shanan zawn rai nga ai; dai wan gaw dusat ni a ka-ang e lung wa yu wa rai nga ai; dai hta n-ga dai wan gaw, htoi kabrim nga ai hte, de a kata de na myihprap gala nga ai.

EZEKELA 10:16

Ya Hkerubim ni hkawm wa ma yang, leng dingsen ni shanhte a makau e hkawm wa ma ai; ga ntsa na lung wa na matu, Hkerubim ni singkaw hpyan yang, leng dingsen ni mung, htep htep hkan nang ma ai.

EZEKELA 9:11

Bai yu u, sumpan lawai nna, laika tsi ndum noi ai wa gaw, “Nang hkang da ai hte maren ngai galaw se ai,” ngu nna ga htang wu ai.

Daniela 7:9

Shaloi tingnyang ni hpe shadun da nna, moi chyaloi nhkoi na wa langai mi dung nga ai du hkra, ngai mu mada nngai; shi a hpun palawng hkyen zawn hpraw nna, shi a kara seng ai sagu mun hte bung nga ai; shi a tingnyang wan shinglet, de a dingsen ni grung ai wan rai nga ai.

SHINGRAN 8:5

Bai, dai lamu kasa gaw dai n-gawt hpe la nna, tawn hkungri na wan jahpring la ngut jang, mungkan ga ntsa de dai hpe jahkrat dat wu ai: shaloi mu ngoi ai, wu kadu ai nsen, myihprap kala ai hte nnang nawn byin pru wa ai.