EZEKELA 1:4 - Jinghpaw Hanson Version Bible

⁴ Ya ngai mada yu yang, yu u, ja ai nbung, sumwi kaba hte grup yin htoi gala ai wan dingsen, dingdung maga de na dawng pru nga ai: de a ka-ang na wan kata de na kung byawng abya htoi tu nga ai.

Jinghpaw Common Language Bible 2009

⁴ Ngai sharawt mada yu ai shaloi, dingdung maga de na bung sa wa ai nbung laru hpe mu nngai. Htat ai sumwi kata kaw na gala ai myihprap wan gaw gala nga nna sumsing lamu grup grup hkan htoi gala ai hte myihprap wan gala ai shara mi hta magri mang zawn htoi tu kabrim ai arai lama mi mung nga nga ai.

EZEKELA 1:4 ပူးပေါင်းရင်းမြစ်များ

1 HKAWHKAM 19:11

Bai Yehowa gaw, “Pru u, dai bum ntsa e Yehowa man e tsap nga u,” ngu wu ai. Shaloi, yu u, Yehowa law wa nna, grai ja ai nbung laru gaw Yehowa man e bum ni hpe jaga kau nna, lunghkrung ni hpe agrawp kau mu timung, Yehowa gaw da nbung laru hta lawm nga ai n rai; nbung laru a hpang e nnang nawn timung, Yehowa gaw dai nnang nawn hta lawm nga ai n rai,

2 HKAWHKAM 2:11

Shing rai shan lahkawng, tsun chyai let, naw kawm nga ma yang, yu u, wan re ai leng, wan re ai gumra ni paw pru nna shan lahkwang hpe karan jahka kau nhtawm, Elia gaw bungsha hte sumsing lamu de lung wa ai.

2 HKAWHKAM LABAU 5:13

ya pahtau dum ai ni hte mahkawn mangoi ai ni gaw, rau Yehowa a chyeju dum let shi hpe shakawn kungdawn nna, pahtau, shupsheng, dum ai baw kaga hte nsen langai sha hte Yehowa hpe shakawn kungdawn nna, Shi gaw mai kaja nga ai; rai sa, shi a chyeju htani htana e agrin nga ai, nga nna tsun ma yang, sumwi gaw Yehowa nta hpe nan ka-up nga ai;

YOBA 38:1

Shaloi Yehowa gaw bungsha kaw nna Yoba hpe htan let,

SHAKAWN KUNGDAWN 50:3

Anhte a Karai Kasang du ra ai rai nna, Shi atsin sha nga nga lu ai n rai; Shi a man e wan a hkru nga nna, Shi a grup yin e laru kaba ru nga ai.

PRU MAT 9:24

Egutu amyu tai ai kaw nna, dai mung ting hta lang mi mung n byin yu ai, nachying htat ai sin hte, dai hta kaprap ai wan, htu hkrat wa ai.

ESAIA 19:1

Egutu mung hta ang ai myihtoi ga: Yehowa gaw lawan ai sumwi hta jawn nna, Egutu mung de du ai: Egutu hpara sumla ni shi a man e gari nna, Egutu mung na minla gaw, tinang kraw e byaw mat na ra ai.

ESAIA 21:1

Nammukdara makau na, zaibru jang hta ang ai myihtoi ga: Dingda laru ru wa ai zawn, hkrit na nsan ai zaibru jang de na laru ru wa ai.

YEREMIA 23:19

Yu u, Yehowa pawt bu ngu ai bungsha gaw, pru wa sai; dai gaw ja la ai bungsha rai nga nna, tara n lang ai ni a baw ntsa e ahpawt na ra ai.

YEREMIA 25:32

Zaw nawng zaw wa up ai Yehowa ning nga ai: Yu mu, amyu mi hte amyu mi hta, tsin-yam tsindam kap na ra ai; ga ntsa jahtum de na, bungsha kaba rawt pru na ra ai.

YEREMIA 4:6

Ziun bum tawtap e dawnghkawn sharawt mu; hprawng mu, hkum hkring myit; kaning rai nme law, ngai gaw dingdung maga de na ruyak ai hte, grai kaba ai hten byak ai hpe, shapraw na nngai,

YEREMIA 6:1

“Ben-yamin a kashu kasha ni e, Yerusalem mare na pru nna, lawt hkra hprawng mu; Tekoa kahtawng e pahtau dum mu; Bet-hahkerem e kumla sharawt mu: kaning rai nme law, ruyak ai hte jahten shabyak kaba, dingdung maga de na dawng pru nga ai.

EZEKELA 1:27

Dai tingnyang kata e mung, grup yin e mung, dai wa a nshang kaw nna baw daw de, byawng mat ai kung zawn tu ala ai wan hpe, ngai mu nngai: bai, shi a nshang kaw nna lagaw daw de, wan nsan ai ngai mu nna, shi a grup yin e htoi kabrim nga ai.

EZEKELA 13:11

Dai gaw daw wa na ra ai, ngu nna namhtun chya ai ni hpe tsun mu; marang kaba htu lim na ra ai; sin kaba hkrat na ra ai; bungsha gaw dai hpe agrawp kau na ra ai.

EZEKELA 13:13

“Dai rai nna, Madu Yehowa ning nga ai: ‘Ngai pawt sindawng ai bungsha hte, dai bunghku hpe agrawp kau na nngai; ngai pawt bu ai majaw, marang htu lim nna, myit kahtet ai majaw, sin kaba hte jahtum kau na nngai.

EZEKELA 43:3

Ngai mu ai shingran gaw, mare hpe jahten na matu dan pru ai shingran hte, Hkebara hka kau e ngai mu yu ai shingran zawn, rai nga nna, ngai myi man gum dagup nngai.

EZEKELA 8:2

Shaloi ngai mada yu nna, yu u, wan nsan ai hkrang dan pru nga ai; nshang kaw nna lagaw daw de wan nsan ai mung, nshang kaw nna baw daw de, byawng mat ai kung zawn htoi kabrim nga ai.

ZEHKARIA 6:6

Gumra achyang dun ai leng gaw, dingdung maga de rai wa ma ai; gumra ahpraw gaw, dai ni a hpang de hkan nang ma ai; ateng apang re ai gumra ni gaw, dingda mung de rai wa ma ai,” nga nna ngai hpe htan ai.

HEBRE 12:29

kaning rai nme law, anhte a Karai Kasang gaw, hkru wa ai wan rai nga ai.

SHINGRAN 1:15

shi a lagaw yan gaw, wan htung hta jen kau sai magri jet zawn san nga ai; shi a nsen gaw, hka law law kadu ai nsen zawn wu nga ai.